JOHAN 13:5 - Bawm Common Language Bible Version

⁵ Chun, mâihûm ah tî a tleng le, a ṭhiruai tla kê a ṭâwl le, thlan nâwtnâk puan â menh mi hen chun a nâwt vima na.

JOHAN 13:5 ပူးပေါင်းရင်းမြစ်များ

GENESIS 18:4

Nan kê ṭâwlnâk ding hen tî ka va lâk duak lai rih; hi thing tangah a dîn rih râu u.

GENESIS 19:2

“Pu le tla, nanmah nâwlzulh ding hen hinah ka um ko. Zângfahtê hen ka in leiah hawng u, Nan kê tla nan ṭâwl lai le, zân khawm nan riak ko lai. Thâizîng zîngtê hen nan thawk lai le, nan kalnâk ding leiah nan kal ko lai,” a ti. “Silo, khuapi sungah kan riak awt ko,” ti hen an sâng.

GENESIS 43:24

To-aw nih unau rual tla chu in ah a kalpi na le, an kê ṭâwlnâk ding hen tî tla a pêk na. An sanatung tla khawm râwl a pêk piak na.

2 Lal 3:11

Lalchem Jehosaphat nih, “Hinah hin LALPA sinah thu deih ding hen khuavâng a um lo menmaw?” a ti. Lalchem Joram hotu nih a sâng le, “Elija ṭangpitu, Saphat fapa Elisa chu hinah a um ko,” a ti.

SAM 51:2

Ka diklonâk zawzawng ṭâwl le, ka sual lakah mi hawng ka thiangtir!

EXODUS 29:4

“Ka umnâk Puanin kawtkâ kiangah Aron leh a fapa tla hawngpi na le, dân hâwi hen tak khawlh ding hen simh na.

ISAI 1:16

Thiang ver hen a ṭâwl u. Thilsual nan ti mi ka muh mi tla hi bâng u.

EZEKIEL 36:25

Tî thiang ka nan theh na lai le, nan milem zawzawng leh thil dang a nan nawmhtir natu zawzawng lakah mi ka nan thiangtir na awt.

LEVITICUS 14:8

Chu minung pa nih a puan a suk hen a mul tla a mêt hen tak â khawlh lai le, chu tikah a thiang mi asi lai rawh. Riakmun ah a lût kho lai rawh, sikhawmsele, ni sarih kar chu a puanin lênglei ah a um rih ding asi.

ZEKARIA 13:1

LALPA Zeizawng tikho nih, “Chu tikah chun, David thlâk leh Jerusalem a mi chu an sualnâk leh milem an sawnhnâk tlenh ding hen tinungva ka suaktir awt.

LUK 7:38

A dung leiah a kezaphab bul ah chun ṭap bû hen a dîr le, a mitthli hen a kezaphah a chinh le, a sam hen a nâwt, a kezaphah chu a châwchawk chiam le, sariak rimthâw hen a chulh.

LUK 7:44

Chun, nunau lei chu â hawi le, Simon sinah chun, ‘Hi nunau hi na muh ma? Na in ah ka hawng lût le, nangnih ka kezaphah ṭâwlnâk ding tî na ka pêk lo, anih lam nih chun a mitthli hen ka kezaphah a chinh le, a sam hen a nâwt asi.

JOHAN 13:10

Jisu nih a sinah, “Tak khawlh rawh nih chun a kê lo chu ṭâwl a ngâilo, a thiang ver; nannih nan thiang-- nan ektê lam chu asi lo,” a ti.

JOHAN 13:6

Chuvachun, Simon Peter sinah a hawng kal, anih nih chun, “Lalpa, nangnih ka kê na ṭâwl awt ma?” a ti.

JOHAN 13:8

Peter nih a sinah, “Ka kê na ṭâwl rîlmâl lai loh,” a ti. Jisu nih a sinah, “Ka ṭâwl lo chun ka sinah zeikhawm tingvo na nei lai loh,” a ti.

JOHAN 19:34

Sikhawmsele, kawrsen tla lakah minung pakhat nih a nâk ah fei hen a sunh le; chun thisen leh tî a suak sawm rawh.

THILTI 22:16

Chun, zei rangah me na um ko? Thawk le, a baptis le, na sual na ṭâwl thiang ding hen a sinah thlacham rawh,’ hawng ka ti.

1 KORIN 6:11

Chun, nannih zeimaw mi chu hâwi mi nan si tâwn kha. Sikhawmsele, Lalpa Jisu Krist min leh kan Pathian Thlarau ah ṭâwl thiang nan si rawh, thenhlimh mi nan si rawh le, mawhtir lo mi nan si rawh.

EPHESI 5:26

annih chu tî a ṭâwl hen, thu nih chun a thiangtir hen a thenhlimhtir kho na nâk ding hen;

1 TIMOTHE 5:10

chun, thil ṭha ti lakah a minthang mi: nunau mah fa le zauhkhenh thiam, a in ah khual tla tlung hen, Pathian mi le kê ṭâwl leh an nawknâk ah ṭangpi hen, thil ṭha tinâk kip ah â pêk mi asi ding asi.

HEBRAI 10:22

Kan thinlung ah sia leh ṭha theihnâk sual thiang rawh hen, kan taksa tla tî fîm lakah ṭâwl hen lungnâk rangtling nei hen, thinlung tak put hen Pathian kan naih lai.

1 JOHAN 1:7

chun, amah chu chêu ah a um hâwi hen, kannih khawm chêu ah um kan si chun, kanna kawmh dut le, a Fapa Jisu thisen nih kan sual zawzawng a thiangtir asi.

1 JOHAN 5:6

Jisu Krist chu â baptisnâk tî leh a thihnâk thisen hen a hawng kal asi, tî cho hen a hawng mi silo le, tî leh thisen hen asi dauh. Thlarau chu thutak asi ruangah chun, Thlarau nih chun thudik asi ti a theihtir asi.

THUPHUANG 7:14

Chun, kei nih chun a sinah, “Pu, nangmah nih na theih dauh ko khateh,” ka ti. Chun, anih nih chun ka sinah, “Hi bang tla hi nehsawhnâk fâk tak thawk hen him tak hen an hawng suak mi tla an si, an puan tla chu Dawrâ Fa thisen ah suk hen an vârtir asi,

LÂIRÊL 19:21

Churawhchun, in leiah a kalpi na le, an sanatung tla râwl a pêk. A khual tla chu an kê an ṭâwl le, buh an ei rawh.

1 SAMUEL 25:41

Abigail chu tual ah a kûn le, “Kei a to-awnu kasi, to-aw kê tla ṭâwl ding ka tîm kumza,” a ti.