JOHAN 13:34 - Bawm Common Language Bible Version

³⁴ Thupêk thar ka nan pêk na hi, a dâwt ule; kei nih ka nan dâwt na hâwi hen, nannih khawm a dâwt u.

JOHAN 13:34 ပူးပေါင်းရင်းမြစ်များ

SAM 119:63

Kei chu nangmah rianṭuantu zawzawng leh na dân thu zûltu zawzawng hâwikawmh kasi.

SAM 16:3

LALPA mi zapi zumhkâi tla chu an ṭha a! Ka lâwmnâk sâng chem chu an sinah a um.

LEVITICUS 19:18

Âukhawm lehrul sam hen hua kumza lah. Sikhawmsele nangmah na dâwt hâwi hen na zâwlbâwm dâwt rawh. Kei, LALPA chu kasi.

LEVITICUS 19:34

Nanmah Israel mi tla hâwi hen zauh na u, nanmah nanna dâwt mi hâwi hen dâwt na u. Aigupta ram ah nan um liauah ramdang mi nan si mi kha theihkumza u. Kei, LALPA nan Pathian kasi.

MATHAI 5:44

Kei lam nih chun ka nan simh na, nan mêlma tla dâwt na ule, an nehsawh natu chu thlacham piak u,

JOHAN 15:17

Nanna dâwt khonâk ding hen hi bang thu hi ka nan pêk na.

JOHAN 17:21

An ektê hen pumkhat an si khonâk ding hen thla ka cham. Pa, nang keimah lakah na um mi leh kei nangmah lakah ka um hâwi hen, annih khawm kanmah lakah an umnâk ding hen; nangnih kei na ka fial ti laikulh nih an lung khonâk ding hen.

ROM 12:10

Unau tla siherh leikângah chun siherh tak hen a siherh tawnh chiau u.

ROM 13:10

Dâwtnâk nih zâwlbâwm tla a râwk dahlo; churuangah dâwtnâk hi Dân zawh rangtlingnâk asi.

ROM 13:8

A dâwt tawnhnâk cho lo chu âu sin khawm ah zeikhawm a bat lah u; mah minung hâwi dâwttu nih chun Dân chu a zâwt kim rawh asi.

GALATIA 5:22

Thlarau rah lam chu zângfahnâk, lâwptlonâk, remnâk, dawnhkhonâk, vêlneihnâk, ṭhatnâk,

GALATIA 5:6

Krist Jisu ah chun fêmtan hi zeikhawm a ṭhatnâk a um lo, fêmtan lo khawm zeikhawm a ṭhatnâk a um lo; lungnâk, zângfahnâk ah ṭuan tam chu a ṭhavak asi.

GALATIA 6:10

Chun, tik a rem zia hâwi vima hen mi zawzawng tlûnah thil ṭha kan ti lai, lungnâk dâwngsung tla lakah mi tlûnah kan ti dauh chem ding asi.

GALATIA 6:2

Nan thilrit phurh tla chu a sâwng tawnh u, chun Krist dân thu chu nan zâwt mi asi lai.

EPHESI 5:2

Krist nih a nan dâwt na le, Pathian sinah thil ap ah leh bâwlnâk rimthaw rang dingah kan ruangrûl ah â pêk mi hâwi khan zângfahnâk ah um u.

1 THESALONIKA 3:12

Chun, nanmah leikângah zângfahnâk kan nei hâwi hen, nanmah leikângah zângfah tawnhnâk leh mi zawzawng leikângah zângfahnâk chu Lalpa nih chun an pungtir piak na hen an chawngtir na seh.

2 THESALONIKA 1:3

Unau tla, nanmah leikâng thu ah Pathian sinah lâwmthu sim kumza ding rêng kan si; chu chu â dawh rêng asi, nan lungnâk thu thungâi ṭhanglian hen, nan ektê hen nanna zângfah tawnhnâk chu a pung khun ruangah;

HEBRAI 13:1

Krist ah unau nan si ruangah a dâwt tawnh u.

JEM 2:8

Pathian lasui thu nih, “Nangmah na dâwt hâwi hen na zâwlbâwm tla na dâwt ding asi,” ti mi Pathian Ram dân nan zawt chun nan ti dik asi.

1 PETER 1:22

Unau tla hen a zângfah tawnh tatak ding hen, thudik zâwt hen nanna thenhlimhtir ruangah thinlung ah semsêngâi tak hen a dâwt tawnh u.

2 PETER 1:7

nan Pathian sunhsaknâk lakah chun unau tla dâwtnâk telh ule, unau tla nan dâwtnak lakah chun dâwtnâk singsuan nei u;

1 JOHAN 3:11

Hi hi a tîr thawk hen thuchah nan theih mi kha asi: Kanna zângfah tawnh ding asi, ti hi.

1 JOHAN 3:23

Chun, a thupêk chu hi hi asi, Jisu Krist nih thu hawng kan pêk hâwitê hen, Jisu Krist min lung hen a zângfah tawnh ding asi.

1 JOHAN 4:21

Hi hi Krist nih thu hawng kan pêk mi chu asi “Mi nih Pathian a zângfah chun a unau khawm a zângfah ding asi,” ti hi.

2 JOHAN 1:5

Nunau: na sinah thupêk thar hâwi a rîn silo hen, a tîr thawk hen kan nei mi hâwi a rîn dauh hen, kanna zângfah tawnh ding hen ka rîn asi.