JOHAN 13:3 - Bawm Common Language Bible Version

³ Jisu nih chun Pa nih thiltikhonâk rangtling a pêk ti a theih; Pathian sinah thawk hen a hawng kal mi leh Pathian sinah a kal awt ti a theih.

JOHAN 13:3 ပူးပေါင်းရင်းမြစ်များ

MATHAI 11:27

“Ka Pa nih thil zeizawng hawng ka kiltir rawh. Pa lo nih chun âukhawm nih Fapa hi an theih loh. Fapa leh an sinah Fapa nih a phuang duhnâk tla cho lo nih chun âukhawm nih Pa chu an theih loh.

MATHAI 28:18

Chun, Jisu chu an sinah a hawng kal le, annih tla chu a sawnh na, “Tual leh vân ah mi thuneihnâk zawzawng ka sinah pêk asi rawh.

LUK 10:22

“Ka Pa nih thil zeizawng hawng ka kiltir rawh; Pa cho lo nih chun Fapa chu âu mesi ti âukhawm nih an theih loh! Pa khawm chu âu me asi ti, Fapa leh an sinah Fapa nih a phuang duh mi tla cho lo nih chun âukhawm nih an theih loh,” a ti.

JOHAN 1:18

Âukhawm nih Pathian an muh dahlo, Fapa neihlem, Pa kiangah um mi tak nih khan, amah a theihtir rawh asi.

JOHAN 13:1

Tuhin Kalkanh Kût lânah mi ni asi. Jisu nih hi laikulh a kaltâk ding mi leh Pa sinah a kal ding tik a rangah a tlung rawh ti a theih. Laikulh ah amah tâ tla chu a dâwt kumza na le, chun a dawngh tiang hen a dâwt na.

JOHAN 17:2

kha hâwi hen mi zawzawng tlûnah thu nei hen na siam mi nih khan, a sinah na pêk mi vial tla sinah zungzâl nungnâk a pêk khonâk ding hen.

JOHAN 3:13

Vân ah âukhawm an kâi dahlo, Minung Fapa vân thawk hen hawng ṭum mi cho lo hi chu.

JOHAN 3:35

Pa nih Fapa a dâwt le, a thiltikhonâk ah thil zeizawng a pêk rawh.

JOHAN 7:29

Kei lam nih chun anih chu ka theih; a sin thawk hen hawng kasi, amah nih hawng ka fial asi,” a ti.

JOHAN 7:33

Chun, Jisu nih, “Sâwtlotê nan sinah ka um lai rih le, hawng ka fialtu sinah ka kal lai.

JOHAN 8:14

Jisu nih an sinah, “Mah thu theihtir khawmsele, ka thu theihtir a dik asi; kei nih ka hawng suaknâk leh ka kalnâk lei ding khawm ka theih; nannih lam nih chun ka hawng suaknâk leh ka kalnâk ding lei khawm nan theih lo.

JOHAN 8:42

Jisu nih an sinah, “Pathian nan pa asi chun, nan hawng ka dâwt lai; Pathian sinah suak le, amah sin thawk hen hawng kal kasi; keimah thu hen hawng kal kasi lo, amah fial mi kasi dauh.

THILTI 2:36

“Chun, Jisu nan khenhbêk mi ngelchel kha Pathian nih Lal leh Mesia si hen a siam rawh ti Israel phun kip nih theih chiau seh,” a ti.

1 KORIN 15:27

Pathian lasui thu nih, “Pathian nih thil zeizawng a kê tangah a siah asi, ti hen a sim ruangah. “thil zeizawng” ti mi nih hin Pathian tel lo hen Krist tangah thil zeizawng siah ver ti nâk asi.

HEBRAI 1:2

sikhawmsele ni dawngh lei tla ah chun a Fapa mang hen kan sinah thu a sim. Chu a Fapa chu zeizawng ah rotingtu ah a siam; chu nih chun laikulh khawm hi a siam.