JOHAN 13:17 - Bawm Common Language Bible Version

¹⁷ Chubang thil chu nan theih chun, ti u le nan thaw a suak lai!

JOHAN 13:17 ပူးပေါင်းရင်းမြစ်များ

GENESIS 6:22

Noa nih Pathian nih a sim mi zawzawng chu a ti ver.

SAM 19:11

Na to-aw rangah theihthiamnâk na ka pêk le; ka zûl ruangah lâwmman pêk hen ka um.

EXODUS 40:16

Mosi nih chun LALPA nih thu a pêk mi hâwitê hen a ti rawh.

THUFING LASUIBU 29:18

Pathian ruilo mi phun tla chu, thupêk nei lo mi phun an si. LALPA dân zûltu chu a thaw a suak!

JEREMIA 11:6

Churawhchun, LALPA nih ka sinah, “Juda khuapi tla leh Jerusalem khua lâi ah va kal rawh. Chunah mi tla sinah ka thuchah phuang le, ka thudântuk ngâi ding leh zûl ding hen simh na.

EZEKIEL 36:27

Ka thlarau nan lakah ka siah lai le, ka thupêk kan pêk na mi zawzawng leh ka dân nan zûl mi tla ka nan muh na lai rawh.

MATHAI 12:50

Âuzawng ka Pa vân ah mi duhzia titu zawng chu ka unau tla, ka farnu tla, ka nu tla an si,” a ti,

LUK 11:28

Sikhawmsele, anih lam nih chun, “Pathian thu theih hen zâwttu tla hi mi vânṭha an si dauh, ti sim a ṭha dauh,” a ti.

JOHAN 15:14

Thu ka nan pêk na mi zawng nan ti chun, ka hâwi tla nan si lai.

ROM 2:13

Chun, mi nih Dân a theih mi ko asi chun Pathian lakah mirep asi lo, Dân nih a herh a ti mi tla a ti chun Pathian lakah mirep asi lai.

GALATIA 5:6

Krist Jisu ah chun fêmtan hi zeikhawm a ṭhatnâk a um lo, fêmtan lo khawm zeikhawm a ṭhatnâk a um lo; lungnâk, zângfahnâk ah ṭuan tam chu a ṭhavak asi.

JEM 1:25

Sikhawmsele, ruangsuahnâk dân rangtling minung tla suahtu chu zauh hen, zâwttu si hen, ngâi salam leh philhtu silo hen, zûltu chu a thilti Pathian nih mal a sâwm lai.

JEM 4:17

Churuangah, âuzawng thil ṭha ti ding theih ko hen tilo chu sual asi.

THUPHUANG 22:14

An nipuan thiang tak hen suktu leh nungnâk thing rah ei hen khuapi kawtkâ ah a lût khotu tla chu an thaw a suak.