JOHAN 13:14 - Bawm Common Language Bible Version

¹⁴ Kei, Lalpa leh Sîntirtu men nih nan kê ka ṭâwl chun, nannih khawm nih nan kê nanna ṭâwl piak ding asi.

JOHAN 13:14 ပူးပေါင်းရင်းမြစ်များ

JOHAN 11:2

Mari sariak rimthâw, Lalpa chulh hen, a sam hen a kê nâwttu, kha ṭapa Lazar kha asi, a damlo mi chu.

THILTI 20:35

Zeizawng ka ti mi vial zûn ka nan zauhtir na tâwn kha, chubang hâwi hen hamh tak a ṭuan bû hen Lalpa Jisu thu theihkumza bû hen mi chaklo tla nan ṭangpi ding asi; amah ngelchel nih, “Zeilo lâk lei ngâk hen pêk lei a ṭha dauh,” a ti.

ROM 12:10

Unau tla siherh leikângah chun siherh tak hen a siherh tawnh chiau u.

ROM 12:16

Dawnruatnâk munkhat hen a um tawnh u. A Sung-û tir tuk lah u, nauta tla kawmh dauh na u. A fingtir lah u.

1 KORIN 12:3

Churuangah, âukhawm nih Pathian Thlarau ah thusim hen, “Jisu chu siat phurh asi,” an ti dahlo; chun âukhawm nih Thlarau Thenhlimh ah cho lo chun “Jisu chu Lalpa asi,” an ti kho dahlo ti ka nan theihtir na.

1 KORIN 8:13

Churuang chun ei ding nih hin ka unau a tlûktir chun ka unau a tlûktir lonâk ding hen kumleza hen sa rerêng ka ei lai loh.

2 KORIN 10:1

Chun, kei Pawl, nan lakah nan mitmuh ah dawnhkho tak a um hen nan sinah ka um lo kâ hen nanmah leikângah iam tâwn mi nih hin Krist ṭhatnâk leh nunnêmnâk hen kan ngiar na.

2 KORIN 8:9

Kan Lalpa Jisu Krist zângfahnâk chu a pâmnâk ruangah nan hawng nei khonâk ding hen, nei khawmsele nanmah ruang takah a hawng pâm mi kha nan theih asi.

GALATIA 5:13

Unau tla, sal silo ding hen kawh nan si; sikhawmsele, sal nan si lonâk chu taksa rangah dêngkhâwngnâk ah mang lah ule, zângfahnâk hen rian a ṭuan piak tawnh chiau u.

PHILIPI 2:11

Pa Pathian rokualnâk ding hen, lei kip nih, “Jisu Krist chu Lalpa asi,” ti hen, an phuang lai.

1 TIMOTHE 5:10

chun, thil ṭha ti lakah a minthang mi: nunau mah fa le zauhkhenh thiam, a in ah khual tla tlung hen, Pathian mi le kê ṭâwl leh an nawknâk ah ṭangpi hen, thil ṭha tinâk kip ah â pêk mi asi ding asi.

HEBRAI 12:2

Anih nih chun a mâilei ah lâwptlonâk um mi ruangah kraws ah thihnâk chu zei siarlo hen, tu ah Pathian laltophah vawrhlei ah a va to rawh.

1 PETER 4:1

Chun, Krist nih taksa hen a tuar rawh ruangah nannih khawm chu hâwi dawnruatnâk hen nanna chaktir ding asi. Âuzawng taksa ah tuartu nih chun sual a bângtâk rawh ruangah.

1 PETER 5:5

Chu hâwi ber hen, nannih seino tla, upa tla thu ngâi u. Nan ektê hen rian a ṭuan piak tawnh ule, thinlung nâunâk hen a thuam u. Pathian nih mizûm tla a do le, â nâutir mi tla lam chu zângfahnâk a pêk tâwn ruangah.