JOHAN 13:1 - Bawm Common Language Bible Version

¹ Tuhin Kalkanh Kût lânah mi ni asi. Jisu nih hi laikulh a kaltâk ding mi leh Pa sinah a kal ding tik a rangah a tlung rawh ti a theih. Laikulh ah amah tâ tla chu a dâwt kumza na le, chun a dawngh tiang hen a dâwt na.

JOHAN 13:1 ပူးပေါင်းရင်းမြစ်များ

THUFING LASUIBU 8:31

Laikulh leh minung fa tla hen lâwm tak hen kan um.

JEREMIA 31:3

Israel mi tla nih din ding an duh thlo liauah lât tak thawk hen an sinah ka langh. Israel mi tla, ka nan dâwt kumza na; churuang chun ka dâwtnâk dawnglo chu nan sinah ka langh kumza lai.

MATHAI 26:45

Chu thluh chun ṭhiruai tla sinah a hawng nawlh le, an sinah, “Tuah lam chun it ule, a dîn u rawh. Zauhnik u, a tik chu a tlung rawh, Minung Fapa hi misual tla kut ah an tleihtir awt hi.

MATHAI 28:20

Chun, ngâinik u, kei zungzâl hen, laikulh dawngh tiang hen nan sinah ka um vima lai,” a ti.

LUK 22:53

Pathian Biakin ah nan sinah nisiar ka um liau khan tleih ding hen nan ka awtlo. Sikhawmsele, tu hi nan changh tik asi, mûi thuneihnâk hen,” a ti.

LUK 9:51

Chun, vân ah a kâi ding tik a tlung awt liauah Jerusalem ah kal ding hen â hawi thlir le, a lânkhân hen thu thanhtu tla a fial na le;

JOHAN 11:55

Chun, Juda tla Kalkanh Kût chu a nâi rawh le, mi cherkhet a thianh ding hen, ram thawk hen, Kalkanh Kût lânah Jerusalem ah an kal.

JOHAN 12:23

Chun, Jisu nih a sâng le, an sinah, “Minung Fapa chawnglawmh hen a um ding tik chu a tlung rawh.

JOHAN 13:29

Zeimaw mi nih, Juda chu tangka tawbala a kil ruangah, “Jisu nih, ‘Kût rangah thil kan herh phung tla va châwk rawh,’ a ti mi mawh ‘Mipâm tla sinah zeilo pêk ding, a ti mi mawh,” an ti asi.

JOHAN 13:3

Jisu nih chun Pa nih thiltikhonâk rangtling a pêk ti a theih; Pathian sinah thawk hen a hawng kal mi leh Pathian sinah a kal awt ti a theih.

JOHAN 13:34

Thupêk thar ka nan pêk na hi, a dâwt ule; kei nih ka nan dâwt na hâwi hen, nannih khawm a dâwt u.

JOHAN 14:28

‘Ka kal awt le, nan sinah ka hawng nawlh lai,’ ka nan ti na mi kha nan theih rawh. Nannih nih hawng ka dâwt mi si u le chu, Pa sinah ka kal awt ruangah nanna lâwm ding asi; Pa chu keimah ngâk hen a rokual dauh ruangah.

JOHAN 14:31

Sikhawmsele, kei nih Pa ka dâwt leh Pa nih thu hawng ka pêk hâwi vima hen thil ka ti; laikulh nih an theih khonâk ding hen asi hi. “Thawk u, hin a mi hi kan kal lai.”

JOHAN 16:28

Kei Pa sin thawk a hawng suak hen, laikulh ah hawng kal kasi; laikulh kaltâk hen, Pa sinah kal nawlh ding kasi,” a ti.

JOHAN 17:1

Chubang thu chu Jisu nih a sim le; vân lei zauh hen, “Pa, a tik a tlung rawh. Na Fapa chawnglawmh rawh, Fapa nih a nan chawnglawmhnâk ding hen;

JOHAN 17:16

Annih chu laikulh ah mi ansi lo, kei laikulh ah mi kasi lo hâwi hen.

JOHAN 17:26

Chun, an sinah na min ka theihtir le, ka theihtir vima lai; nangnih kei na ka dâwtnâk kha anmah lakah a um, kei khawm anmah lakah ka um khonâk ding hen,” a ti.

JOHAN 17:5

Pa, laikulh um lânah na sinah rokualnâk ka nei mi hen khan, tu ah nangmah sin ngelchel ah hawng ka chawnglawmh rawh.

JOHAN 18:4

Jisu nih a tlûnah thil tlung ding zawzawng chu theih hen, a va suak le; an sinah, “Âu me nan hâwl?” a ti.

JOHAN 19:28

Chu nûnah chun, Jisu nih thil zeizawng tu ah a rangtling rawh ti a theih le, Pathian lasui thu kha a tlungnâk ding hen, “Ka tî a hâl,” a ti.

JOHAN 2:13

Chun, Juda Kalkanh Kût a nâi rawh le, Jisu Jerusalem ah a va kal.

JOHAN 6:4

Chun, Juda tla Kalkanh Kût chu a nâi rawh.

JOHAN 7:30

Chuvachun, anih chu tleih an tum le, sikhawmsele a tik a tlung lo rih ruangah âukhawm nih a tlûnah kut an thlâk lo.

JOHAN 7:6

Chun, Jisu nih an sinah, “Ka tik a tlung lo rih; nannih tik lam chu a tlung kumza asi.

JOHAN 8:20

Chubang thu chu Pathian Biakin ah a sîntir na liauah, thawhlâwm siahnâk mun ah a sim le; âukhawm nih amah an tleih lo, a tik a tlung lo rih ruangah.

ROM 8:37

Ṭhen lah e, chubang zawzawng lakah chun hawng kan dâwttu ruangah rokual tak hen nehtu kan si.

1 KORIN 1:8

Anih nih chun kan Lalpa Jisu Krist Ni ah chun simsâwi kawplo hen nan umnâk ding hen a dawngh tiang hen a nan birhtir na lai.

HEBRAI 3:14

A bul ah lungnâk kan nei mi kha a dawngh tiang hen tleih thlirtu kan si chun Krist tingpitu tla kan hawng si.

HEBRAI 3:6

Krist chu Pathian in ah thuneitu fapa asi hâwi hen zumh a kâi asi, kan lungum mi lakah kan râlṭhatnâk leh kan lungnâk bir tak hen kan tleih thlir chun Pathian in kan si.

HEBRAI 6:11

Sikhawmsele, a dawngh tiang hen lungumnâk rangtling tawng ding hen nan taimâk chuh dân hâwi khan taimâk suah chiau ule, thungâi ka nan duh na.

1 PETER 1:13

Churawhchun, rianṭuan ding hen nan thinlung ah a tîm u. A ringrâwn ule, Jisu Krist a hawng a langh tikah malsâwmnâk a nan pêk na ding mi lakah nan lungumnâk zawzawng chu ngauh u.

1 JOHAN 4:19

Pathian nih a hawng kan zângfah masa ruangah kan zângfah asi.