JOHAN 12:46 - Bawm Common Language Bible Version

⁴⁶ Chêutirtu ah laikulh ah hawng kal kasi hi, âuzawng hawng ka zumhtu vial chu mûi ah an um kumza lonâk ding hen.

JOHAN 12:46 ပူးပေါင်းရင်းမြစ်များ

SAM 36:9

Nang chu nungnâk bul na si, na chêunâk ruangah chêu kan muh.

ISAI 40:1

Kan Pathian nih, “Ka mi le tla, thlangamh na u, thlangamh na u!

ISAI 42:15

Tlâng tênâu leh tlâng sâng tla ka veih lai le, thing leh belh tla ka chârtir lai. Tivakuam tla chu ramkaro ah ka changtir lai, tili mi tî tla ka kangtir lai.

ISAI 42:7

Mitchâw mit na deitir lai le, rêngin mûi ah to mi tla chu na suah na lai.

MALAKI 4:2

Sikhawmsele ka thu ngâitu tla rang chun ruangsuahnâk thiltikhonâk chu nan lakah repnâk nî hâwi hen a hawng suak lai le, nî chêu hâwi hen damhnâk a hawng put lai. Chawlâ a rung lakah mi an suah le, thawsuak tak hen a um hâwi hen an lâwptlo lai.

MATHAI 4:16

Mûi nâwng ah to tla nih chun chêu fâk tak an muh lai, Thihnâk mun leh a thlaliah ah um mi tla tlûnah chun, chêu a hawng suak rawh,’ ti hen, a sim mi kha a hawng tlung khonâk ding hen.

LUK 2:32

Phundang tla sinah langhtirnâk chêu leh na mi Israel tla rokualnâk ding chu,” a ti.

JOHAN 1:9

Chêu dik tak mikip chêutirtu kha laikulh ah a hawng kal liau asi.

JOHAN 3:19

Hi hi mawhnâk asi, chêu laikulh ah a hawng kal le, sikhawmsele mi le tla nih chêu ngâk hen mûi an duh dauh, an thilti tla an sual ruangah.

JOHAN 8:12

Chun, Jisu nih an sinah thu a sim nawlh le, “Kei laikulh chêu kasi; âuzawng hawng ka zûltu chu mûi ah a kal lai lo, nungnâk chêu a nei dauh lai,” a ti.

JOHAN 9:39

Chun, Jisu nih, “Lâirêl ding hen hi laikulh ah hin hawng kal kasi, mitchâw tla an mit a deinâk ding leh mitdei tla chu an mit a châw khonâk ding hen,” a ti.

JOHAN 9:5

Laikulh ka um karah laikulh chêu kasi,” a ti le, a sâng.

THILTI 26:18

an mit deitir ding hen an sinah ka nan fial hi, chun mûi chu chêu leiah an hawng hertâk lai le, Setan thuneihnâk chu Pathian leiah an hertâk lai, sual ngaihzia thiamnâk an tawngnâk ding leh an hawng ka lung ruangah thenhlimh rawh mi le tla lakah ro anna ting khonâk ding hen,’ ” a ti.

EPHESI 5:14

Churuangah, “Nang, it meng le, mithi lakah mi thawk rawh; chun, Krist nih a nan cherh lai,” a ti kha.