JOHAN 12:42 - Bawm Common Language Bible Version

⁴² Sikhawmsele, lâirêltu tla lakah cherkhet khawm nih Jisu an zumh rawh le; sikhawmsele Farisai tla ruangah anna phuang lo, chu lo chun pumhnâk in ah mi nar hen an um lai:

JOHAN 12:42 ပူးပေါင်းရင်းမြစ်များ

THUFING LASUIBU 29:25

Mi nih an ruat mi hâwi hen thinlung put chu ṭihnung a kai le, sikhawmsele LALPA lakah ngauhtu na si chun na him lai.

ISAI 51:7

Nannih thil dik theihtu tla, nan thinlung ah ka nan sîntir na mi kiltu tla, ka thu ngâi u. Mi nih a nan nihsanh hen an siar na lo tikah chun tih lah u;

ISAI 57:11

LALPA nih, “Ka sinah âwkrâwl thusim hen hawng ka philh hep ding hen an ṭhih natu tla hi zei pathian me an si? Sâwt tak ka dâisip ruangah keimah nan ka zah ding mi chu nan bâng mu?

ISAI 66:5

LALPA ṭihtu leh a thu zûltu tla, LALPA thusim ngâi u: “Nannih chu ka lakah zumh nan kâi ruangah nan lakah mi zeimaw mi nih a nan hua na le, nanmah hen zei thilti ding khawm an nei lai lo. ‘LALPA nih a rokualnâk an muhtir na hen an hum na seh, chu tikah nanna lâwm mi kan muh kho lai’ ti hen an nihsanh na. Sikhawmsele annih tla chu ningzak saih hen an um lai!

JEREMIA 38:19

Sikhawmsele, lalchem nih a sâng le, “Kan ram minung Babulon leiah tek ding mi chu thungâi ka ṭihpi na, kei khawm an sinah pêk leh rêp hen ka um kho,” a ti.

MATHAI 10:32

“Chuvachun, mi le tla mâika ah hawng ka ṭanhtu zawng ka Pa vân ah mi mâika ah ka ṭanh bâk lai.

LUK 12:8

“Chun, ka nan simh na, mi le mâika ah hawng ka ṭanhtu zawng Pathian vânmifial tla mâika ah Minung Fapa nih a ṭanh bâk lai.

LUK 23:13

Chun, Pilat nih bâwlpu lal tla, hotu tla leh mi zawzawng tla a pumh na le,

LUK 6:22

“Minung Fapa ruangah mi nih an hua na hen, an nawng na hen, an fâi na hen, nan min a ṭhalo ti hen an lawnh tlak na tikah nan thaw a suak teh lai!

JOHAN 11:45

Churuang chun Mari sinah an hawng mi Jisu thilti muhtu Juda tla lakah cherkhet nih amah an zumh rawh.

JOHAN 12:11

Amah ruangah Juda tla cherkhet nih an kaltâk na le, Jisu an zumh ruangah.

JOHAN 16:2

Pumhnâk in ah mi an nar na lai le; asi, âuzawng an thah natu vial nih Pathian tlûnah thil ṭha ti hen anna ruat lai, chu tik chu a hawng tlung awt.

JOHAN 19:38

Chun, chu nûnah chun, Josef, Arimathai khua mi, (Jisu ṭhiruai asi le, sikhawmsele Juda tla a ṭih ruangah a thup hen um asi.) anih nih chun Jisu ruak chu kalpi kho ding hen Pilat sinah a deih le, chun Pilat nih a siang. Chuvachun, a hawng kal le, a ruak chu a kalpi rawh.

JOHAN 3:2

chu chu zân ah Jisu sinah a hawng kal le, a sinah, “Sîntirtu, Pathian sinah mi sîntirtu ding ah hawng kal na si ti kan nan theih; Pathian an sinah a um lo chun hi singsiahnâk tla na ti hâwi hi âukhawm an ti kho lai loh,” a ti.

JOHAN 7:13

Sikhawmsele, Juda tla an ṭih ruangah âukhawm nih a thu an phuang ngam lo.

JOHAN 7:31

Mi zapi lakah tam tak lam nih chun anih chu an zumh le, “Mesia chu a hawng tikah hi minung ngâk hen tam dauh singsiahnâk a hawng ti lai mazei?” an ti.

JOHAN 9:22

Juda le an ṭih ruangah a nu leh a pa nih chun, chubang thu chu an sim asi. Juda tla nih chun âuzawng nih, “Anih chu Mesia asi,” ti hen ṭanhtu chu pumhnâk in ah mi nar asi lai ti hen rem an ti chia khap asi.

JOHAN 9:34

Chun, annih nih chun a sinah, “Nang sual lumpi hen suak na si, nangnih na hawng kan simh bâk mu?” an ti le, an sâng. Chun, anih chu an nar rawh.

THILTI 5:41

Chun, lâirêltu tla lakah thawk hen an suak le, chu min ruangah chun mualpho tuar tlâk ah ruat an si ruangah chun thungâi anna lâwm.

ROM 10:10

Mi leh nih thinlung hen an lung le, repnâk an tawng tâwn; kâ hen an ṭanh le, ruangsuahnâk an tawng tâwn asi.

1 JOHAN 4:15

Âuzawng, “Jisu chu Pathian Fapa asi” titu chu amah lakah Pathian a um kumza le, anih khawm chu Pathian lakah a um kumza asi.

1 JOHAN 4:2

Hi lakah hin Pathian Thlarau chu nan theih lai: âuzawng Jisu Krist chu taksa ah a hawng a chang asi titu chu Pathian lakah mi Thlarau neitu asi.