JOHAN 12:37 - Bawm Common Language Bible Version

³⁷ An mâika ah chu hâwi thilchê cherkhet ti khawmsele amah an zumh lo:

JOHAN 12:37 ပူးပေါင်းရင်းမြစ်များ

MATHAI 11:20

Chun, an rim lo ruangah a thilchê ti tamnâk chem khua tla chu a fâi rawh:

LUK 16:31

Chun, anih nih chun a sinah, Mosi leh khuavâng tla thu an ngâilo chun âumawh a thi mi thawknawlh khawmsele an lung lêm lai lo,’ ” a ti.

JOHAN 1:11

Amah ram ah a hawng kal le, amah mi tla nih an duh lo.

JOHAN 11:42

Ka thu na ka ngâi piak kumza ti ka theih asi; sikhawmsele, mi zapi hêl buk dîr mi tla ruangah chun chu chu ka sim asi, nangnih na ka fial ti an lung khonâk ding hen,” a ti.

JOHAN 12:36

Chêu nan nei sung hin chêu hi zumh u, chêu fa tla nan si khonâk ding hen,” a ti. Chubang thu chu Jisu nih a sim le; chun, a kal le, an muh lo ding hen â thup rawh.

JOHAN 12:38

“Lalpa, kan thusim âunih me lung? Lalpa thiltikhonâk khawm âu sinah me a lang?” ti, khuavâng Isai thusim kha a tlung khonâk ding hen.

JOHAN 15:24

Thil âukhawm ti dahlo mi tla an sinah ti lah sele, sual an nei lo ding mi; tu lam chu annih nih kei leh ka Pa hawng kan muh vevê rawh le, hua khawm hawng kan hua rawh asi.

JOHAN 2:11

Jisu nih singsiahnâk a ti masa chemnâk hi Galili ram ah Kana ah chun a ti le, a rokual zia a langhtir rawh; chun, a ṭhiruai tla nih chun amah chu an zumh rawh.

JOHAN 6:2

Chun, damlo tla tlûnah singsiahnâk a ti mi tla chu an muh ruangah mi zapi tam tak nih amah an zûl.