JOHAN 12:34 - Bawm Common Language Bible Version

³⁴ Chun, mi zapi nih a sinah, “Mesia chu zungzâl hen a um kumza awt ti Dân ah kan theih; nangnih, ‘Minung Fapa thlâi hen a um ding asi,’ zeitin zia hen ti me na si? Chu Minung Fapa chu âu me asi?” an ti le, an sâng.

JOHAN 12:34 ပူးပေါင်းရင်းမြစ်များ

2 SAMUEL 7:13

Anih nih chun ka umnâk ding in a sak lai le, a lalnâk chu kumleza hen ka birhtir lai.

SAM 110:4

LALPA nih thu bir a tiamh mi chu a lêt lai lo: “Melkizedek chi leh kuang si hen bâwlpu na si kumza lai.”

SAM 72:7

Repnâk nih chun a dam kar zawzawng chu ningnotir sele, vânṭhatnâk chu thlâ chêu kar zawzawng tiang si seh.

ISAI 53:8

An tleih le, an rêp le, thah ding hen an kalpi le a thi ding mi âukhawm nih an vêng lo. Kan mi tla sual ruangah thah hen a um.

ISAI 9:7

A lal thiltikhonâk chu a lian dadauh lai le; a lalram ah chun remnâk a um kumza lai. Lalchem David ruangrûl ah lâi a rêl lai le, a thiltikhonâk chu dik tak leh rep tak hen tu thawk hen tik dawngh tiang a um lai. LALPA Zeizawng tikho nih hi zawzawng ti ding a tum asi.

DANIAL 2:44

Chu liau lâirêltu san ah vân Pathian nih ram a hawng dirh lai. Dawngh ti a um lai lo rawh, neh hen a um lai lo rawh le, lalram zawzawng râwk hep hen a um lai le, zungzâl hen a um kumza lai rawh.

DANIAL 7:14

Phun zawzawng leh chi zawzawng leh hawlh zawzawng nih a rian an ṭuannâk ding hen a sinah thuneihnâk leh lal thiltikhonâk an pêk, a thuneihnâk leh a ram chu zungzâl tiang hen dawngh a nei lai lo.

DANIAL 7:27

Tual tlûnah lalram zawzawng rokualnâk leh thiltikhonâk chu Pathian mi rokual tla sinah pêk asi lai rawh. Lal thiltikhonâk anna ting mi chu a dawng lai lo rawh le, tual tlûnah lâirêltu zawzawng nih an rian an ṭuan piak na hen an thu an ngâi lai rawh,” a ti.

MIKAH 4:7

Mikhêng in thawk hen lât takah um mi an si le, chubang a thibang tla hen a thartê hen dawmh nawlhnâk ka siam lai le, phun rokual tak ah an um lai. Chu thawk hen chun kumleza hen Zion tlângah an tlûnah lâi ka rêl lai,” a ti.

MATHAI 16:13

Chun, Jisu chu Philipi Kaisari bial chu a va tlung rawh chun a ṭhiruai tla sinah, “Mi le nih Minung Fapa hi âu siding hen an ruat?” ti hen, a deih na.

MATHAI 21:10

Chun, Jerusalem ah a hawng lût rawh chun, khuatê hen, “Hi minung hi âu me si?” ti hen, an ri tul.

MATHAI 8:20

Chun, Jisu nih a sinah, “Kâwlui tla nih kua an nei le, tlûn zuang vâ tla nih bû an nei le, Minung Fapa lam nih chun a lû ngauhnâk a nei lo,” a ti.

JOHAN 10:34

Jisu nih an sinah, “Nan Dân ah Pathian nih, ‘Pathian tla nan si,’ ti rîn asi lo ma?

JOHAN 12:32

Chun, kei tual ah mi thlâi hen ka um chun mi zawzawng keimah sinah ka hîp lai,” a ti.

JOHAN 15:25

Zeikhawm si sele, an Dân bu ah, ‘Annih nih a san umlo hen an ka hua rawh,’ ti thurîn kha a hawng tlung khonâk ding hen an ti asi.

JOHAN 8:28

Chuvachun, Jisu nih, “Nannih nih Minung Fapa hi nan thlâi tikah, anih chu kasi ti leh kei nih mah thu hen zei thil khawm ka ti lo, Pa nih hawng ka simh hâwi vima hen hi bang thu hi ka sim dauh asi ti nan theih teh lai.

ROM 3:19

Dân nih zeizawng a sim mi vial chu Dân thu thu hen um mi tla sinah a sim asi ti kan theih; kâ kip a chîp khonâk ding hen leh laikulh ah mi zawzawng Pathian lâirêl hen an um khonâk ding hen.

ROM 5:18

Chun, sual pakhat ruangah mawhtirnâk lâirêl chu mi zawzawng tlûnah a hawng um le; chu hâwi ber hen thil rep pakhat ti ruangah nungnâk tawngnâk ding ken mawhtirlonâk thilthawt pêk chu mi zawzawng tlûnah a hawng um.

HEBRAI 7:24

Jisu lam chu zungzâl um kumza mi asi le, a bâwlpu sinâk chu midang sinah pêk kho asi lo.