JOHAN 12:32 - Bawm Common Language Bible Version

³² Chun, kei tual ah mi thlâi hen ka um chun mi zawzawng keimah sinah ka hîp lai,” a ti.

JOHAN 12:32 ပူးပေါင်းရင်းမြစ်များ

2 SAMUEL 18:9

Churawhchun, Absalom nih lâkkhatko ah David minung le a tawng na. Absalom chu sanatung tlûnah â chuan le, oak thing tangah a tek liauah Absalom chu thing ṭêng karah â tenh le, a lû a tâng. Sanatung chu a tek rawh chun Absalom chu â thlâi ko rawh.

LA TLA LA 1:4

Na sinah hawng ka put le, kan tek ving lai le; Ka lalchem hawng si le, na in kardang sungah hawng ka lûtpi. Munkhat hen kanna lâwm hen kan din lai le, thinlung tak hen a dâwt tawnhnâk kan nei lai. Nunau tla nih an duh mi a chê lo!

ISAI 11:10

Phun tla zauhtirnâk ding ah David lal chi lakah mi lalchem thar a hawng um ding mi a nâi rawh. Lal khuapi ah anna pûm lai le, amah chu an zah lai.

ISAI 49:6

LALPA nih ka sinah, “Ka to-aw na rang ding ah ti ding rokual tak ka nei. Israel thibang tla rangah rokualtir natu cho na si lai lo le, phun tla rang khawm ah chêu ah ka nan siam lai, laikulh zawzawng ruangsuah an si khonâk ding hen,” a ti.

HOSEA 11:4

Zângfahnâk hen ka kawh na le, ka dâwt na. Ka châwi na le, ka ṭâng tlûnah ka pawm na le, anmah leiah ka kûn le, ka châwm na.

NUMBER 21:9

Churawhchun, Mosi nih dâr rûl a siam le, thingtluan pâr ah a thlâi. Âuzawng rûl nih a chuk na mi, chu dâr rûl chu an zauh chun an dam vima.

JOHAN 1:7

Theihpitu ding hen a hawng kal le, chêu thu chu theihtir ding hen; amah ruangah mi zawzawng nih an lung khonâk ding hen.

JOHAN 12:34

Chun, mi zapi nih a sinah, “Mesia chu zungzâl hen a um kumza awt ti Dân ah kan theih; nangnih, ‘Minung Fapa thlâi hen a um ding asi,’ zeitin zia hen ti me na si? Chu Minung Fapa chu âu me asi?” an ti le, an sâng.

JOHAN 18:32

A thih zia ding thu Jisu nih a sim hâwi hen a tlung khonâk ding hen.

JOHAN 19:17

Chun, anih chu mah rangah kraws put hen, “Luruh mun,” an ti mi, Hebrai hawlh hen Golgotha an ti mi chu, chu mun tiang chun a va suak.

JOHAN 3:14

Chun, Mosi nih ramkaro ah rûl a thlâi hâwi khan, Minung Fapa hi thlâi hen a um ding asi.

JOHAN 6:44

Pa hawng ka fialtu nih a hîp lo chun âukhawm ka sinah a hawng kal kho lai loh, chun, kei nih ni dawnghnâk ah chun ka thawh lai.

JOHAN 8:28

Chuvachun, Jisu nih, “Nannih nih Minung Fapa hi nan thlâi tikah, anih chu kasi ti leh kei nih mah thu hen zei thil khawm ka ti lo, Pa nih hawng ka simh hâwi vima hen hi bang thu hi ka sim dauh asi ti nan theih teh lai.

GALATIA 3:13

Krist chu kan ruangrûl ah siat ting hen Dân siat lakah mi hawng kan suah rawh; “Thing ah thlâi mi vial chu siat ting an si,” ti hen Pathian lasui thu nih a sim ruangah.

1 TIMOTHE 2:6

Mi zawzawng tlanhnâk ding hen a pêk mi chu. Chu chu a tik tak vima ah theihtir hen a um ding asi;

HEBRAI 2:9

Sikhawmsele, Jisu, vânmifial tla ngâk hen niam dauh rih hen siam mi chu, thihnâk tuar ruangah rokualnâk leh chawnglawmhnâk khuhtir hen kan muh rawh asi. Pathian zângfahnâk zârah mi zawzawng rangah thih piak na ding hen.

1 PETER 2:24

Sual leikângah thi rawh hen, repnâk leikângah kan nung khonâk ding hen Krist ngelchel nih kraws ah khan a taksa hen kan sual tla a phurh le, amah liamnâk tla hen damtir hen nan um rawh.

1 PETER 3:18

Churuangah, Krist ngelchel chu nan rangah a thi le, sual tla ruangah mi zawzawng rangah veikhat a thi le, Pathian sinah hawng kan ruai ding hen mi ṭhalo ruangrûl ah mi ṭha a thi. Taksa ah chun thah hen a um le, thlarau ah chun nunh hen a um.

1 JOHAN 2:2

anih chu kan sual tla thutluangvâwrnâk asi, kanmah tla sual cho silo hen, laikulh zawzawng sual thutluangvâwrnâk khawm asi.

THUPHUANG 5:9

Chun, “Nang lasuibu chu lâk hen, a singsiahnâk tla samh tlâk na si; Thah hen na um rawh le, chikip a mi tla, hawlh kip a mi tla, mikip a mi tla, phun kip a mi tla, Pathian rangah na thisen hen na châwk na.