JOHAN 12:29 - Bawm Common Language Bible Version

²⁹ Chun, mi zapi a kiangah dîr tla nih chun chu chu an theih le, “Khua a ri asi,” an ti le, midang tla nih, “Vânmifial nih amah a sawnh asi,” an ti.

JOHAN 12:29 ပူးပေါင်းရင်းမြစ်များ

JOB LASUIBU 40:9

Kei hâwi hen na chak ma? Keimah hâwi hen khua a rî mi hâwi hen hâu na suah kho ma?

EXODUS 19:16

A ni thum ni zîng ah chun, khuarît leh mîmthlalek a hawng um le, sûm sah tak tlâng tlûnah a hawng lang, tâwtawrâwt hâu fâk tak tum mi chu theih asi. An umnâk mun ah mi zapi tla chu thungâi an ṭih le, an thir rawh.

EXODUS 20:18

Chun, mi zapi tla nih khuarît hâu leh tâwtawrâwt tum hâu an theih hen mîmthlalek leh tlângah meikhû tla an muh rawh chun an ṭih le an thir rawh, râl lât takah an dîr.

EZEKIEL 10:5

Thilnung tla thlâ khâwng hâu chu kulh lênglei hen khawm theih kho asi. Pathian zeizawng tikhotu hâu hâwi a put.

THILTI 9:7

Chun, a sinah kal bâk mi chu hawlh lo hen an dîr thlo le, hâu lam chu an theih le, sikhawmsele, âukhawm an muh lêm lo.

THUPHUANG 11:19

Chun, vân ah Pathian biakin chu â awng le, chun, a biakin sungah Thudântuk Bâwm chu a hawng lang rawh; chun, mîmthlalek tla, aw-hâu tla, khuarît tla, lînîn tla, rial chawp tak tla thungâi a hawng um rawh.

THUPHUANG 14:2

chun, vân thawk hen zeilo hâu, tî tam tak sâitâr ah â khâwk mi hâu hâwi leh khuarît fâk tak hâu hâwi ka theih le, chun, ka hâu theih chu ṭingṭang tumtu tla nih an ṭingṭang an tum mi hâu hâwi asi.

THUPHUANG 6:1

Chun, Dawrâ Fa nih chun singsiahnâk pasarih lakah pakhat chu a samh liau ka muh le, chun thilnung pali lakah pakhat nih chun khuari mi hâu hâwi hen, “Hawng rawh,” a ti mi ka theih.

THUPHUANG 8:5

Chun, vânmifial nih chun zeilo rimthâw duahnâk bâwm chu a lâk le, mâichâm mi mei hen a khattir le, tual ah a lawnh rawh. Chun, khuarît tla, aw-hâu dang tla, mîmthlalek tla, lînîn tla a hawng um sawm rawh.