JOHAN 12:20 - Bawm Common Language Bible Version

²⁰ Chun, Kûtnâk ah Pathian sawnh ding hen va kal mi tla lakah Greek âu tla mawh an um le;

JOHAN 12:20 ပူးပေါင်းရင်းမြစ်များ

ISAI 11:10

Phun tla zauhtirnâk ding ah David lal chi lakah mi lalchem thar a hawng um ding mi a nâi rawh. Lal khuapi ah anna pûm lai le, amah chu an zah lai.

MARK 7:26

Nunau chu Greek mi asi le, phun leikângah chun Siria ah Phoiniki ram ah suak mi asi. Anih nih chun a fanu paw sungah mi khuri nar ding hen a ngiar.

JOHAN 12:1

Chun, Kalkanh Kûtnâk ding ni ruk a um rih, Jisu nih mithi lakah a thawh mi Lazar umnâk Bethani khua kha a hawng tleng.

JOHAN 12:19

Chuvachun, Farisai tla nih, “Zauhnik u, zeikhawm nan ti kho lo hi; zauhnik u, laikulh nih amah an zûl rawh hi,” anna ti.

JOHAN 7:35

Chun, Juda tla anna sâwn le, “Kan muh lo ding hen hi minung hi a zeime a kal awt? Greek tla sinah Juda ṭiau rekrâwi tla sinah kal hen Greek tla chu a sîntir na awt masi?

THILTI 14:1

Chun, Ikoniam khua ah chun Juda tla pumhnâk in ah an lût le, thu an sim tâwn le, Juda leh Phundang tla tam tak nih an lung.

THILTI 16:1

Chun, Pawl chu Derbe leh Lustra khua ah a kal. Chun, chunah chun a min Timothe, ṭhiruai pakhat a um. Lungtu Juda nunau fapa asi le, a pa lam chu Greek mi asi.

THILTI 17:4

Chun, an lakah zeimaw mi chu lêm hen an um le, Pawl leh Sila chu an kawmh rawh; Pathian sunhsak mi Greek mi zapi cherkhet leh nunau ruitu cherkhet hen.

THILTI 20:21

Juda tla leh Greek tla sinah khawm Pathian leiah thinlung lêttirnâk thu leh kan Lalpa Jisu Krist leiah lungnâk thu ka theihtir tâwn kha.

THILTI 21:28

“Israel mi le tla!” hawng kan bawmh u! ‘’Hi minung hi ram kip ah mi zawzawng sinah Juda tla, Mosi Dân leh hi Pathian Biakin simsiattu kha asi; chu lo khawm Pathian Biakin ah hin Greek mi tla khawm a lutpi le, hi mun thenhlimh hi a nawmh rawh asi,” an ti.

THILTI 8:27

Chun, a thawk le, a kal rawh. Chun, Ethiopia ram ah minung pakhat Ethiopia lalnu Kandaki tangah mi tilkhei lal tak, a thil zawzawng kiltu, Jerusalem ah Pathian sawnh ding hen a va kal le,

ROM 1:16

Thâwngthâng Ṭha ah zumhnâk rangtling ka nei: âuzawng a lungtu zawng rangah ruangsuah ding hen Pathian thiltikhonâk asi, a tîrah Juda tla rangah asi le, chun Phundang tla rangah khawm asi.

ROM 10:12

Juda leh Phundang tla chu zeikhawm ah anna dang lêm lo, Lalpa pakhat an ektê tlûnah Lalpa asi le, a lamtu vial tla tlûnah ṭhatnâk tam tak a nei.

GALATIA 2:3

Sikhawmsele, Tita ka sinah um mi khawm chu Greek mi sikhawmsele fêmtan piak râm hen a um lo;

GALATIA 3:28

Chunah chun Juda mi a um kho lo le, Greek mi khawm a um kho ber lo, chunah chun to-aw a um kho lo le, to-aw lo khawm a um kho ber lo, chunah chun mipa leh nunau khawm a um kho ber lo; Krist Jisu lakah nan ektê hen pakhat nan si ruangah.

KOLOSA 3:11

chu lak chun Greek mi leh Juda mi, fêmtan leh tan lo phundang tla, Skuthia mi tla, sal tla, sal lo tla khawm a um lo; Krist chu zeizawng si dauh hen zeizawng ah a um ber asi.