JOHAN 11:52 - Bawm Common Language Bible Version

⁵² Chu phun tla ruangrûl cho chu asi lo, Pathian fa laikulh ah anna rek mi tla zawzawng murui khat ah a pumh na ding khawm hen asi.

JOHAN 11:52 ပူးပေါင်းရင်းမြစ်များ

GENESIS 49:10

Juda nih lal ṭhianṭhunh â ting lai le, A thlâk tla khawm nih lâi an rêl kumza lai. Phun tla nih a sinah siah an pêk lai. Ê-aw ngâi tak hen a mâika ah an kûn lai.

SAM 22:15

Ka rawm chu valeidip hâwi hen a châr le, ka lei khawm ka dang ah â bêk ving. Phildip nâwngah thi ding hen na ka mâk.

SAM 22:27

Phun zawzawng nih LALPA chu an theihkumza lai. Laikulh mun kip ah mi chu amah leiah an hawng a hawi lai. Chi kip nih amah an sawnh lai.

SAM 72:19

A min rokual chu zungzâl hen sawr u, a rokualnâk nih tual zawzawng hi khattir seh. Amen! Amen!

ISAI 49:18

Na kiangkam tla a hawi le, zei thil a hawng tlung zauh! Na minung tla anna pûm hen in leiah an hawng tlung liau chir! Kei Pathian nung kasi ruangah, na mi tla chu mo nih a lungsung â zumh phah mi hâwi hen na mi tla chu zumhnâk ah na mang lai.

ISAI 49:6

LALPA nih ka sinah, “Ka to-aw na rang ding ah ti ding rokual tak ka nei. Israel thibang tla rangah rokualtir natu cho na si lai lo le, phun tla rang khawm ah chêu ah ka nan siam lai, laikulh zawzawng ruangsuah an si khonâk ding hen,” a ti.

ISAI 55:5

Tuah ram dangah mi phun tla na kawh na lai le; veikhat ko chun an theih lai lo le, sikhawmsele tuah nangmah sinah a fawnh ding an hawng tek lai! Kei LALPA na Pathian Israel Pathian thenhlimh nih hi bang zawzawng hi ka hawng tlungtir lai le, zahnâk leh rokualnâk ka nan pêk lai,” a ti.

ISAI 56:8

LALPA Zahkâi, a mi Israel tla sal ah tâng mi kîrpitu nih, midang tla khawm anmah sinah hawng a fawnh ding hen a hawngpi na awt ti thu a tiamh.

ISAI 60:4

Na kiangkam zei thil a hawng tlung zauh rawh; Na mi tla chu in leiah hawng tlung ding hen anna pûm liau, Lât tak thawk hen na fapa tla an hawng lai le; Na fanu tla chu ngâksia tla hâwi hen hawngpi an si lai.

EZEKIEL 34:12

kei, LALPA Zahkâi, keimah ngelchel nih ka dawrâ chu ka zauhkhenh awt ti ka nan simh na asi. Vânduainâk ni ah anna rekrâwinâk mun zawzawng mûi lakah mi chu ka lâk nawlh na lai.

HOSEA 1:10

Israel mi tla chu tipi mi sep hâwi hen an tam lai le, rêl châwklo leh tah châwklo rê an si lai. Tuah Pathian nih an sinah, “Ka mi tla nan si lo,” Sikhawmsele “Pathian nung fa tla nan si” an ti na ding ni chu a hawng tlung lai.

LUK 15:8

“Asi lo leh, nunau pakhat nih dragma parâ nei hen pakhat tlâu sele, khâwnvâr kaih hen, in phiat hen, a tawng lânlo chu chiamchariamtê hen âu me hâwl lo lai?

LUK 2:32

Phundang tla sinah langhtirnâk chêu leh na mi Israel tla rokualnâk ding chu,” a ti.

JOHAN 1:12

Sikhawmsele, amah duhtu vial chu an sinah Pathian fa tla si khonâk ding a pêk, a min zumhtu tla chu.

JOHAN 1:29

Chun, a thâituan ah chun Johan nih Jisu a sinah a hawng kal mi a muh. Chun a sim le, “Zauhnik u, Pathian Dawrâ Fa laikulh sual kalpitu ding khi!

JOHAN 10:16

Chun, hi dawrâ kulh ah mi lo hi dawrâ dang ka nei; annih khawm ka hawngpi na ding asi, ka aw an ngâ lai; chuvachun rual khat hen an um lai le, vêngtu pakhat hen.

JOHAN 12:32

Chun, kei tual ah mi thlâi hen ka um chun mi zawzawng keimah sinah ka hîp lai,” a ti.

THILTI 18:10

kei na sinah ka um asi, nganfâk pêk ding hen âukhawm na tlûnah kut an thlâk lai loh, hi khua ah hin minung cherkhet ka nei asi,” a ti.

ROM 3:29

Asi lo leh, Pathian chu Juda tla Pathian cho ma si? Phundang tla Pathian khawm asi bâk lo ma? Si bâk ta a.

EPHESI 1:5

A zângfahnâk rokual zia sawr ding hen amah thinlung tluk leh lawmhkâng hâwl hen Jisu Krist zârah amah tâ rangah fa ah siam ding hen hawng kan ruat rawh ruangah. Chu zângfahnâk chu a Fapa duhtak lakah chun a thawt hen hawng kan pêk.

JEM 1:1

Jem, Pathian leh Lalpa Jisu Krist to-aw nih Pathian mi phun leinih laikulh pumpi ah anna rekrâwi mi tla chu chibai a bûk na.

1 PETER 1:1

Hi lasuikuat hi Jisu Krist mifial Peter thawk hen mi asi: Pontia ram, Galatia ram, Kapadokia ram, Asia ram leh Bithinia ram tla ah rekrâwi hen an um mi Pathian mi thîm tla rangah asi.

1 JOHAN 2:2

anih chu kan sual tla thutluangvâwrnâk asi, kanmah tla sual cho silo hen, laikulh zawzawng sual thutluangvâwrnâk khawm asi.

1 JOHAN 3:1

Ngâinik u, Pa nih hawng kan dâwt zia chu a fâk a! A dâwtnâk fâk tak ruangah Pathian fa ah kawh hen kan um hi, chu hâwi chu kan si, hi ruangah laikulh nih hawng kan theih lo asi, amah chu an theih lo ruangah.

1 JOHAN 3:10

Hi lak hin Pathian fa tla leh Diabol fa tla chu â theih asi. Âuzawng thil dik ti lotu mawh, a unau zângfah lotu chu Pathian fa asi lo.

1 JOHAN 3:2

Duhtak tla, tuhin Pathian fa tla kan si le, zei hâwi hen kan um awt ti lam chu a lang lo rih, amah a hawng a langh tikah amah hâwi hen kan um awt ti lam chu kan theih, amah chu a umdân hâwitê hen kan muh awt.

THUPHUANG 5:9

Chun, “Nang lasuibu chu lâk hen, a singsiahnâk tla samh tlâk na si; Thah hen na um rawh le, chikip a mi tla, hawlh kip a mi tla, mikip a mi tla, phun kip a mi tla, Pathian rangah na thisen hen na châwk na.