JOHAN 11:42 - Bawm Common Language Bible Version

⁴² Ka thu na ka ngâi piak kumza ti ka theih asi; sikhawmsele, mi zapi hêl buk dîr mi tla ruangah chun chu chu ka sim asi, nangnih na ka fial ti an lung khonâk ding hen,” a ti.

JOHAN 11:42 ပူးပေါင်းရင်းမြစ်များ

MATHAI 26:53

Tu khawm ah vânmifial sâng ruk mun leinih ngâk a tam dauh hawng ka fial piak ding hen ka Pa sinah ngiar kho lo hen ma na ka ruat?

JOHAN 11:22

Tu khawm ah Pathian sinah na deih mi zawng chu Pathian nih a nan pêk lai ti ka theih,” a ti.

JOHAN 11:31

Chun, in sungah a thlangamhtu Juda tla nih chun Mari mawhsareh hen a thawk le, a suak mi an muh kâ hen, thlân ah ṭap ding hen a kal awt bei an ti le, an zûl.

JOHAN 11:43

Chun, chu hâwi hen a sim thluh kâ hen aw-hâu fâk tak hen, “Lazar, hawng suak rawh,” a ti le, a auh.

JOHAN 12:11

Amah ruangah Juda tla cherkhet nih an kaltâk na le, Jisu an zumh ruangah.

JOHAN 12:17

Chun, Lazar thlân ah mi a kawh le, mithi lak mi a thawh liauah a sinah mi zapi an um mi tla nih khan, a thu chu an theihtir vima.

JOHAN 17:21

An ektê hen pumkhat an si khonâk ding hen thla ka cham. Pa, nang keimah lakah na um mi leh kei nangmah lakah ka um hâwi hen, annih khawm kanmah lakah an umnâk ding hen; nangnih kei na ka fial ti laikulh nih an lung khonâk ding hen.

JOHAN 17:25

Pa rep tak, laikulh nih chun an theih lo le, kei lam nih chun ka nan theih; hi bang tla khawm nih hin nangnih kei na ka fial ti an theih rawh.

JOHAN 17:8

Nangnih thu na ka pêk mi tla kha an sinah ka pêk rawh ruangah; chubang chu an tawng le, na sinah thawk hen suak kasi ti dik tak hen an theih rawh, nangnih na ka fial ti khawm an lung rawh.

JOHAN 20:31

Sikhawmsele, hi bang hi, Jisu chu, Mesia, Pathian Fapa asi ti nan lung khonâk ding hen leh nan lung ruangah a min hen nungnâk nan nei khonâk ding hen rîn asi.

JOHAN 3:17

Laikulh mawhtir ding hen Pathian nih a Fapa laikulh ah a fial lo, laikulh amah ruangah ruangsuah hen an um khonâk ding hen a fial dauh asi.

JOHAN 8:16

Lâirêl khawmsele ka lâirêlnâk a dik; keimah lâwng kasi lo le, kei leh Pa, hawng ka fialtu kan si dauh ruangah.

JOHAN 8:29

Hawng ka fialtu chu ka sinah a um le, hawng ka thlahthlamh lo; a lawmh kâng thil ka ti kumza ruangah,” a ti.

JOHAN 8:42

Jisu nih an sinah, “Pathian nan pa asi chun, nan hawng ka dâwt lai; Pathian sinah suak le, amah sin thawk hen hawng kal kasi; keimah thu hen hawng kal kasi lo, amah fial mi kasi dauh.

ROM 8:3

Taksa chaklonâk ruangah Dân nih ti kho lo mi chu Pathian nih a ti kho. Amah Fapa ngelchel taksa sual hâwi put hen sual bâwlnâk ding ah hawng fial hen, taksa lakah sualnâk um mi chu mawh a phurhtir rawh asi.

GALATIA 4:4

sikhawmsele, a tik a hawng tling rawh chun, fa sinâk kan tawng khonâk ding hen Dân tangah um tla chu tlanh ding hen Pathian nih a Fapa, nunau ring mi, Dân tangah hawng suak hen a fial rawh.

HEBRAI 5:7

Jisu chu tual ah a um liau tla ah khan thihnâk lakah amah sansuah khotu Pathian sinah fâk tak hen âu leh mitthli tlâ rê bû hen thlachamnâk leh ngiarnâk tla a ap le, nâu tak hen â pêknâk ruangah Pathian nih a ngâi piak.

HEBRAI 7:25

Chun, amah lakah Pathian sinah hawng kal mi tla chu a dawngh tiang hen ruang a suah kho asi, anmah tla rangah thlacham piak hen zungzâl hen a nung kumza ruangah.

1 JOHAN 4:14

Chun, Pa nih a Fapa chu laikulh ruangsuahtu ding hen a hawng fial asi ti kan muh le, midang tla khawm kan theihtir na asi.