JOHAN 11:40 - Bawm Common Language Bible Version

⁴⁰ Jisu nih a sinah, “Na lung chun Pathian rokual zia na muh lai, ka nan ti lo mazei?” a ti.

JOHAN 11:40 ပူးပေါင်းရင်းမြစ်များ

2 CHRONICLES 20:20

A thâituan zîngtê ah Tekoa kiang mi mâng leiah an va kal. Anna thawh liauah Jehosaphat nih hi bang thu tla a chah na: “Jerusalem leh Juda mi tla! LALPA nan Pathian lakah a ngauh thlir u, chu tikah bir tak hen nan dîr lai. A khuavâng tla nih an simh na mi chu zumh thlir ule, chu tikah dingchangnâk nan tawng lai,” a ti na.

SAM 63:2

Na rokual zia leh na chak zia na mun thenhlimh ah hawng ka muhtir.

SAM 90:16

Na to-aw tla hi na chaknâk hen thil na ti mi tla hawng kan muhtir le; kan thlâk tla chu na thiltikhonâk rokual zia muhtir na.

EXODUS 16:7

Thâizîng ah chun LALPA chêu mitser rê mi nan muh lai. A tlûnah nan chipchiarnâk kha a theih asi, Asi, amah tlûn tak ah asi, kannih lam chu a sîntirnâk puttu cho kan si,” an ti.

MATHAI 17:20

Chun, anih nih chun an sinah “Nan lung tâwm ruangah. Thungâi tak hen ka nan simh na, anṭam chî fang khat hâwi lungnâk nan nei chun, hi tlâng sinah hin, ‘Hi thawk hen khinah khin va a ṭhinh,’ nan ti lai le, â ṭhial ko lai;

MARK 9:23

Chun, Jisu nih a sinah, “Na ti kho chun a! Lungnâk neitu rangah chun zeizawng tikho asi,” a ti.

JOHAN 1:14

Thu chu minung ah a hawng a chang le, kan lakah a um rawh. A rokual zia kan muh. Zângfahnâk leh thudik hen a khat. Hi hi rokualnâk chu asi, Pa, Fapa neihlem hâwi a sinâk chu.

JOHAN 11:4

Chun, Jisu nih chu chu a theih le, “Hi damlonâk hi thihnâk ding asi lo, Pathian rokualnâk ding asi dauh, Pathian Fapa chu hi ruang hin chawnglawmh asi khonâk ding hen,” a ti.

JOHAN 12:41

Isai nih a rokualnâk a muh le, a thâwngthâng a sim ruangah chubang thu chu a sim asi.

JOHAN 9:3

Jisu nih, “Hi minung khawm nih a sual lo, a nu leh a pa khawm nih an sual lo; Pathian rianṭuan a tlûnah a langhnâk ding hen asi dauh.

ROM 6:4

Churuangah, a thihnâk ah baptis kan si chun a sinah phûm bâk hen kan um; Pa rokualnâk nih mithi lakah mi Krist a thawh hâwi hen khan, kannih khawm nungnâk thar a kan um khonâk ding hen.

2 KORIN 3:18

Chun, kannih chu kan ektê hen mêl khuh lo hen thlalang hâwi hen Lalpa rokualnâk cherh hen, rokualnâk thawk hen rokual vima hen, chu banghpi hâwi a um ding hen dangtir hen kan um tâwn, Lalpa Thlarau lakah mi kanna ting hâwi vima hen.

2 KORIN 4:6

Jisu Krist mêl ah chun Pathian rokual zia chêu chu hawng kan pêk ding hen, “Mûi lakah mi chêu a hawng chêu lai,” titu Pathian nih chun kan thinlung tla hi a hawng cherh rawh ruangah.