JOHAN 11:27 - Bawm Common Language Bible Version

²⁷ Anih nih chun a sinah, “Lung ta a, Lalpa; Mesia, Pathian Fapa, laikulh ah a hawng kal ding mi chu na si ti ka lung,” a ti.

JOHAN 11:27 ပူးပေါင်းရင်းမြစ်များ

MALAKI 3:1

LALPA Zeizawng tikho nih a sâng le, “Ka rangah lampi hawng ka siam piak ding hen ka fial awt. LALPA hawng ding hen nan lungum mi chu Biakin ah a hawng sawm lai. Mifial muh ding nan duh mi chu a hawng lai le, ka thudântuk a phuang lai,” a ti.

MATHAI 11:3

“Hawng kal ding mi ma na si, midang kan ngâk lai rih ma?” ti hen, a ṭhiruai tla nih Jisu rangah an deih.

MATHAI 16:16

Chun, Simon Peter nih, “Mesia, Pathian nung Fapa chu na si, ” a ti le, a sâng.

MATHAI 16:20

Churawhchun, Mesia asi ti âukhawm simh lo ding hen ṭhiruai tla chu thu a kilh thlir.

LUK 2:11

Tusûn ah hin nan rangah David khua ah Ruangsuahtu a suak rawh-Lalpa Krist chu!

JOHAN 1:49

Nathanael nih, “Sîntirtu, Pathian Fapa na si, Israel tla Lalchem na si hi,” ti hen a sâng.

JOHAN 4:42

Chun annih nih chun, nunau sinah chun, “Tu lam chun na thusim ruangah lung kan si lo rawh; kanmah ngelchel nih a thu kan theih le, hi minung hi laikulh Ruangsuahtu asi ngelchel ti kan theih rawh,” an ti.

JOHAN 6:14

Chun, mi zapi nih chun singsiahnâk chu an muh ka hen, “Hi minung hi, Khuavâng laikulh ah a hawng kal ding chu asi tatak mahi!” an ti.

JOHAN 6:69

Nang Pathian Mi Thenhlimh chu na si ti kan lung hen kan theih rawh,” a ti le, a sâng.

THILTI 8:36

Chun, lampi ah an kal liauah tî umnâk ah an tleng le; chun tilkhei nih chun, “Zauhnik, hinah tî a um, baptis ding hen zei nih me hawng ka kham chem?” a ti.

THILTI 8:37

Chun, Philip nih chun a sinah, “Na thinlung zawzawng hen na lung chun na baptis kho lai,” a ti. Chun, anih nih chun tihin a sâng le, “Jisu Krist chu Pathian Fapa asi ti ka lung,” a ti.

1 JOHAN 5:1

Âuzawng “Jisu chu Mesia asi” ti lungtu chu Pathian fa asi, âuzawng a pa zângfahtu nih chun a fa khawm a zângfah asi.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.