JOHAN 11:25 - Bawm Common Language Bible Version

²⁵ Jisu nih a sinah, “Kei hi thawknawlhnâk leh nungnâk chu kasi, âuzawng hawng ka zumhtu chu thi khawmsele a nung kumza lai;

JOHAN 11:25 ပူးပေါင်းရင်းမြစ်များ

SAM 36:9

Nang chu nungnâk bul na si, na chêunâk ruangah chêu kan muh.

ISAI 26:19

Kan minung thi rawh mi tla chu an hawng nung nawlh lai! An taksa nungnâk nei hen an hawng kîr nawlh lai. An thlân ah it rawh mi zawzawng tla chu an hawng a ṭhang lai le, lâwm hen la an sak lai. Dâmtî nih tual a thartir mi hâwi hen sâwt tak a thi rawh mi tla chu LALPA nih a nungtir nawlh lai.

ISAI 38:16

LALPA, na rangah ka nung lai le, nangmah rang cho ah; Hawng ka damh le, hawng ka nunh rawh.

LUK 23:43

Chun, Jisu nih a sinah, “Thungâi tak hen ka nan simh, tusûn ah hin ka sinah Paradis ah na um bâk lai,” a ti.

JOHAN 1:4

Amah lakah chun nungnâk a um; chu nungnâk chu minung tla chêunâk asi.

JOHAN 14:19

Sâwtlotê ah laikulh nih a ka muh lai lo rawh; sikhawmsele nannih nih chun nan ka muh lai; keimah ka nung ruangah nannih khawm nan nung bâk lai.

JOHAN 14:6

Jisu nih a sinah, “Keimah hi lampi leh thutak leh nungnâk kasi; keimah lakah kal lo mi chu âukhawm Pa sinah an tlung lai loh.

JOHAN 3:16

Pathian nih laikulh thungâi a dâwt le, churawhchun a Fapa neihlem a pêk, amah chu âuzawng a zumhtu vial thi lo hen, zungzâl nungnâk an nei khonâk ding hen.

JOHAN 3:36

Âuzawng Fapa zumh mi zawng nih zungzâl nungnâk an nei rawh; sikhawmsele, âuzawng Fapa thu ngâilotu vial nih nungnâk an nei lai lo le, Pathian thinrunhnâk an tlûnah a um kumza dauh asi,” a ti.

JOHAN 5:21

Pa nih mithi tla a thawh le, a nungtir tâwn hâwi hen, Fapa khawm nih a duh mi zawng a nungtir tâwn.

JOHAN 5:26

Pa nih amah lakah nungnâk a nei hâwi hen, Fapa khawm amah lakah nungnâk a neitir;

JOHAN 6:35

Chun, Jisu nih an sinah, “Kei hi nungnâk sang chu kasi, âuzawng ka sinah a hawng kal mi chu a sungvâng lai loh, âuzawng hawng ka zumhtu chu zeitik khawm ah a tîhâl lai loh.

JOHAN 6:44

Pa hawng ka fialtu nih a hîp lo chun âukhawm ka sinah a hawng kal kho lai loh, chun, kei nih ni dawnghnâk ah chun ka thawh lai.

THILTI 3:15

Chun, Nungnâk Siamtu chu nan thah asi. Sikhawmsele, Pathian nih anih chu mithi lakah mi a thawh nawlh-- chu chu a theihtu tla kan si.

ROM 8:2

Krist Jisu ah nungnâk thlarau Dân nih chun sualnâk leh thihnâk Dân ah mi chu hawng kan suah rawh asi.

1 KORIN 15:18

Chu hâwi asi chun Krist ah thi mi tla kha an vei ver rawh asi lai.

1 KORIN 15:29

Chu hâwi asi lo chun, mithi ruangrûl ah baptis si mi tla chu zeitin me an ti na lai? Mithi tla chu thawh hen an um lo chun zei rangah me thih ruangrûl ah baptis an si tâwn ne?

2 KORIN 4:14

Lalpa Jisu thawhtu nih chun kannih khawm Jisu sinah hawng kan thawh bâk awt le, nanmah hen hawng kan dîrtir awt ti kan theih.

PHILIPI 1:23

A lâi laklawh ah hin a ngaihnâk theihlo hen ka um ko asi, suak hen Krist sinah um duhnâk ka nei ruangah, chu chu thungâi a ṭha dauh asi.

PHILIPI 3:10

a thihnâk va bangh a thi hen, amah hen a thawknawlhnâk thiltikhonâk hen, a tuarnâk tla bâwmpinâk hen, ka theih khonâk ding hen;

1 THESALONIKA 4:14

Jisu a thi le, a thawknawlh rawh ti kan lung ṭung chun Jisu lakah thi mi tla chu Pathian nih amah rual hen a hawngpi na bâk lai.

THUPHUANG 1:18

a nung mi chu kasi, ka thi le, sikhawmsele, ngâinik, zungzâl rangah ka nung nawlh rawh asi. Thihnâk leh mithi khua tlûnah thuneihnâk chu ka nei ber asi.

THUPHUANG 20:5

Chun, mithi dang tla lam chu kum sâng khat a ral lânlo chu an nung lo rih. Hi hi thawknawlhnâk masa chem chu asi.

THUPHUANG 21:4

An mit a mi mitthli zawzawng a nawt lai le, thihnâk a um lai lo rawh le, ngaihsiatnâk tla, ṭapnâk tla, nganfâk tla, a um lai lo rawh, thil masa tla chu a vei rawh,” a ti mi ka theih.

THUPHUANG 22:1

Chun, vânmifial nih chun nungnâk tiva kristal lung hâwi hen a tlêu mi, Pathian leh Dawrâ Fa laltophah thawk hen a hawng suak mi hawng ka zauhtir.

THUPHUANG 22:17

Thlarau leh mo nih chun, “Hawng rawh” an ti. A theihtu zawng nih, “Hawng rawh,” ti seh. A tîhâl mi zawng chu hawng seh, nungnâk tî hi a duhtu zawng nih a thawt hen lâk seh.