JOHAN 11:19 - Bawm Common Language Bible Version

¹⁹ chun, an ṭapa thih ruangah lungngamh ding hen Juda tla cherkhet Marthi leh Mari sinah an hawng kal.

JOHAN 11:19 ပူးပေါင်းရင်းမြစ်များ

GENESIS 37:35

A fapa leh a fanu tla chu thlangamh ding hen an hawng le, khawmsele an thlangamh kho lo. “Ka fapa zûnphurh lungfâk bû hen thlân mual ah ka liam awt,” a ti. A fapa Josef zûn chu a phurh vima.

2 SAMUEL 10:2

Lalchem David nih, “Ka lakah a pa Nahas nih a ti hâwi hen kei khawm nih Hanun lakah hâwi zumhkâi ka sinak ka langh awt,” a ti. Churawhchun, David nih a dâwt leh riahnâk thu va ruah ding hen mi tla a fial. Amon ram an va tlung rawh chun,

1 CHRONICLES 10:12

mi râlṭha chem tla an kal le, Saul leh a fapa ruak chu an lâk le, Jabes khua ah an kalpi. Oak thing tangah an vûi na le, ni sarih an sûn.

JOB LASUIBU 2:11

Job hâwi pathum, Eliphaz chu Teman khuapi mi asi le, Bildad chu Suah ram ah mi asi, Zophar chu Naamah ram ah mi asi. Job thil tuar fâk zia an theih le, amah thlangamh ding hen kal an tum.

JOB LASUIBU 42:11

Job unau, a farnu tla leh a lânah a hâwi tla nih an hawng veh le, a sinah puai an ei. An dâwtnâk leh a lânah LALPA nih a tlûnah lawksawngnâk a hawng tlungtir mi lakah thla an ngamh le, thu an sim. An ektê hen tangka leh ngûn pizung tla an pêk.

THUSIMTU 7:2

Din leh einâk mun ah kal ngâk hen mithi ulhnâk mun ah kal a ṭha dauh, a nung mi nih thihnâk nih chun kan ektê hen hawng kan ngâk ko ti an theihkumza ruangah.

ISAI 51:19

Siatnâk letnih na tlûnah a hawng tlung: Tuknâk nih na ram chu a râwk hep le na mi tla nih ei ding an nei lo. Nang rangah lungkhamtu pakhat khawm an um lo.

LUNGFÂKNÂK 1:16

“Churuangah asi ka mit ah mitthli tla a luang mi chu. Âukhawm nih thla an hawng ka ngamh hen lungiam an ka sak kho lo. Mêlma nih hawng ka neh le; ka mi tla nih zeikhawm an mâk lo.

LUNGFÂKNÂK 1:2

Zân khuavâr hen a ṭap le; a mitthli chu a thinmakâ ah a luang. A lânah a hâwikawmh tla zawzawng anih rangah Thlangamhtu pakhat khawm an umlo. Amah lei ṭângṭawmtu nih an tleih le, amah dotu an si ver rawh.

LUNGFÂKNÂK 1:21

“Âukhawm thlangamhtu umlo hen; ka rûm mi hi ngâi. Ka lakah siatnâk na hawng tlungtir mi ruangah Ka mêlma tla chu anna lâwm. Thu na tiam mi ni hawng tlungtir le; Ka tuar mi hâwi hen ka mêlma tla tuartir na.

LUNGFÂKNÂK 1:9

A nâwmtâmnâk chu awldek hen muh hen a um le, A vânduai ding mi khawm a ruat lo. Niamtir hen a um mi chu thungâi ṭihnung a kâi le; Pakhat khawm nih thla an ngamh kho lo. A mêlma tla nih an neh le, khuaruatnâk ngiar hen LALPA sinah a ṭap.

LUNGFÂKNÂK 2:13

Aw Jerusalem, Jerusalem duhtak, zei ka sim kho rawh? zeitin lung kan ngamh kho lai? Âukhawm nih hi hâwi an tuar dahlo. Na siatnâk chu tisumsumriat hâwi hen dawngh a nei lo; lungum kho asi lo rawh.

LUK 10:39

Anih nih chun unaunu pakhat a nei le, a min chu Mari asi, chu minung chu Lalpa kê bul ah a to le, a thu a ngâi.

LUK 10:42

thil pakhat cho a herh; Mari nih tingvo ṭha chu a thîm le, chu chu lâk piak ding asi loh,” a ti le, a sâng.

JOHAN 1:19

Chun, Juda le nih “Âu me na si?” ti hen, deih ding hen, Jerusalem thawk hen a sinah bâwlpu tla leh Levi chi tla an fial liau khan hi hi Johan theihtirnâk chu asi;

JOHAN 11:1

Chun, mi pakhat, a min Lazar; Mari leh a unau nu Marthi umnâk khua Bethani ah mi damlo a um.

JOHAN 11:31

Chun, in sungah a thlangamhtu Juda tla nih chun Mari mawhsareh hen a thawk le, a suak mi an muh kâ hen, thlân ah ṭap ding hen a kal awt bei an ti le, an zûl.

JOHAN 11:33

Chun, Jisu nih Mari ṭap leh a hawng zûltu Juda tla ṭap chu a muh le, a thinlung hen a rûm le, a lawksawng le,

JOHAN 11:36

Chun, Juda tla nih chun, “Zauhnik u, Lazar hi a dâwt chiam me!” an ti.

JOHAN 11:45

Churuang chun Mari sinah an hawng mi Jisu thilti muhtu Juda tla lakah cherkhet nih amah an zumh rawh.

JOHAN 11:8

Chun, ṭhiruai tla nih chun a sinah, “Sîntirtu, mazannâi ko khan Juda tla nih lung hen seh an tum mi kha; chunah chun na kal nawlh awt mazei?” an ti.

ROM 12:15

 lâwm mi tla chu lâwmpi ule, a ṭap mi tla chu ṭappi u.

2 KORIN 1:4

Pathian nih lung hawng kan ngamhnâk ngelchel nih hamhnâk zei hâwi tal ah um mi tla khawm chu kan lungngamh kho ding hen anih nih chun kanna hamhnâk zawzawngah lung hawng kan ngamh tâwn.

1 THESALONIKA 4:18

Churuangah hi thu hen lungiam a sak tawnh u.

1 THESALONIKA 5:11

Churuangah a fawrhtawnh hen, a ṭhatvaktir tawnh chiau u, nan ti tâwn hâwi hen.

1 SAMUEL 31:13

An ruh tla chu an lâk le, khua ah tamari thing tangah an phûm, chun ni sarih buh eilo hen an ulh.