JOHAN 10:6 - Bawm Common Language Bible Version

⁶ Chu tahṭhimh thu chu Jisu nih an sinah a sim le; sikhawmsele, zei thu me an sinah a sim ti an theihthiam lo.

JOHAN 10:6 ပူးပေါင်းရင်းမြစ်များ

SAM 106:7

Aigupta ah hawng kan thlâktu tla nih Pathian thilchê ti chu an theihthiam lo le; vei tam tak a dâwtnâk a muhtir na mi chu an philh le, Zeizawng tikhotu Pathian tlûnah Tipi Sen ah chun an hel.

SAM 82:5

“Titi hen nan a! Titi nan mâwl! Nanna râwk dep rawh, laikulh lakah diknâk rêng a lang lo.

THUFING LASUIBU 28:5

Misual tla nih repnâk thu an theih lo, sikhawmsele LALPA sawnhtu tla nih chun fiang tak hen an theih.

ISAI 56:11

Annih chu ui hamkah tâwk ti nei lo mi hâwi an si. Hi bang ruitu tla nih theihthiamnâk zeikhawm an nei lo. An ektê hen mah duhzia zia hen thil an ti le, anmah rangah ṭhatnâk cho an hâwl.

DANIAL 12:10

Mi tam tak anna thianh lai. Misual tla nih an theihthiam lai lo le, sual leiah an kal vima lai; a fing mi tla cho nih an theihthiam lai.

MATHAI 13:34

Chubang zawzawng chu Jisu nih tahṭhimh thu hen mi zapi tla sinah a sim le, tahṭhimh thu lo hen an sinah zeikhawm a sim lo:

MATHAI 13:51

Jisu lîlâ nih an sinah, “Chubang zawzawng chu nan theih ma?” a ti. Annih nih chun, “Theih ta a,” an ti.

MARK 4:34

Sikhawmsele, tahṭhimh thu lo hen an sinah thu a sim lo. Amah ṭhiruai tla sinah lam chun mi kingnâk ah zeizawng a simhfiang na tâwn.

JOHAN 16:25

“Chubang thu chu tahṭhimh thu hen nan sinah ka sim; a tik a tlung awt, chu tik chun nan sinah tahṭhimh thu hen thu ka sim lai lo rawh le, fiang tak hen Pa thâwngthâng chu ka nan simh dauh na lai.

JOHAN 16:29

Chun, a ṭhiruai tla nih, “Ngâinik, tu lam chun fiang tak hen thu na sim, a thluamthlâm rerêng hen thu na sim lo rawh hi.

JOHAN 6:52

Chuvachun, Juda tla anna êl le, ‘Hi minung nih hin zeitin me a taksa ei ding hen hawng kan pêk kho lai?” an ti.

JOHAN 6:60

Chuvachun, a ṭhiruai tla zeimaw mi tam tak nih chu chu an theih le, “Hi hi thu har tak asi: âunih a ngaihtawnh dân a thiam kho lai?” an ti.

JOHAN 7:36

‘Nannih nih nan ka hâwl lai le, nan ka tawng lai loh; ka umnâk khawm ah nan hawng kal kho lai loh, a ti mi hi, zei a tinâk me asi?” an ti.

JOHAN 8:27

Pa thu an sinah a sim ti an theih lo.

JOHAN 8:43

Zei rangah ka hawlh umzia nan theihthiam lo? Ka thusim nan ngâi set lo ruangah asi.

1 KORIN 2:14

Laikulh mi nih chun Thlarau lei thil tla chu a lawmh tâwn lo, anih ngaih chun âtkâi an si; Thlarau ah cho theih kho mi a si ruangah a theih kho lo rerêng asi.

2 PETER 2:22

“Ui amah luak leiah a kîr le, vawkpi â ṭâwl thiang rawh mi khawm nêngthû ah a bual ding hen a kîr nawlh” ti thufing dik tak chu an tlûnah a hawng lang rawh asi.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.