JOHAN 10:32 - Bawm Common Language Bible Version

³² Jisu nih annih tla chu a sawnh na le, “Pa sinah suak rianṭuan ṭha cherkhet ka nan zauhtir na le, kha bang rianṭuan tla lak khan a zeiruang khan me lung hen nan hawng ka seh awt?” a ti.

JOHAN 10:32 ပူးပေါင်းရင်းမြစ်များ

SAM 35:12

Ṭangpi ding hen an deih le, khawmsele Pathian nih a sâng lo, mi zûm leh misual an si ruangah.

THUSIMTU 4:4

Zei rangah dingchangnâk ding hen mi nih titi hamh hen rian an ṭuan ti ka ruat fâwn; an zâwlbâwm tla thil an ngarh na ruangah asi. Sikhawmsele zeikhawm asi lêm lo, thli ṭhâwl mi hâwi asi.

JEREMIA 37:18

Churawhchun, kei nih, “Nang leh na rianṭuantu tla leh hi bang minung tla lakah rêngin ah hawng ka khumh rê ding hen zei thilsual me ka ti?

MATHAI 11:5

mitchâw tla an mit a dei rawh, ke khêng tla kê hen an kal rawh, phâr tla an thiang rawh, nasêt tla khawm an nâ a fîm rawh, mithi tla khawm thawh hen an um rawh, mipâm tla sinah Thâwngthâng Ṭha sim asi rawh.

JOHAN 10:25

Jisu nih an sinah, “Ka nan simh na rawh kha, nan lung lo; ka Pa min hen thil ka ti mi hi, hi nih hin ka thâwngthâng a theihtir asi.

JOHAN 10:31

Chun, Juda tla nih chun a sehnâk ding hen lung an sar nawlh.

JOHAN 10:33

Juda tla nih chun a sinah, “Rian ṭha ruangah lung hen kan seh awtlo; Pathian na sâwi ruangah leh nang minung si ko hen Pathian ah na siam ruang hin asi dauh!” ti hen, an sâng.

JOHAN 10:37

Ka Pa rianṭuan ka silo chun, hawng ka lung lah u.

JOHAN 5:36

Sikhawmsele, theihtirnâk ka nei mi hi Johan theihtirnâk ngâk khan a rokual dauh asi: Pa nih thilti dih ding hawng ka pêk mi, ka thilti tak nih hin Pa nih hawng ka fial ti ka thâwngthâng a theihtir asi.

THILTI 10:38

nannih nih nan theih bâk khateh; Nazaret Jisu kha, kha hâwi hen Pathian nih anih chu Thlarau Thenhlimh leh thiltikhonâk hen a vurh zia kha; anih nih chun mi tlûnah ṭhattir leh diabol nehsawh zawzawng damh hen a ṭawl tâwn le, Pathian a sinah a um.

THILTI 2:22

“Nannih Israel mi le tla, hi bang thu hi theih u rawh: Nazaret Jisu, Pathian nih amah mang hen nan lakah thil rokual tla, thilchê tla, leh singsiahnâk tla a ti mi nih khan a nan theihfiangtir na kha; nannih nih chubang chu nan theih asi.

1 JOHAN 3:12

Kain misual lakah mi mah unau thahtu hâwi khan kan um ding asi lo le, zeiruang me Kain nih anih chu a thah? Amah thilti a diklo le, a unau Abel thilti chu a dik ruangah.