JOHAN 10:30 - Bawm Common Language Bible Version

³⁰ Kei leh Pa chu pumkhat kan si,” ti hen a sâng.

JOHAN 10:30 ပူးပေါင်းရင်းမြစ်များ

MATHAI 11:27

“Ka Pa nih thil zeizawng hawng ka kiltir rawh. Pa lo nih chun âukhawm nih Fapa hi an theih loh. Fapa leh an sinah Fapa nih a phuang duhnâk tla cho lo nih chun âukhawm nih Pa chu an theih loh.

MATHAI 28:19

Chuvachun, kal ule, phun kip lakah mi ṭhiruai tla ah siam na ule, Pa leh Fapa leh Thlarau Thenhlimh min hen baptis na ule, thu ka nan pêk na mi zawzawng zâwt ding hen sîntir na u.

JOHAN 10:29

Annih hawng ka pêktu ka Pa chu, mi zawzawng ngâk hen a rokual chem asi: âukhawm nih Pa thiltikhonâk ah mi chu an suh kho lai loh.

JOHAN 10:36

Kei rangah chun, Pa nih a hawng ka thîm le, chun laikulh ah a hawng ka fial. Churuangah zeitin zia hen, ‘Pathian Fapa kasi,’ ka ti ruangah, Pathian na simsiat, nan ti kho zia?

JOHAN 14:23

Jisu nih a sâng le, a sinah, “Mi nih a ka dâwt chun ka thu a zâwt lai le; ka Pa nih anih chu a dâwt lai le; a sinah kan hawng kal lai le, a sinah kan um kumza lai.

JOHAN 14:9

Jisu nih a sinah, “Philip, hi tiang nan sinah ka um le, chu khawm ah na hawng ka theih lo mu? Âuzawng hawng ka muhtu chu Pa muh asi, ‘Pa chu hawng ka zauhtir rawh,’ zeitin zia hen ti me na si?

JOHAN 16:15

Pa nih thil a nei mi zawzawng ka tâ asi; churuangah, ‘Ka tâ lakah mi a lâk lai le, nan sinah a phuang lai,’ ka ti hi.

JOHAN 17:10

Thil zawzawng ka tâ vial chu na tâ asi; na tâ chu ka tâ asi; anmah lakah chawnglawmh hen ka um tâwn.

JOHAN 5:17

Sikhawmsele, Jisu nih annih chu a sawnh na le, an sinah, “Ka Pa nih tutiang khawm hen rian a ṭuan tâwn, kei khawm nih ka ṭuan tâwn,” a ti.

JOHAN 5:23

mi zawzawng nih Pa an zah hâwi hen, Fapa khawm an zahnâk ding hen. Âuzawng Fapa zahlo chu, Pa a fialtu khawm zahlo asi.

JOHAN 8:58

Jisu nih an sinah, “Thungâi tak hen ka nan simh na, Abraham suak lânah mi kasi rawh,” a ti.

DEUTERONOMY 6:4

“Israel tla, hi hi theih u! LALPA, LALPA amah cho chu kan Pathian asi.

1 TIMOTHE 3:16

Chun, Pathian sunhsaknâk thuthup chu êi kho lo rê hen a rokual asi: “Taksa ah a hawng lang, Thlarau ah diknâk langhtir ding hen, vânmifial tla nih muh hen Phun tla nâwngah phuang ding hen, laikulh ah hin mi nih lung hen, vân ah lâk hen a um.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.

1 JOHAN 5:7

Theihpitu chu pathum an um,