JOHAN 10:3 - Bawm Common Language Bible Version

³ Kawtkâ vêngtu nih anih chu a awng piak tâwn; dawrâ tla nih a aw an theih tâwn le; amah dawrâ tla chu an min hen a kawh chiau na le, a suakpi na tâwn.

JOHAN 10:3 ပူးပေါင်းရင်းမြစ်များ

SAM 80:1

Israel Dawrâ vêngtu, hawng kan ngâi, nangmah ranrual vêngtu, hawng kan theih rawh. Thilnung tla thla tlûnlei ah na laltophah tlûnah to le,

EXODUS 33:17

LALPA nih Mosi sinah, “Nan ka deih mi hâwi hen ka ti lai, nang rang chun kan theih hen, na lakah ka lâwm ruangah,” a ti.

THUFING LASUIBU 27:23

Na dawrâ leh na ranrual chu na ti kho rirî hen zauhkhenh le,

LA TLA LA 8:13

Ka dâwt mi, dûm thawk hen na hâu hawng ka theihtir; ka hâwi tla nih na thusim theih ding hen an bawh ko. Nunau nih

ISAI 40:11

A ranrual tla chu dawrâpu hâwi hen a zauhkhenh na lai le, dawrâ fa tla chu a pumh na lai le, a bân hen a put na lai; an pinu tla chu thiamthih tê hen a rui na lai.

ISAI 42:16

“An kal dah lonâk lampi tla ah ka minung mitchâw tla chu ka rui na lai. An mâika ah mûi chu chêu ah ka changtir lai le, ram siakhâ chu rual zat hen ka siam lai. Hi bang tla hi ka thutiam asi le, pakhat khawm relhlo hen ka zûl lai.

JOHAN 10:14

Kei lam chu dawrâ vêngtu ṭha kasi; Pa nih a ka theih mi leh kei nih Pa ka theih hâwi hen ka tâ ka theih le; ka tâ khawm nih an ka theih asi;

JOHAN 10:16

Chun, hi dawrâ kulh ah mi lo hi dawrâ dang ka nei; annih khawm ka hawngpi na ding asi, ka aw an ngâ lai; chuvachun rual khat hen an um lai le, vêngtu pakhat hen.

JOHAN 10:4

A tâ zawzawng a suaktir na chun, an mâi leiah a kal le, dawrâ tla nih chun amah an zûl tâwn le, a aw an theih ruangah.

JOHAN 10:9

Kei kawtkâ chu kasi; âuzawng keimah lakah a lût mi chu ruangsuah hen a um lai le, a lût hen a suak lai, ei ding a tawng lai.

JOHAN 6:37

Pa nih a ka pêk mi zawzawng ka sinah an hawng ver lai; âuzawng ka sinah hawng kal mi chu ka nar rîlmâl lai loh.

JOHAN 6:45

Khuavâng tla lasuibu ah, “Pathian sîntir hen an um ver lai,” ti rîn asi. Mi kip Pa thu theih hen sîn mi vial chu ka sinah an hawng kal tâwn.

ROM 8:30

Chun, a ruatkan mi tla chu a kawh na le; chun, a kawh mi tla chu amah repnak ruangah mirep a ruat hen an um; chun, mirep ah a ruat mi tla chu a chawnglawmh na.

1 KORIN 16:9

Kawtkâ kâu tak leh ṭhatnâk tak ka rangah â awng asi, dotu tla tam tak an um ber.

PHILIPI 4:3

Asi, nang khawm ka liangbat bahpitu tatak, ka nan sâwm bâk, kha nunau tla kha ṭangpi rawh. Thâwngthâng Ṭha ah chun hawng ka ṭuanpi tâwn le, Klemen hen, ka ṭuanpi midang nungnâk bu ah min chuang tla hen khan.

KOLOSA 4:3

Hawng ka phuarnâk san Krist thuthup chu phuang ding hen Pathian thu sim ding hen lampi hawng kan awng piak ding hen kannih khawm thla hawng kan cham piak bâk u.

2 TIMOTHE 2:19

Sikhawmsele, Pathian lungphûm bir chu a dîr kumza le, hi singsiahnâk hi a nei le, “Lalpa nih chun amah tâ tla a theih,” ti leh, “Lalpa min lamtu vial nih chun sual kaltâk seh,” ti hi.

1 PETER 1:12

Tuah thudik leikâng thu an sim mi nan theih hâwi hen Pathian nih chun khuavâng tla sinah a rianṭuan chu an rangah ṭhatvaknâk rang ding silo hen, nanmah ṭhatvaknâk rang ding dauh hen Pathian chu khuavâng tla sinah â langh asi. Thâwngthâng ṭha simtu mifial tla, vân thawk hen Thlarau thiltikhonâk hen fial mi nih chun hi thudik hi a nan simh na asi. Hi thudik tla hi asi, vânmifial tla khawm nih theih an duh mi chu.

1 JOHAN 4:6

Kannih lam chu Pathian lakah mi kan si. Âuzawng Pathian theihtu zawng nih kan thu an ngâi tâwn. Pathian lakah mi lo nih chun kan thu an ngâilo, chubang lakah chun Thlarau dik leh thlarau diklo chu kan theih asi.

3 JOHAN 1:14

sâwtlotê ah an muh ding ka lungum dauh le, chun, mâitawnh hen kanna sâwn lai.

THUPHUANG 20:15

Âuzawng nungnâk lasuibu ah a min rîn hen a um lo mi chu meizur ah an lawnh rawh.

THUPHUANG 3:20

Ngâinik, kawtkari ah dîr hen ka kik hi, âuzawng ka hâu theih hen kawtkâ hawng ka awnh chun, a sinah ka lût lai le, zânriah ka ei lai le, anih khawm ka sinah a ei bâk lai.

THUPHUANG 7:17

Laltophah lâiah a um mi Dawrâ Fa chu an vêngtu asi lai le, nungnâk tiva ah a kalpi na lai; chun, Pathian nih an mit ah mi mitthli zawzawng a nâwt piak na lai,” a ti.