JOHAN 10:28 - Bawm Common Language Bible Version

²⁸ an sinah zungzâl nungnâk ka pêk tâwn; an vei rîlmâl lai lo le; âukhawm nih ka thiltikhonâk ah mi an hawng ka suh lai loh.

JOHAN 10:28 ပူးပေါင်းရင်းမြစ်များ

JOB LASUIBU 17:9

Mi zahkâi hen anna ruat mi tla chu, an dik hen anna ruat dadauh.

SAM 31:5

Nangmah zauhkhenh ding hen ka pêk. LALPA, nang chu Pathian zumhkâi na si ruangah na ka hum lai.

SAM 37:28

Pathian nih a dik mi chu a lawmh ruangah, a mi zumhkâi tla chu a kaltâk lo. A hum kumza na le, khawmsele misual thlâk tla chu a nar phin lai.

THUFING LASUIBU 24:16

Mi zumhkâi chu tlû khawmsele a pawi lo, a thawk nawlh awt nget ruangah, sikhawmsele siatnâk nih mipâm chu a veih lai.

THUFING LASUIBU 4:18

Mirep tla kalnâk lampi chu sûn nî a suak mi hâwi asi le, nî a hawng sâ tan tiang hen a chêu mi hâwi asi.

ISAI 27:3

“Ka vêng le, tî ka tawih kumza. A sûn a zân hen âukhawm nih râwk lo ding hen ka vêng.

ISAI 45:17

Sikhawmsele Israel chu LALPA nih a hum le, zungzâl hen nehtu asi; a mi tla chu zei liau khawm ah an mualpho lai lo!’ ” a ti.

ISAI 54:17

Sikhawmsele, zei riamnâm khawm nih nganfâk a nan pêk kho lai lo; A nan phiartu tla zawzawng na sâng ver na lai. Ka to-aw tla chu ka hum na lai le, nehtu ah ka siam na lai,” a ti. Chu chu LALPA nih a sim mi asi.

ISAI 55:3

“Ka mi tla, tuah ka thu ngâi ule ka sinah hawng u; ka sinah hawng ule, nungnâk nan nei lai! Nanmah hen thudântuk um kumza ding mi ka siam lai le David sinah ka tiamh mi malsâwmnâk chu ka nan pêk na lai.

JEREMIA 23:4

Anmah zauhkhenhtu ding hen lâirêltu tla ka ruat lai. Ka mi tla chu an ningṭih hen an lâu lai lo rawh le, rêp khawm ka rêp nawlh na lai lo rawh. Kei, LALPA nih ka sim asi,” a ti.

JEREMIA 31:3

Israel mi tla nih din ding an duh thlo liauah lât tak thawk hen an sinah ka langh. Israel mi tla, ka nan dâwt kumza na; churuang chun ka dâwtnâk dawnglo chu nan sinah ka langh kumza lai.

JEREMIA 31:34

A mêchem thawk hen a lianchem mi nih an ka theih awt ruangah, ram lakah mi âukhawm nih LALPA theih ding hen an hâwi le tla sîntir an herh lai lo rawh. An sual tla ka ngaihdam na lai le, an thilsual ti khawm ka theihkumza lai lo rawh. Kei, LALPA nih ka sim asi,” a ti.

JEREMIA 32:40

Anmah hen zungzâl thudântuk ka siam lai. Ka lakah mi an hawng ka hertâk lo rawhnâk ding hen an rangah thil ṭha ti ka bâng lai lo, an thinlung zawzawng hen hawng ka ṭihtu ding ah ka siam na lai.

MARK 13:22

Mesia telê tla leh khuavâng telê tla an hawng suak awt dangâiah. Chu tla nih chun singsiahnâk leh thilchê tla an ti lai; tikho sele, thîm tla men an perpet khonâk ding hen.

LUK 23:46

Chun, Jisu chu hâu fâk tak hen a âu le, “Pa, na kut ah ka thlarau ka nan kiltir,” a ti. Chun, chu chu a ti thluh rawh chun a nukrî a chat rawh.

JOHAN 10:29

Annih hawng ka pêktu ka Pa chu, mi zawzawng ngâk hen a rokual chem asi: âukhawm nih Pa thiltikhonâk ah mi chu an suh kho lai loh.

JOHAN 11:25

Jisu nih a sinah, “Kei hi thawknawlhnâk leh nungnâk chu kasi, âuzawng hawng ka zumhtu chu thi khawmsele a nung kumza lai;

JOHAN 14:19

Sâwtlotê ah laikulh nih a ka muh lai lo rawh; sikhawmsele nannih nih chun nan ka muh lai; keimah ka nung ruangah nannih khawm nan nung bâk lai.

JOHAN 17:2

kha hâwi hen mi zawzawng tlûnah thu nei hen na siam mi nih khan, a sinah na pêk mi vial tla sinah zungzâl nungnâk a pêk khonâk ding hen.

JOHAN 18:9

(A thusim, “Pa, nangnih kei na ka pêk mi tla lakah pakhat khawm ka thlâu lo,” a ti mi kha a tlungnâk ding hen.)

JOHAN 3:36

Âuzawng Fapa zumh mi zawng nih zungzâl nungnâk an nei rawh; sikhawmsele, âuzawng Fapa thu ngâilotu vial nih nungnâk an nei lai lo le, Pathian thinrunhnâk an tlûnah a um kumza dauh asi,” a ti.

JOHAN 4:14

âuzawng an sinah ka pêk ding mi tî dintu vial lam chu zungzâl hen an tîhâl lai loh, kei nih an sinah tî ka pêk ding mi chu an sung ah tî nung a um lai le, zungzâl nung tiang hen a irh lai,” a ti.

JOHAN 5:24

“Thungâi tak hen ka nan simh na, âuzawng ka thu theih hen, hawng ka fialtu lung nih chun zungzâl nungnâk a nei rawh, mawh hen a um lo le, thihnâk thawk hen a suak le, nungnâk ah a lût dauh asi.

JOHAN 6:27

Buh ral kho mi ruangah ṭuan lah u, zungzâl tiang hen nungnâk um kumza ding mi buh, Minung Fapa nih a nan pêk na ding mi ruang chun ṭuan u; Pa Pathian nih chun anih chu a birhtir rawh dangâiah,” a ti le, a sâng.

JOHAN 6:37

Pa nih a ka pêk mi zawzawng ka sinah an hawng ver lai; âuzawng ka sinah hawng kal mi chu ka nar rîlmâl lai loh.

JOHAN 6:47

Thungâi tak hen ka nan simh na, âuzawng a lungtu nih chun zungzâl hen nungnâk a nei rawh asi.

JOHAN 6:68

Chun, Simon Peter nih a sinah, “Lalpa, âu sinah me kan kal lai? Nangnih zungzâl nungnâk thu na nei asi.

THILTI 7:59

Chun, Stephen nih, “Lalpa Jisu, ka thlarau lâk rawh,” ti hen, Lalpa a kawh liauah lung hen an seh chiam.

ROM 5:17

Adam sual ruangah thihnâk nih, amah pakhat ruang men ah men ah lâi a rêl asi ti a dik asi; sikhawmsele, mi pakhat, Jisu Krist nih thil a ti mi chu a rokual dauk khun asi. Pathian zângfahnâk fâk leh a repnâk tawngtu tla nih chun Krist zârah nungnâk ah lâi an rêl lai.

ROM 5:2

Amah ruang ber ah hi zângfahnâk ah hin bir tak hen kan dîrnâk ah hin lungnâk hen kan lût rawh. Churawhchun, Pathian rokualnâk lungum hen lâwm hen kan um.

ROM 5:21

Sual nih chun thihnâk hen lâi a rêl hâwitê hen Pathian zângfahnâk nih chun repnâk hen zungzâl nungnâk ting kho rê hen kan Lalpa Jisu Krist ruangah lâi a rêl khonâk ding hen.

ROM 5:9

Chun, a thisen ah mawhlotir a kan um rawh nûnah hin amah ruangah Pathian thinthawknâk lakah mi chu ruangsuah hen kan um ngelchel lai.

ROM 6:23

Sual man chu thihnâk asi; Pathian thilthawt pêk lam chu kan Lalpa Jisu Krist ruangah chun zungzâl nungnâk asi.

ROM 8:1

Chun, tu lam chun Krist Jisu ah um tla rangah chun mawhtirnâk rêng a um lo rawh.

ROM 8:29

A theihkan mi tla chu amah Fapa hâwi tak hen um ding hen a ruatkan asi, a Fapa chu unau tam tak tla lakah fa tîr a hawng si khonâk ding hen.

DEUTERONOMY 33:3

LALPA nih a mi tla chu a dâwt na hen amah mi tla chu a hum na. Churuangah a kê phûr ah kan kûn le, a thupêk tla kan zûl.

PHILIPI 1:6

Nanmah lakah thil ṭha dawmhtu nih khan Jisu Krist Ni tiang hen a rangtlingtir vima awt, chu tak chu ka lung thlir ruangah.

2 THESALONIKA 2:13

Lalpa ah unau duhtak le tla, Thlarau ah Thenhlimhtir mi leh thudik lung hen, ruangsuah a um ding hen a tîr thawk hen Pathian nih a nan thîm na ruangah nan dân thu hin Pathian sinah lawmthu sim kumza ding rêng kan si.

1 TIMOTHE 1:16

Sikhawmsele, hi ruangah hin asi khuaruatnâk ka tawng mi chu, Jisu Krist nih chun misual chem ka lakah hin â dawnhkho zia zawzawng a langhtir khonâk ding hen hi nûnah zungzâl nungnâk nei ding hen amah lungtu tla rangah zûnzauhnâk ding ah.

2 TIMOTHE 1:12

Churuang chem asi, hi bang thil khawm hi ka tuar mi chu; sikhawmsele ka ningzak lo; ka lung mi Pathian chu ka theih, a sinah ka kiltir mi chu, chu Ni rang ding ah chun ṭha dek hen a kil kho ti dik tak hen ka theih ber.

HEBRAI 7:25

Chun, amah lakah Pathian sinah hawng kal mi tla chu a dawngh tiang hen ruang a suah kho asi, anmah tla rangah thlacham piak hen zungzâl hen a nung kumza ruangah.

1 PETER 1:5

Ruangsuahnâk tik dawnghlei ah hawng lang ding mi timhtuah chia chu tawng ding hen lungnâk ruangah Pathian thiltikhonâk hen vêng mi chu nan si.

1 JOHAN 1:2

Chu nungnâk chu muhkho hen a hawng um le, kan muh rawh; kan theihtir na le, chu zungzâl nungnâk, Pa sinah mi kan sinah theihtir hen a um mi chu kan simh na asi hi.

1 JOHAN 2:19

Annih chu kan lakah mi murui an si lo ruangah hawng kan kaltâk le, kanmah mi tak si na sele kan sinah an um vima ding asi, sikhawmsele, an ektê hen kanmah mi tak an si lo ti a lang fiang khonâk ding hen hawng kan suaktâk rawh asi.

1 JOHAN 2:25

Amah Jisu Krist nih pêk ding hen hawng kan tiamh mi chu zungzâl nungnâk asi.

1 JOHAN 5:11

Theihtirnâk chu hi hi asi, Pathian nih zungzâl nungnâk hawng kan pêk le, chu nungnâk chu a Fapa ah kan nei asi.

JUD 1:1

Jud, Jisu Krist to-aw leh a unaupa Jem nih chun- Pa Pathian zângfahnâk leh Jisu Krist kilkâwinâk ah um mi, kawhmi tla sinah chun:

JUD 1:21

Kan Lalpa Jisu Krist nih a khuaruatnâk ruangah zungzâl nungnâk a nan pêk na mi chu ngâk hen Pathian zângfahnâk ah chun a kil u.

JUD 1:24

Chun, nan tlû lonâk ding hen an vêng na khotu leh rokualnâk ah lâwptlo tak hen leh nâwmtâm kawplo hen an siah na khotu,

1 SAMUEL 2:9

A mi zahkâi tla chu a hum na le, sikhawmsele misual chu mûi lakah an vâi. Mi nih amah chaknâk cho hen zeikhawm a neh kho lo.