JOHAN 10:27 - Bawm Common Language Bible Version

²⁷ Ka dawrâ tla nih ka aw an theih tâwn, kei khawm nih annih chu ka theih na le, annih nih chun an hawng ka zûl tâwn;

JOHAN 10:27 ပူးပေါင်းရင်းမြစ်များ

1 Lal 18:21

Elija chu mi zapi tla sinah a va kâi le, an sinah, “Zei tiang riamruam me nan thinlung remh lo hen nan um awt? LALPA chu Pathian asi chun amah chu sawnh u; sikhawmsele Baal chu pathian asi chun amah chu sawnh ko u!” a ti. Sikhawmsele, zapi tla chu an dâisip.

ISAI 66:22

“Ka thiltikhonâk hen tual thar leh vân thar ka umtir kumza mi hâwi hen na thlâk tla leh na min a um kumza lai.

MATHAI 16:24

Chun, Jisu nih a ṭhiruai tla sinah, “Âuzawng hawng ka zûl a duh mi nih chun mah hamhnâk siarlo hen, a kraws put hen hawng ka zûl seh.

MATHAI 17:5

A sim liau chir ah, sûm vâr tak nih anmah a phenh na rawh; chun, sûm thawk hen aw-hâu nih, “Hi hi ka Fapa duhtak, ka lawmh mi chu asi, amah thu ngâi u,” a ti.

MATHAI 25:12

Anih lam nih chun, ‘Thungâi tak hen ka nan simh na, ka nan theih na lo asi,’ a ti le, a sâng.

MATHAI 7:23

Chu ni ah chun ‘Nannih thilsual titu tla, ka nan theih na loh, ka sin thawk hen kal u,’ ti hen, annih chu ka simh na teh lai.

MARK 10:21

Chun, Jisu nih amah chu a zauh le, a zângfah le, a sinah, “Kâng khat na bat rih; kal le, na neih zawzawng zuar le, mipâm tla sinah pêk rawh, chun, vân ah ro na nei lai; chun hawng kal le, hawng ka zûl,” a ti.

MARK 8:34

Chun, mi zapi tla chu a ṭhiruai tla hen a kawh na le, an sinah, “Âuzawng nih hawng ka zûl a duh chun mah a pheh hen a kraws put hen hawng ka zûl seh.

LUK 13:27

Chun, anih nih, ‘Ka nan simh na, kha zei lei mi me nan si ka nan theih na lo’ nannih thilsual ti zawzawng tla: ka sinah mi kal ver u,’ a ti teh lai.

LUK 9:23

Chun, amah ber nih mi zawzawng sinah, “Âuzawng nih hawng ka zûl a duh chun, mah a pheh hen, nisiar a kraws put hen hawng ka zûl seh.

JOHAN 10:14

Kei lam chu dawrâ vêngtu ṭha kasi; Pa nih a ka theih mi leh kei nih Pa ka theih hâwi hen ka tâ ka theih le; ka tâ khawm nih an ka theih asi;

JOHAN 10:16

Chun, hi dawrâ kulh ah mi lo hi dawrâ dang ka nei; annih khawm ka hawngpi na ding asi, ka aw an ngâ lai; chuvachun rual khat hen an um lai le, vêngtu pakhat hen.

JOHAN 10:8

Ka lânah hawng kal zawzawng tla kha fîrmang leh rawkmang tla an si; sikhawmsele dawrâ tla nih chun an thu an ngâilo.

JOHAN 12:26

Âuzawng nih ka rian a ṭuan chun hawng ka zûl seh; ka umnâk ah ka to-aw khawm a um lai. Âuzawng nih ka rian a ṭuan chun anih chu Pa nih a chawnglawmh lai.

JOHAN 21:22

Jisu nih a sinah, “Ka hawng kal nawlh tiang um kumza ding hen duh châng sele, na rang zei me si? Nangmah nih hawng ka zûl ko,” a ti.

JOHAN 5:25

Thungâi tak hen ka nan simh na, a tik a tlung awt rawh, tu khawm ah a tlung liau chir, chu tik ah chun mithi tla nih Pathian Fapa aw-hâu an theih lai le, a theihtu vial an nung lai.

JOHAN 8:12

Chun, Jisu nih an sinah thu a sim nawlh le, “Kei laikulh chêu kasi; âuzawng hawng ka zûltu chu mûi ah a kal lai lo, nungnâk chêu a nei dauh lai,” a ti.

JOHAN 8:43

Zei rangah ka hawlh umzia nan theihthiam lo? Ka thusim nan ngâi set lo ruangah asi.

THILTI 3:23

Chun, mi âuzawng chu khuavâng thu ngâi piak lotu vial Israel tla lakah mi tlâutir ving ansi lai, a ti kha.

1 KORIN 8:3

Sikhawmsele, âuzawng nih Pathian a dâwt chun, chu tak chu amah theih asi.

GALATIA 4:9

Tuah Pathian nan theih nûnah lam chun asi lo, Pathian mi theih nan hawng si nûn hin ti ding asi dauh, thilbul chak lo leh dawrlâp sal ah um mi leh nan duhnâk leikângah chun zeitin zia kîr nawlh me nan si? Zei rangah chu tla sal ah um ding nan duh nawlh êu?

2 TIMOTHE 2:19

Sikhawmsele, Pathian lungphûm bir chu a dîr kumza le, hi singsiahnâk hi a nei le, “Lalpa nih chun amah tâ tla a theih,” ti leh, “Lalpa min lamtu vial nih chun sual kaltâk seh,” ti hi.

HEBRAI 3:7

Chun, Thlarau Thenhlimh nih, “Tusûn hin a aw-hâu nan theih chun,

THUPHUANG 14:4

Chubang tla chu nunau lakah â nawmh lo mi tla an si; nungâk thenhlimh hâwi an si, Dawrâ Fa kalnâk kip ah zûltu tla an si, Pathian rangah leh Dawrâ Fa rangah rah masa chem siding hen minung tla lakah mi tlanh an si.

THUPHUANG 3:20

Ngâinik, kawtkari ah dîr hen ka kik hi, âuzawng ka hâu theih hen kawtkâ hawng ka awnh chun, a sinah ka lût lai le, zânriah ka ei lai le, anih khawm ka sinah a ei bâk lai.