JOHAN 10:16 - Bawm Common Language Bible Version

¹⁶ Chun, hi dawrâ kulh ah mi lo hi dawrâ dang ka nei; annih khawm ka hawngpi na ding asi, ka aw an ngâ lai; chuvachun rual khat hen an um lai le, vêngtu pakhat hen.

JOHAN 10:16 ပူးပေါင်းရင်းမြစ်များ

GENESIS 49:10

Juda nih lal ṭhianṭhunh â ting lai le, A thlâk tla khawm nih lâi an rêl kumza lai. Phun tla nih a sinah siah an pêk lai. Ê-aw ngâi tak hen a mâika ah an kûn lai.

SAM 86:9

Phun zawzawng na siam na mi chu an hawng lai le, na sinah kûn hen na rokualnâk an sawr lai.

THUSIMTU 12:11

Mifing thusim chu fung zum dawrâpu nih a dawrâ an khalhnâk hâwi asi le, thufing a pumh mi chu thîrling khenh mi hâwi hen a bir hen a tlo. Kan ektê rangah Dawrâpu pakhat Pathian nih a pêk na mi asi.

ISAI 11:10

Phun tla zauhtirnâk ding ah David lal chi lakah mi lalchem thar a hawng um ding mi a nâi rawh. Lal khuapi ah anna pûm lai le, amah chu an zah lai.

ISAI 43:6

Marlei chu a nan suah na ding hen ka simh na lai le, simlei chu a nan thloh na lo ding hen ka simh lai. Ka mi tla chu ram lât tak, laikulh munkip thawk hen kîrtir na u.

ISAI 49:6

LALPA nih ka sinah, “Ka to-aw na rang ding ah ti ding rokual tak ka nei. Israel thibang tla rangah rokualtir natu cho na si lai lo le, phun tla rang khawm ah chêu ah ka nan siam lai, laikulh zawzawng ruangsuah an si khonâk ding hen,” a ti.

ISAI 52:10

LALPA nih a thiltikhonâk thenhlimh a mang lai le; a mi tla ruang a suah na lai le, laikulh ah mi zawzawng nih an muh lai.

ISAI 56:8

LALPA Zahkâi, a mi Israel tla sal ah tâng mi kîrpitu nih, midang tla khawm anmah sinah hawng a fawnh ding hen a hawngpi na awt ti thu a tiamh.

EZEKIEL 34:12

kei, LALPA Zahkâi, keimah ngelchel nih ka dawrâ chu ka zauhkhenh awt ti ka nan simh na asi. Vânduainâk ni ah anna rekrâwinâk mun zawzawng mûi lakah mi chu ka lâk nawlh na lai.

EZEKIEL 34:23

Ka to-âw David hâwi mi lalchem an dawrâpu rangah pakhat ka pêk na lai le, amah nih a zauhkhenh na lai.

EZEKIEL 34:6

Churuangah ka dawrâ tla chu tlâng sâng leh mual tla ah an vâi rawh. Laikulh zawzawngah anna rekrâwi le, âukhawm nih an zauhkhenh hen hâwl ding an tum lo.

EZEKIEL 37:22

Israel ram tlâng tla ah phun khat ah tlâi dut hen ka siam na awt. Lal pakhat an lakah lâirêltu ding ah an nei lai le, phun nih ah ṭhen hen lalram panih ah an um lai lo rawh.

EZEKIEL 37:24

An lalchem chu ka to-aw lalchem David hâwi asi lai. Lâirêltu pakhat tangah an um ver lai le, ka dân tla zumhkâi tak hen an zûl ver lai.

HOSEA 1:10

Israel mi tla chu tipi mi sep hâwi hen an tam lai le, rêl châwklo leh tah châwklo rê an si lai. Tuah Pathian nih an sinah, “Ka mi tla nan si lo,” Sikhawmsele “Pathian nung fa tla nan si” an ti na ding ni chu a hawng tlung lai.

ZEKARIA 2:11

Chu tikah chun phun tam tak LALPA sinah an hawng lai le, a mi tla an si lai rawh. Nan sinah a um lai le, kei khawm amah fial mi kasi ti nan theih lai rawh.

MATHAI 17:5

A sim liau chir ah, sûm vâr tak nih anmah a phenh na rawh; chun, sûm thawk hen aw-hâu nih, “Hi hi ka Fapa duhtak, ka lawmh mi chu asi, amah thu ngâi u,” a ti.

LUK 15:8

“Asi lo leh, nunau pakhat nih dragma parâ nei hen pakhat tlâu sele, khâwnvâr kaih hen, in phiat hen, a tawng lânlo chu chiamchariamtê hen âu me hâwl lo lai?

JOHAN 10:11

“Kei dawrâ vêngtu ṭha kasi: dawrâ vêngtu ṭha nih dawrâ tla rangah a nungnâk a pêk tâwn.

JOHAN 10:2

Âuzawng kawtkâ ah lût lam chu, dawrâ vêngtu asi.

JOHAN 10:27

Ka dawrâ tla nih ka aw an theih tâwn, kei khawm nih annih chu ka theih na le, annih nih chun an hawng ka zûl tâwn;

JOHAN 10:3

Kawtkâ vêngtu nih anih chu a awng piak tâwn; dawrâ tla nih a aw an theih tâwn le; amah dawrâ tla chu an min hen a kawh chiau na le, a suakpi na tâwn.

JOHAN 10:4

A tâ zawzawng a suaktir na chun, an mâi leiah a kal le, dawrâ tla nih chun amah an zûl tâwn le, a aw an theih ruangah.

JOHAN 10:5

Midang an zûl lai lo le, an tek khalh dauh lai; midang tla aw chu an theih lo ruangah,” a ti.

JOHAN 11:52

Chu phun tla ruangrûl cho chu asi lo, Pathian fa laikulh ah anna rek mi tla zawzawng murui khat ah a pumh na ding khawm hen asi.

JOHAN 17:20

“Hi bang tla rang cho hin ngiar piak kasi lo, an thu ruangah kei hawng ka zumh ding mi tla rang khawm ah ngiar piak kasi.

JOHAN 6:37

Pa nih a ka pêk mi zawzawng ka sinah an hawng ver lai; âuzawng ka sinah hawng kal mi chu ka nar rîlmâl lai loh.

THILTI 15:14

Pathian nih amah min zah ding hen an lakah mi tla lâk ding hen Phundang tla a veh mi thu chu Simon nih hin a sim rawh.

THILTI 18:10

kei na sinah ka um asi, nganfâk pêk ding hen âukhawm na tlûnah kut an thlâk lai loh, hi khua ah hin minung cherkhet ka nei asi,” a ti.

THILTI 22:14

Chun, anih nih chun, ‘Kan thlâktu tla Pathian nih a duhzia theihtu ah leh mirep To-aw tak chu muh hen, a hawlhkâ theihtu khawm ah a nan ruat rawh.

ROM 11:25

Unau le tla, thuthup hi nan theih loh ka duh lo, chu lo chun nanna fingtir lai le; Phundang tla rangtlingnâk a hawng tlung lânlo chu Israel mi zeimaw mi tla tlûnah thinlung changnâk a hawng tlung rih asi, ti hi.

2 THESALONIKA 2:13

Lalpa ah unau duhtak le tla, Thlarau ah Thenhlimhtir mi leh thudik lung hen, ruangsuah a um ding hen a tîr thawk hen Pathian nih a nan thîm na ruangah nan dân thu hin Pathian sinah lawmthu sim kumza ding rêng kan si.

HEBRAI 13:20

Zungzâl thudântuk singsiah si mi nih a thihnâk ruangah Dawrâpu rokual tak Lalpa Jisu chu Pathian nih thihnâk lakah mi a thawh nawlh rawh.

1 PETER 2:10

A lân chun Pathian mi tla nan si lo, tu lam chun amah mi tla nan si, a lân chun Pathian khuaruatnâk nan tawng lo, tuah lam chun khuaruatnâk nan tawng rawh asi.

1 PETER 2:25

Dawrâ tla lampi an vâi mi hâwi nan si. Sikhawmsele, tuah lam chun nan thlarau tla Kiltu leh Dawrâpu chu zûl ding hen kîrtir nan si rawh.

1 PETER 5:4

Chun, Dawrâpu Lian a hawng a langh tikah a rokualnâk lallukhuh nawh kho lo mi chu nan tawng lai.

THUPHUANG 3:20

Ngâinik, kawtkari ah dîr hen ka kik hi, âuzawng ka hâu theih hen kawtkâ hawng ka awnh chun, a sinah ka lût lai le, zânriah ka ei lai le, anih khawm ka sinah a ei bâk lai.