JOHAN 10:1 - Bawm Common Language Bible Version

¹ Thungâi tak hen ka nan simh na, “Âuzawng dawrâ kulh kawtkâ ah lût lo hen, a dang lei hen kâi mi chu, chu minung chu fîrmang leh rawkmang asi.

JOHAN 10:1 ပူးပေါင်းရင်းမြစ်များ

JEREMIA 14:15

Kei, LALPA nih, chubang khuavâng keimah fial lo mi khuavâng tla tlûnah thil ka ti ding chu ka nan simh na asi, sikhawmsele ka min hen râltuknâk leh pâmnâk hi ram ah hin a hawng tlung awtlo titu tla chu râltuk leh pâmnâk hen ka thah na awt.

JEREMIA 23:21

LALPA nih, “Chubang khuavâng tla chu kei nih ka fial na lo, sikhawmsele an kal. Zei thu khawm ka chah na lo, sikhawmsele ka min hen thu an sim.

JEREMIA 23:32

Kei, LAPA nih ka sim mi hi ngâi rawh! Âwkrâwl karo hen an mang thu simtu khuavâng chu ka do asi. Anna zûmnâk leh âwkrâwl thu hen ka mi tla chu chubang mang thu tla sim hen mahlo leiah an kalpi na. Kei nih kal ding hen ka fial na hen thu ka pêk na mi asi lo, ka mi tla rangah ṭangpitu an si lêm lo. Kei, LALPA nih ka sim asi,” a ti.

JOEL 2:9

Khuapi ah an lût le, kulh dâi tlûnah an kâi le, kulh tlûn tla ah an tek le, in tlûnah an kâi. Mifîr hâwi hen langawtkawt ah an suak.

MATHAI 7:15

“Khuavâng telê lakah a thiamthih u; chu tla chu dawrâ vun aih hen nan sinah an hawng kal tâwn le, an sung leiah lam chun chingngia râwlṭâm an si ruangah.

JOHAN 10:7

Chun, Jisu nih an sinah a sim nawlh le, “Thungâi tak hen ka nan simh na, kei hi dawrâ kawtkâ chu kasi.

JOHAN 3:3

Chun, Jisu nih a sâng le, a sinah, “Thungâi tak hen ka nan simh, mi âukhawm a suaknawlh lo chun Pathian Ram a muh kho lai loh,” a ti.

ROM 10:15

Fial an si lo chun zeitin thu an sim lai? “Thâwngthâng Ṭha simtu tla hawng kal chu a chê a!” ti hen Pathian lasui thu nih a sim hâwi khan.

ROM 16:18

Chu hâwi mi tla nih chun kan Lalpa Krist rian an ṭuan lo le, anmah paw rian an ṭuan dauh tâwn; an kâ ṭhatnâk leh an hawlh thiamnâk hen mi fing lo tla thinlung an perpet tâwn.

TITA 1:11

Chubang tla kâ chu huh piak na ding asi, lêpnâk nâwmtam duh ruangah thu sîntir lo ding mi sîntir hen, mi tla a dâwngsungkhur khur hen an râwk na tâwn.

HEBRAI 5:4

Chun, âukhawm nih chu chawnglawmhnâk chu mah lakah anna ngaih loh, Aron hâwi hen Pathian kawh mi an si lêm lo chun.

1 PETER 1:10

Khuavâng tla nih fîmkhur tak hen an hâwl mi leh an deih mi chu ruangsuahnâk thu, Pathian nih thilpêk a nan pêk awt mi chu asi.

2 PETER 2:1

Lânah mi zapi tla lakah khuavâng telê an hawng suak mi hâwi hen, nan lak khawm ah sîntirtu telê an hawng suak lai, annih nih chun anmah tla tlanhtu Lalpa chu phehtâk hen, mi râwk khonâk ding hen sîntirnâk diklo an hawng lûtpi lai le, an tlûnah mawhsareh hen siatnâk an tlungtir lai.

2 PETER 2:3

Chun, sîntirtu diklo tla nih chun âwkrâwl thu hen sawlehnâk ah an mang na lai. Sikhawmsele, tuan thawk hen an rangah lâirêlnâk chu timh chia asi le, anmah tla tlâutirtu khawm a it lo asi.

1 JOHAN 4:1

Duhtak tla, Thlarau nei ding ti thusimtu zawzawng chu lung ver lah u, thlarau chu Pathian lakah mi asi leh silo nik u. Khuavâng telê tam tak mun kip ah an suak rawh ruangah.