JOHAN 1:9 - Bawm Common Language Bible Version

⁹ Chêu dik tak mikip chêutirtu kha laikulh ah a hawng kal liau asi.

JOHAN 1:9 ပူးပေါင်းရင်းမြစ်များ

ISAI 49:6

LALPA nih ka sinah, “Ka to-aw na rang ding ah ti ding rokual tak ka nei. Israel thibang tla rangah rokualtir natu cho na si lai lo le, phun tla rang khawm ah chêu ah ka nan siam lai, laikulh zawzawng ruangsuah an si khonâk ding hen,” a ti.

ISAI 8:20

Nannih nih, “LALPA nih a nan sîntir na mi hi ngâi u! Mithi sawnh thiam thu ngâi lah, a nan simh na mi thu chu nan rangah zeikhawm a ṭhatnâk a um lai loh,” ti hen nan sâng ding asi.

MATHAI 6:23

Na mit â râwk lam chun na taksa pum hen a mûi hep lai. Chuvachun, na sungah chêu chu mûi si sele, mûi chu a fâk awt chiam e!

LUK 11:36

Chun, na taksa hi a zei ram khawm mûi lo hen a pum hen a chêu chun, khâwnvâr chêu tak nih a nan cherh hâwi hen na chêu hep lai,” a ti.

JOHAN 1:4

Amah lakah chun nungnâk a um; chu nungnâk chu minung tla chêunâk asi.

JOHAN 1:7

Theihpitu ding hen a hawng kal le, chêu thu chu theihtir ding hen; amah ruangah mi zawzawng nih an lung khonâk ding hen.

JOHAN 12:46

Chêutirtu ah laikulh ah hawng kal kasi hi, âuzawng hawng ka zumhtu vial chu mûi ah an um kumza lonâk ding hen.

JOHAN 14:6

Jisu nih a sinah, “Keimah hi lampi leh thutak leh nungnâk kasi; keimah lakah kal lo mi chu âukhawm Pa sinah an tlung lai loh.

JOHAN 15:1

“Kei grep zûn tatak kasi, ka Pa chu dûm zauhkhenhtu asi.

JOHAN 6:32

Chun, Jisu nih an sinah, “Thungâi tak hen ka nan simh na, vân thawk hen mi sang kha Mosi nih an pêk na mi asi lo, ka Pa lam nih chun vân thawk hen sang tak an pêk na asi hi.

JOHAN 7:12

Chun, a thu mi zapi lakah mi nih anna chaih chur; a zeimaw mi nih, “Mi ṭha asi,” an ti; midang nih, “Silo, mi zapi a perpet dauh asi,” an ti.

1 JOHAN 1:8

“Sual kan nei lo” kan ti chun mah le mah kanna perpet le, thutak chu kanmah lakah a um lo asi.

1 JOHAN 2:8

Sikhawmsele thupêk thar rîn hâwi khawm kasi, chu chu Jisu Krist lakah leh nanmah lakah a lang asi, chêu tatak chu tuah a hawng chêu rawh ruangah mûi chu a vei liau chir asi.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.