JOHAN 1:51 - Bawm Common Language Bible Version

⁵¹ Chun, Jisu nih a sinah, “Thungâi tak hen ka nan simh, vân â awng hen, Pathian vânmifial tla Minung Fapa tlûnah hin ṭum leh kâi nan muh teh lai,” a ti,

JOHAN 1:51 ပူးပေါင်းရင်းမြစ်များ

GENESIS 28:12

Mang a manh le, leilâk tual thawk hen vân sunh khet mi a muh, chu lakah chun vân minung tla ṭum leh kâi mi a muh.

EZEKIEL 1:1

Kum sâwmthumnâk a thla linâk ninga ni ah kei, bâwlpu Ezekiel, Buzi fapa leh Juda saltâng tla hen Babulon ah Kebar tiva kiangah kan um. Vân â awng le, Pathian muhtirnâk ka muh.

ZEKARIA 13:7

LALPA Zeizawng tikho nih, “Nâmsâu, thawk le, ka rianṭuantu dawrâ vêngtu chu do rawh! Thah le, dawrâ chu anna rek phin lai.

MATHAI 25:31

“Sikhawmsele, Minung Fapa hi, a vânmifial tla zawzawng hen, a rokualnâk hen a hawng kal tikah a rokualnâk laltophah ah a to lai.

MATHAI 26:24

Minung Fapa hi a thâwngthâng an rîn hâwitê khan a kal awt asi. Sikhawmsele, Minung Fapa tleihtirtu ding minung tlûn chu a pit! Chu minung chu suak lah sele a rangah a ṭha dauh lai,” ti hen a sâng.

MATHAI 3:16

Chun, Jisu baptis asi ka hen ti a mi a suak sawm le, chun, ngâinik, a rangah vân â awng le, Pathian Thlarau chu vaṭhu hâwi hen a hawng ṭum hen, a tlûnah a fû mi a muh.

MATHAI 4:11

Churawhchun, Diabol nih a kaltâk rawh. Chun, ngâinik, vânmifial tla nih a rian an ṭuan piak rawh.

MATHAI 8:20

Chun, Jisu nih a sinah, “Kâwlui tla nih kua an nei le, tlûn zuang vâ tla nih bû an nei le, Minung Fapa lam nih chun a lû ngauhnâk a nei lo,” a ti.

MATHAI 9:6

Zeikhawm si sele, laikulh ah Minung Fapa nih hin sual ngaihdam khonâk a nei ti nan theih khonâk ding hen,” a ti le, mi khêng sinah chun, “Thawk le, na tangphah lâk le, na in ah kal rawh,” a ti.

MARK 1:10

Tî ah mi a suak kâ hen vân â awng le, Thlarau Thenhlimh vaṭhu hâwi hen a tlûnah a hawng ṭum mi a muh.

MARK 14:62

Chun, Jisu nih, “Ka si; Minung Fapa hi thiltikhonâk vawrhlei ah to hen, vân sûm lakah a hawng mi nan muh awt asi,” a ti.

LUK 2:13

Chun, lâkkhatko ah vânmifial sinah chun vân minung tla zapi an hawng um chiam le, Pathian an sawr le:

LUK 2:9

Chun, Lalpa vânmifial pakhat an kiangah a hawng dîr le, Lalpa rokualnâk nih an kiang chu a hawng cherh le; chun thungâi an ṭih.

LUK 22:43

Chun, vân thawk hen vânmifial pakhat amah panhlâutir ding hen a hawng a langh.

LUK 22:69

Sikhawmsele, tu rî hen chun Minung Fapa hi Pathian thiltikhonâk vawrhlei ah a to lai rawh,” a ti.

LUK 24:4

Chun, chubang ruangah an lawksawng liauah chun, minung panih, puan mit ser rê hen aih mi an kiangah an hawng dîr le;

LUK 3:21

Chun, hi hâwi hi asi le, mi zawzawng nih baptis an si thluh rawh chun Jisu khawm baptis asi le, chun thla a cham liauah vân â awng le,

JOHAN 1:50

Jisu nih a sinah, “Theipi phûr ah ka nan muh, na sinah ka nan ti ruangah na lung mu? Hi ngâk hen thil rokual dauh hi na muh lai,” a ti le, a sâng,

JOHAN 10:1

Thungâi tak hen ka nan simh na, “Âuzawng dawrâ kulh kawtkâ ah lût lo hen, a dang lei hen kâi mi chu, chu minung chu fîrmang leh rawkmang asi.

JOHAN 10:7

Chun, Jisu nih an sinah a sim nawlh le, “Thungâi tak hen ka nan simh na, kei hi dawrâ kawtkâ chu kasi.

JOHAN 13:16

Thungâi tak hen ka nan simh na, to-aw a pu ngâk hen a rokual lo; mifial khawm a fialtu ngâk hen a rokual lo.

JOHAN 13:38

Jisu nih, “Keimah ruangah na nungnâk na pêk awt mu? Thungâi tak hen ka nan simh, nangnih veithum na ka pheh lânlo chu âr a khuang lai loh,” a ti le, a sâng.

JOHAN 14:12

Thungâi tak hen ka nan simh na, âuzawng hawng ka zumhtu nih chun thil ka ti mi tla hi anih khawm nih a ti bâk lai; hi ngâk a thil rokual khawm a ti lai, Pa sinah ka kal awt ruangah.

JOHAN 16:20

Thungâi tak hen ka nan simh na, nannih nan mitthli a tlâ lai le, nan ṭap chiam lai le, laikulh lam chu anna lâwm lai; nannih nan ngaihsia lai le, sikhawmsele nan ngaihsiatnâk chu lâwmnâk ah â chang lai.

JOHAN 16:23

“Chu ni ah chun nannih nih zeikhawm nan hawng ka deih lai loh. Thungâi tak hen ka nan simh na: Pa sinah zeizawng ka min hen nan deih mi chu a nan pêk na lai.

JOHAN 21:18

Thungâi tak hen ka nan simh, na ngâksia liau khan na tâi na sâwm le, na duhnâk zawng ah na kal tâwn; sikhawmsele, na upa tikah na kut na phar lai le, midang nih an sâwm piak lai le, na duhlonâk leiah an kalpi lai,” a ti.

JOHAN 3:3

Chun, Jisu nih a sâng le, a sinah, “Thungâi tak hen ka nan simh, mi âukhawm a suaknawlh lo chun Pathian Ram a muh kho lai loh,” a ti.

JOHAN 3:5

Jisu nih a sâng le, “Thungâi tak hen ka nan simh, mi âukhawm tî ah leh Thlarau ah a suak lo chun Pathian Ram ah a lût kho lai loh.

JOHAN 5:19

Chun, Jisu nih an sinah, “Thungâi tak hen ka nan simh na, Fapa nih amah ko hen zeikhawm a ti kho lo, Pa thilti a muh mi cho lo chu; thil a ti mi hâwi zawng chu, Fapa khawm nih a ti bâk tâwn.

JOHAN 5:27

chun, Minung Fapa asi ruangah a sinah lâirêl ding thuneihnâk a pêk.

JOHAN 6:26

Chun, Jisu nih an sinah, “Thungâi tak hen ka nan simh na, thilchê tla nan muh ruangah nan ka hâwl mi asi lo le, sang tlang nan ei le, nan khawp ruang dauh khan asi.

JOHAN 6:32

Chun, Jisu nih an sinah, “Thungâi tak hen ka nan simh na, vân thawk hen mi sang kha Mosi nih an pêk na mi asi lo, ka Pa lam nih chun vân thawk hen sang tak an pêk na asi hi.

JOHAN 6:47

Thungâi tak hen ka nan simh na, âuzawng a lungtu nih chun zungzâl hen nungnâk a nei rawh asi.

JOHAN 6:53

Chun, Jisu nih an sinah, “Thungâi tak hen ka nan simh na, Minung Fapa taksa nan ei hen, a thisen nan din lo chun, nanmah lakah nungnâk nan nei lo.

JOHAN 8:34

Jisu nih an sinah, “Thungâi tak hen ka nan simh na, âuzawng thilsual titu vial sual sal asi.

JOHAN 8:51

Thungâi tak hen ka nan simh na, mi nih ka thu a zâwt chun, a thi rerêng lai loh,” a ti.

JOHAN 8:58

Jisu nih an sinah, “Thungâi tak hen ka nan simh na, Abraham suak lânah mi kasi rawh,” a ti.

THILTI 10:11

Chun, vân â awng hen, zeilo bâwm, puan lian tak hâwi hen a muh.

THILTI 7:56

“Zauhnik u! Vân â awng mi ka muh le, Pathian vawrhlei ah Minung Fapa a dîr mi khawm ka muh, a ti.

2 THESALONIKA 1:9

Chu ni ah chun, a mi thenhlimh tla lakah chawnglawmh a um ding leh lungtu zawzawng tla lakah chun chu thu kan theihtir na mi kha nan lung ruangah chê ti ding hen a hawng kal tik chun chubang Pathian theihlo mi leh kan Lalpa Jisu Thâwngthâng Ṭha lunglo mi tla nih chun rêp an tuar lai, Lalpa sin thawk leh a chaknâk rokualnâk thawk hen zungzâl veihnâk chu.

1 TIMOTHE 3:16

Chun, Pathian sunhsaknâk thuthup chu êi kho lo rê hen a rokual asi: “Taksa ah a hawng lang, Thlarau ah diknâk langhtir ding hen, vânmifial tla nih muh hen Phun tla nâwngah phuang ding hen, laikulh ah hin mi nih lung hen, vân ah lâk hen a um.

HEBRAI 1:14

Vânmifial tla chu zei an si ne? Annih tla chu Thlarau ver Pathian rianṭuantu, ruangsuahnâk tawngtu ding mi tla sinah ṭangpi ding hen fial an si.

JUD 1:14

Adam thawk hen san sarihnâk Enok nih chun chubang tla thu chu hun sâwt tak thawk hen a simkan rawh asi, “Ngâinik u, Pathian lunglotu tla nih an thilti leh an thusim ṭihnungkâi tak leh Pathian an simsiat ruangah, lâirêl ding hen Lalpa chu a vânmifial thenhlimh sâng tam tak hen a hawng awt,” ti hen.

THUPHUANG 19:11

Chun, vân â awng mi ka muh le, chun, rang ngo leh a tlûnah â chuan mi, Zumhkâi leh Diktak, an ti mi chu ka muh le, anih nih chun rep tak hen lâi a rêl le, ral a do tâwn.

THUPHUANG 4:1

Chu nûnah chun langhtirnâk dang ka nei le, vân ah kawtkâ â awng mi chu ka muh. Chun, aw-hâu ka theih masa mi, tâwtawrâwt âwn hâu hâwi mi nih a hawng ka sawnh le, “Hinah hawng kâi rawh, hi nûnah thil a hawng um ding mi tla chu ka nan zauhtir lai,” a ti.