JOHAN 1:34 - Bawm Common Language Bible Version

³⁴ Chu chu ka muh rawh le,” “chun hi hi Pathian Fapa asi ti ka theihtir rawh,” a ti.

JOHAN 1:34 ပူးပေါင်းရင်းမြစ်များ

SAM 2:7

“LALPA nih a sim mi chu ka phuang awt” Lalchem nih a ti. ‘LALPA nih ka fapa na si, tusûn hin na pa kasi,’ a ti.

MATHAI 11:27

“Ka Pa nih thil zeizawng hawng ka kiltir rawh. Pa lo nih chun âukhawm nih Fapa hi an theih loh. Fapa leh an sinah Fapa nih a phuang duhnâk tla cho lo nih chun âukhawm nih Pa chu an theih loh.

MATHAI 16:16

Chun, Simon Peter nih, “Mesia, Pathian nung Fapa chu na si, ” a ti le, a sâng.

MATHAI 17:5

A sim liau chir ah, sûm vâr tak nih anmah a phenh na rawh; chun, sûm thawk hen aw-hâu nih, “Hi hi ka Fapa duhtak, ka lawmh mi chu asi, amah thu ngâi u,” a ti.

MATHAI 26:63

Jisu lam chu a dâisip. Chun, Bâwlpu Lalchem nih chun a sinah, “Pathian nung min hen ka nan fâi. Mesia, Pathian Fapa chu na si ma? Hawng kan simh,” a ti.

MATHAI 27:40

“Nang, Pathian Biakin siat hen ni thum ah sak nawlhtu, a hum rawh; Pathian Fapa na si chun kraws thawk hen hawng ṭum ko me,” ti hen an sîrleih.

MATHAI 27:43

Pathian a lung si lo ma, amah hi a duh chun tuhin Pathian nih ruangsuah seh,! ‘Pathian Fapa kasi,’ a ti dangâi ah,” an ti.

MATHAI 27:54

Chun, kawrsen zâ hotu leh a sinah Jisu vêng hen um bâk mi tla nih chun lînîn leh thil umzia tla chu an muh rawh chun thungâi an ṭih le, “Hi Minung hi Pathian Fapa asi chiammâm,” an ti.

MATHAI 3:17

Chun, ngâinik, vân thawk hen aw-hâu nih, “Hi hi ka Fapa duhtak, thungâi ka lawmh mi chu asi,” a ti.

MATHAI 4:3

Chun, Diabol chu a hawng kal le, “Pathian Fapa na si chun hi bang lung hi sang ah chang ding hen thu pêk rawh,” a ti.

MATHAI 4:6

chun a sinah, “Pathian Fapa na si chun a khâwk rawh; ‘Nang lakah chun a vânmifial tla thu a pêk lai le, an kut hen an nan dawmh lai le, chu hâwi asi lo chun na kê hen lung na suih lebang lai, ti Pathian lasui thu nih a sim ruangah,” a ti.

MATHAI 8:29

Chun, annih nih chun, “Pathian Fapa, kannih leh nang zei kanna tlâinâk um? Tik tiamh tling lânah hawng kan rêp ding hen na hawng mi masi?” ti hen an âu.

MARK 1:1

Hi hi Pathian Fapa Jisu Krist Thawngthang Ṭha tlung dawmhtîrnâk chu asi.

MARK 1:11

Chun, “Nang, ka Fapa duhtak na si le, na tlûnah thungâi ka lâwm asi,” ti hen, vân thawk hen aw-hâu a hawng suak.

LUK 1:35

Chun, vânmifial nih chun a sinah, “Thlarau Thenhlimh na tlûnah a hawng tlung lai le, Chungnung chem thiltikhonâk nih a nan huhphenh lai. Churuangah mi thenhlimh hawng suak ding mi khawm chu Pathian Fapa an ti lai.

LUK 3:22

chun Thlarau Thenhlimh chu taksa put hen vaṭhu hâwi hen a hawng ṭum le, a tlûnah a fû. Vân thawk hen aw a hawng suak le, “Nang ka Fapa duhtak na si, na tlûnah thungâi ka lâwm,” a ti.

JOHAN 1:18

Âukhawm nih Pathian an muh dahlo, Fapa neihlem, Pa kiangah um mi tak nih khan, amah a theihtir rawh asi.

JOHAN 1:49

Nathanael nih, “Sîntirtu, Pathian Fapa na si, Israel tla Lalchem na si hi,” ti hen a sâng.

JOHAN 10:30

Kei leh Pa chu pumkhat kan si,” ti hen a sâng.

JOHAN 10:36

Kei rangah chun, Pa nih a hawng ka thîm le, chun laikulh ah a hawng ka fial. Churuangah zeitin zia hen, ‘Pathian Fapa kasi,’ ka ti ruangah, Pathian na simsiat, nan ti kho zia?

JOHAN 11:27

Anih nih chun a sinah, “Lung ta a, Lalpa; Mesia, Pathian Fapa, laikulh ah a hawng kal ding mi chu na si ti ka lung,” a ti.

JOHAN 19:7

Juda tla nih chun a sinah, “Kan Dân pakhat a um, chu Dân hâwi vima hen Pathian Fapa ah â siam ruangah a thi ding asi,” an ti le, an sâng.

JOHAN 20:28

Thom nih a sinah, “Ka Lalpa leh ka Pathian na si,” a ti le, a sâng.

JOHAN 20:31

Sikhawmsele, hi bang hi, Jisu chu, Mesia, Pathian Fapa asi ti nan lung khonâk ding hen leh nan lung ruangah a min hen nungnâk nan nei khonâk ding hen rîn asi.

JOHAN 6:69

Nang Pathian Mi Thenhlimh chu na si ti kan lung hen kan theih rawh,” a ti le, a sâng.

ROM 1:4

thenhlimhnâk thlarau lei thu ah chun mithi lakah thawk hen a thawknawlhnâk nih chun, Pathian Fapa a sizia fâk tak hen a theihtir.

2 KORIN 1:19

Pathian Fapa Jisu Krist a thu, kei leh Silas leh Timothe nih nan lakah kan sim mi kha “Asi,” leh ‘Asi lo,” asi ṭung lêm lo, amah Pathian lakah chun, “Asi,” ti a um dauh asi.

HEBRAI 7:3

Melkizedek chu a pa khawm, a nu khawm, a thlâktu tla âukhawm, a suaknâk khawm, a thihnâk thu rerêng khawm rîn asi loh. Anih chu Pathian Fapa hâwi asi. Zungzâl hen bâwlpu asi kumza.

1 JOHAN 2:23

Âuzawng Fapa lung lotu nih chun Pa khawm a lung lo, Fapa lungtu lam nih chun Pa khawm a lung asi.

1 JOHAN 3:8

Thilsual titu chu Diabol lak mi asi, Diabol chu a tîr thawk hen thilsual titu asi. Pathian Fapa a hawng kalnâk san tak chu Diabol thilti veih ding hen asi.

1 JOHAN 4:9

Hi hi Pathian nih zângfahnâk kan rangah a langhtir mi chu asi, a Fapa neihlem laikulh ah a hawng fial mi zârah nungnâk kan nei khonâk ding hen.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.

2 JOHAN 1:9

Âuzawng Krist sîntirnâk thu ah um lo hen a lei a kaih chun Pathian a nei lo. Âuzawng chu sîntirnâk ah a um asi chun Pa leh Fapa a nei vevê asi.

THUPHUANG 2:18

“Chun, Thiatira khua kawhmi vânmifial sinah chun rîn rawh: “Pathian Fapa, a mit meialh hâwi mi, a kezaphah tla dâr hâwi a tlêu mi nih khan hi thu hi a sim asi.