JOHAN 1:29 - Bawm Common Language Bible Version

²⁹ Chun, a thâituan ah chun Johan nih Jisu a sinah a hawng kal mi a muh. Chun a sim le, “Zauhnik u, Pathian Dawrâ Fa laikulh sual kalpitu ding khi!

JOHAN 1:29 ပူးပေါင်းရင်းမြစ်များ

EXODUS 28:38

Aron nih a chal ah â pawnh lai le, churawhchun Kei, LALPA nih Israel tla thilpêk zawzawng leh ka sinah anna pêknâk leh mi zapi tla nih an thil ap lakah palh sualnâk khawm ah ka pawm lai.

ISAI 53:10

LALPA nih, “A thihnâk chu sual ngaihdamnâk ding hen bâwlnâk asi ruangah a tuar ding mi chu ka duhzia asi. Churuangah a thlâk tla a muh na lai le; san sâu tak hen a um lai le amah ruangah ka thiltum chu a tling lai rawh.

ISAI 53:11

A tuar thluh nûnah, lâwmnâk a nei nawlh lai le; a tuarnâk chu a thawt asi lo zia a theih lai rawh. Ka sunhsak tak mi to-aw, ka lawmh tak mi nih chun mi tam tak rêp ding mi rûlah a tuar lai le, amah ruangah ka ngaihdam na lai.

ISAI 53:7

“Fâk tak a nehsawh hen a um le, sikhawmsele nâu tak hen â dawnh le; tâwm khawm hâu a suah lo. Thah ding mi dawrâ fa hâwi hen leh a mul mêt ding mi dawrâ hâwi hen tâwm khawm a hâu a suah lo.

HOSEA 14:2

LALPA sinah kîr ule, nan thlachamnâk chu hi hi si seh, “Kan sual zawzawng hawng kan ngaihdam le, kan thlachamnâk hawng kan ngâi piak, kan tiamh mi hâwi hen kan sawr lai.

LEVITICUS 10:17

“Zei rangah sual rangah ap mi mun thenhlimh ah nan ei lo zia? Mi zapi tla sual thiangnâk ding hen LALPA nih a nan pêk na mi thil thenhlimh tak asi mi.

ZEKARIA 13:1

LALPA Zeizawng tikho nih, “Chu tikah chun, David thlâk leh Jerusalem a mi chu an sualnâk leh milem an sawnhnâk tlenh ding hen tinungva ka suaktir awt.

NUMBER 18:1

LALPA nih Aron sinah “Nang leh na fapa tla leh Levi tla nih ka umnâk Puanin lakah rianṭuan leikâng palhnâk, a mawh chu nanmah tuar ding asi, sikhawmsele nang leh na fapa tla cho nih bâwlpu sinâk rianṭuan lakah chun nan tuar lai.

NUMBER 18:23

Tu thawk hen zeiliau zawng ah Levi tla cho nih Puanin kilkâwi leh a mawhphurhnâk pumpi anna ting ding asi. Hi hi nan thlâk tla rang khawm ah dân um kumza ding mi chu asi. Levi tla nih thil nei pawt ding zeikhawm Israel lakah an nei ding asi lo,

NUMBER 21:9

Churawhchun, Mosi nih dâr rûl a siam le, thingtluan pâr ah a thlâi. Âuzawng rûl nih a chuk na mi, chu dâr rûl chu an zauh chun an dam vima.

MATHAI 1:21

Fapa a ring lai le, a min ah JISU na sak lai; anih nih chun a mi tla an thilsual ti lakah mi ruang a suah na awt ruangah,” a ti.

MATHAI 20:28

Minung Fapa hi mi nih rianṭuan piak ding hen a hawng lo le, rianṭuan ding leh mi tam tak tlanhnâk ding ah a nungnâk pêk ding hen a hawng dauh asi,” a ti.

JOHAN 1:35

Chun, a thâituan ah Johan a dîr le, a ṭhiruai le panih hen;

JOHAN 1:36

chun, Jisu kal liau a zauh le, “Zauhnik u, Pathian Dawrâ Fa khi,” a ti.

JOHAN 1:43

Chun, a thâituan ah chun Jisu chu Galili ah kal a tum le, Philip a muh le, a sinah, ‘Hawng ka zûl rawh,” a ti.

JOHAN 2:1

Ni thum ni ah, Galili ram ah Kana ah umhnâk a um le, chunah chun Jisu nu a um,

JOHAN 3:16

Pathian nih laikulh thungâi a dâwt le, churawhchun a Fapa neihlem a pêk, amah chu âuzawng a zumhtu vial thi lo hen, zungzâl nungnâk an nei khonâk ding hen.

JOHAN 4:42

Chun annih nih chun, nunau sinah chun, “Tu lam chun na thusim ruangah lung kan si lo rawh; kanmah ngelchel nih a thu kan theih le, hi minung hi laikulh Ruangsuahtu asi ngelchel ti kan theih rawh,” an ti.

JOHAN 6:51

Kei hi vân thawk hen sang nung hawng ṭum chu kasi, âuzawng nih hi sang hi a ei chun zungzâl hen a nung kumza lai; asi, laikulh nungnâk ding ah ka pêk ding mi sang chu ka taksa hi asi, “ a ti.

THILTI 13:39

Mosi dân ah mawhtir lo hen nan um kholo, Âuzawng Jisu zumhtu vial chu zeilak zawngah mawhtirlo hen an um.

THILTI 8:32

Chun, Pathian lasui thu a rêl liau mi chu hi hi asi: “Thah ding mi dawrâ hâwi hen anih chu an kalpi le, dawrâ fa a mul mêttu mâika ah a dâisip hâwi hen anih khawm nih a kâ a âng loh.

1 KORIN 15:3

A masa chem hen, ka tawng bâk mi chu ka nan simh singsuan na kha, kha hâwi hen Krist chu Pathian lasui thu hâwi vima hen kan sual ruangah a thi le,

2 KORIN 5:21

Amah lakah chun Pathian repnâk kan hawng si khonâk ding hen sual rerêng nei lo Jisu chu Pathian nih kanmah ruangah sual ah a siam.

GALATIA 1:4

Anih nih chun kan Pathian leh Pa rem ti kâng hen tuliau laikulh sual tak lakah hin hawng kan suah khonâk ding hen kan sual tla ruangrûl ah amah a pêk rawh.

GALATIA 3:13

Krist chu kan ruangrûl ah siat ting hen Dân siat lakah mi hawng kan suah rawh; “Thing ah thlâi mi vial chu siat ting an si,” ti hen Pathian lasui thu nih a sim ruangah.

1 TIMOTHE 2:6

Mi zawzawng tlanhnâk ding hen a pêk mi chu. Chu chu a tik tak vima ah theihtir hen a um ding asi;

TITA 2:14

Anih nih chun buarnâk zawzawngah hawng kan tlanh khonâk ding hen leh phun thîm bîk, thil ṭha ti hen semsêngâi, amah rangah a thenhlimhtir khonâk ding hen, kan ruangrûl ah â pêk kha.

HEBRAI 1:3

Amah chu Pathian rokualnâk hen a chêu le, amah chu Pathian tak banghnâk neitu asi, a thiltikhonâk hen laikulh chu dirh asi. Minung tla sual a thenhlimhtir nûnah Chungnungchem Thiltikhonâk Pathian vawrhlei ah vân ah a to rawh.

HEBRAI 2:17

Chun, mi tla rangah thutluangvawrnâk siam ding hen Pathian lei thu tla lakah bâwlpu lalchem siherhnâk nei kho mi leh zumhkâi tak asi khonâk ding hen zeizawng ah a unau tla hâwi hen a hawng um mi chu a rangah a herh rerêng asi.

HEBRAI 9:28

Chu hâwi ber hen Krist khawm mi tam tak sual tla kalpi ding hen veikhat bâwlnâk ah â pêk rawh. Amah ngâktu tla chu ruangsuah na ding hen, sual bâwlnâk ding silo hen, a veinihnâk ah a hawng lang nawlh lai.

1 PETER 1:19

Dawrâ Fa simsâwinâk um lo leh nâwm kawplo mi Krist thisen sung hen tlanh nan si ti nan theih ruangah.

1 PETER 2:24

Sual leikângah thi rawh hen, repnâk leikângah kan nung khonâk ding hen Krist ngelchel nih kraws ah khan a taksa hen kan sual tla a phurh le, amah liamnâk tla hen damtir hen nan um rawh.

1 PETER 3:18

Churuangah, Krist ngelchel chu nan rangah a thi le, sual tla ruangah mi zawzawng rangah veikhat a thi le, Pathian sinah hawng kan ruai ding hen mi ṭhalo ruangrûl ah mi ṭha a thi. Taksa ah chun thah hen a um le, thlarau ah chun nunh hen a um.

1 JOHAN 2:2

anih chu kan sual tla thutluangvâwrnâk asi, kanmah tla sual cho silo hen, laikulh zawzawng sual thutluangvâwrnâk khawm asi.

1 JOHAN 3:5

Amah chu sual tla veih ding hen a hawng lang rawh ti nan theih, amah lakah chun sual zeikhawm a um lo.

1 JOHAN 4:10

Zângfahnâk ka ti mi hi, kanmah nih Pathian kan zângfah ka ti mi silo le, amah nih hawng kan zângfah le, kan sual tla ngaihdamnâk ding hen a Fapa a hawng fial ka ti dauh asi.

THUPHUANG 12:11

Kan unau tla nih chun Dawrâ Fa thisen zârah leh thih ngamh rê hen thudik an phuangnâk zârah anih chu an neh rawh;

THUPHUANG 13:8

Chun, tual ah an um mi zawzawng lakah laikulh um lân thawk hen thah rawh mi Dawrâ Fa nungnâk lasuibu ah an min â rîn lo mi vial nih chun amah an mâimûk lai.

THUPHUANG 14:1

Chun, ka zauh le, Dawrâ Fa Zion tlângah a dîr mi leh an chal ah a min leh a Pa min â rîn mi, mi nuai khat leh sîng li leh sâng li a sinah an dîr mi ka muh,

THUPHUANG 14:10

chu tla chu Pathian thinthawknâk uain, a thinthawknâk hâi ah khat dil a tleng mi dintu an si lai le, vânmifial thenhlimh tla leh Dawrâ Fa mitmuh ah mei leh kât hen rêp an si lai.

THUPHUANG 14:4

Chubang tla chu nunau lakah â nawmh lo mi tla an si; nungâk thenhlimh hâwi an si, Dawrâ Fa kalnâk kip ah zûltu tla an si, Pathian rangah leh Dawrâ Fa rangah rah masa chem siding hen minung tla lakah mi tlanh an si.

THUPHUANG 15:3

Chun, Pathian to-aw Mosi la leh Dawrâ Fa la chu an sak le, Lalpa Pathian zeizawng tikho, na thilti tla chu a rokual hen a chê le! Nang phun kip Lalchem, na lampi tla chu a dik hen â rep asi!

THUPHUANG 17:14

Chu tla nih chun Dawrâ Fa chu an do lai le, sikhawmsele, Dawrâ Fa chu hotu tla Hotu, lal tla Lal asi ruangah, amah kawh mi tla, thîm mi tla leh amah zûltu zumhkâi tla nih chun an neh na lai,” a ti.

THUPHUANG 19:7

lâwptlo tak hen kan um lai le, amah kan chawnglawmh lai, Dawrâ Fa nupi neih chu a zâ rawh le, a nupi khawm â tîm zet rawh,” a ti mi kha ka theih.

THUPHUANG 19:9

Chun, vânmifial nih ka sinah, “Dawrâ Fa nupi neihnâk puai ah an sâwm mi tla chu an thaw a suak, ti hen rîn rawh,” a hawng ka ti. Chun, vânmifial ber nih, ‘Hi bang thu hi Pathian thudik chu asi,’ a ti nawlh.

THUPHUANG 21:14

Chun, chu khua kulh nih chun lungphum leinih a nei le, chu lak chun Dawrâ Fa mifial leinih min a rîn.

THUPHUANG 21:27

Sikhawmsele, nâwmtâm tla leh thil dawh lo titu tla leh âwkrâwl simtu tla chu an lût lai lo; Dawrâ Fa nungnâk lasuibu ah an min â rîn mi cho an lût lai.

THUPHUANG 21:9

Chun, vânmifial pasarih tla lakah pakhat, berhbu pasarih khat phak hen rêpnâk pasarih puttu chu ka sinah a hawng le, “Hawng le, Mo, Dawrâ Fa nupi chu ka nan muhtir lai,” a ti.

THUPHUANG 5:6

Chun, laltophah leh thilnung pali tla lâiah leh upa tla lâi chem ah chun Dawrâ Fa thah rawh mi, ki pasarih leh mit pasarih nei, a dîr mi ka muh le, chubang mit pasarih leh ki pasarih tla chu Pathian thlarau pasarih tual tlûn zawzawngah fial mi tla an si.

THUPHUANG 5:8

Chun, lasuibu chu a lâk kâ hen thilnung pali tla leh upa kul leh pali tla chu ṭingṭang leh ngûn berhbu rimthâw hen a khat mi put chiau hen Dawrâ Fa mâika ah chun an bawkbukhup rawh; chubang rimthâw tla chu Pathian mi tla thlachamnâk asi.

THUPHUANG 6:1

Chun, Dawrâ Fa nih chun singsiahnâk pasarih lakah pakhat chu a samh liau ka muh le, chun thilnung pali lakah pakhat nih chun khuari mi hâu hâwi hen, “Hawng rawh,” a ti mi ka theih.

THUPHUANG 6:16

Chun, tlâng tla leh lungpi tla sinah chun, “Hawng kan denh rawh, Dawrâ Fa thinthawknâk thawk hen leh laltophah ah a to mi mitmuh lonâk ah hawng kan phenh rawh,

THUPHUANG 7:14

Chun, kei nih chun a sinah, “Pu, nangmah nih na theih dauh ko khateh,” ka ti. Chun, anih nih chun ka sinah, “Hi bang tla hi nehsawhnâk fâk tak thawk hen him tak hen an hawng suak mi tla an si, an puan tla chu Dawrâ Fa thisen ah suk hen an vârtir asi,

THUPHUANG 7:17

Laltophah lâiah a um mi Dawrâ Fa chu an vêngtu asi lai le, nungnâk tiva ah a kalpi na lai; chun, Pathian nih an mit ah mi mitthli zawzawng a nâwt piak na lai,” a ti.