JOHAN 1:18 - Bawm Common Language Bible Version

¹⁸ Âukhawm nih Pathian an muh dahlo, Fapa neihlem, Pa kiangah um mi tak nih khan, amah a theihtir rawh asi.

JOHAN 1:18 ပူးပေါင်းရင်းမြစ်များ

GENESIS 16:13

Hagar nih a thinlung hen, “Pathian tatak muh hen thusim ding ma asi le?” a ti. Churawhchun, a sinah thusimtu LALPA chu, “Muhtu Pathian asi,” a ti.

GENESIS 18:33

Abraham sinah thu a sim thluh nûnah LALPA chu a kal rawh le, Abraham khawm in leiah a kîr rawh.

EXODUS 23:21

A thu ngâi ule, zûl u. A lakah hel lah u, keimah fial mi asi, hel mang chu a ngaihdam awtlo.

EXODUS 24:10

Pathian chu an va muh rawh. A kezaphah tang chu saphir lung phah mi hâwi asi, vândâwm hâwi hen a pâwl iam.

THUFING LASUIBU 8:30

Mi thilsiam thiam hâwi hen a kiangah ka um le, nisiar hen a lâwmnâk kasi le, a mâika ah lâwm tak hen ka um kumza.

ISAI 40:11

A ranrual tla chu dawrâpu hâwi hen a zauhkhenh na lai le, dawrâ fa tla chu a pumh na lai le, a bân hen a put na lai; an pinu tla chu thiamthih tê hen a rui na lai.

LUNGFÂKNÂK 2:12

An nu tla sinah, ‘Ka sung a vâng, ka tî a hâl,’ ti hen an ṭap; Liamh mi hâwi hen zâwllâi ah an tlû. Dusah hen an nu pawm bû hen an thi.

NUMBER 12:8

Churuangah mâitawnh hen a sinah thu ka sim le, fiang tak leh lâilanh hen thu ka sim; ka minung khawm hawng ka muh, ka to-aw Mosi hi zeitin nan sâwi ngam zia?” a ti.

MATHAI 11:27

“Ka Pa nih thil zeizawng hawng ka kiltir rawh. Pa lo nih chun âukhawm nih Fapa hi an theih loh. Fapa leh an sinah Fapa nih a phuang duhnâk tla cho lo nih chun âukhawm nih Pa chu an theih loh.

LUK 10:22

“Ka Pa nih thil zeizawng hawng ka kiltir rawh; Pa cho lo nih chun Fapa chu âu mesi ti âukhawm nih an theih loh! Pa khawm chu âu me asi ti, Fapa leh an sinah Fapa nih a phuang duh mi tla cho lo nih chun âukhawm nih an theih loh,” a ti.

JOHAN 1:14

Thu chu minung ah a hawng a chang le, kan lakah a um rawh. A rokual zia kan muh. Zângfahnâk leh thudik hen a khat. Hi hi rokualnâk chu asi, Pa, Fapa neihlem hâwi a sinâk chu.

JOHAN 12:41

Isai nih a rokualnâk a muh le, a thâwngthâng a sim ruangah chubang thu chu a sim asi.

JOHAN 13:23

Chun, a ṭhiruai tla lakah pakhat, Jisu nih a dâwt mi chu, dawhkân sîrah Jisu sang hen a to.

JOHAN 14:9

Jisu nih a sinah, “Philip, hi tiang nan sinah ka um le, chu khawm ah na hawng ka theih lo mu? Âuzawng hawng ka muhtu chu Pa muh asi, ‘Pa chu hawng ka zauhtir rawh,’ zeitin zia hen ti me na si?

JOHAN 17:26

Chun, an sinah na min ka theihtir le, ka theihtir vima lai; nangnih kei na ka dâwtnâk kha anmah lakah a um, kei khawm anmah lakah ka um khonâk ding hen,” a ti.

JOHAN 17:6

“Nangnih laikulh lakah suak mi tla keimah na ka pêk mi sinah khan na min ka langhtir rawh; annih chu na tâ an si kha, nangnih annih chu na hawng ka pêk asi; annih nih chun na thu an zâwt rawh.

JOHAN 3:11

Thungâi tak hen ka nan simh, kannih nih kan theih mi chu kan sim tâwn, kan muh mi chu kan theihtir tâwn; sikhawmsele, kan theihtirnâk nan pawm lo.

JOHAN 6:46

Âukhawm nih Pa an muh lo, Pathian sinah hawng suak cho lo nih chun; anih nih chun Pa chu a muh.

2 KORIN 4:4

Krist Pathian banghpi hen a rokual zia Thâwngthâng Ṭha chêu nih chun anmah a cherh kho lonâk ding hen, chubang lakah chun hi laikulh pathian nih hin lunglo tla thinlung a châwtir rawh

DEUTERONOMY 4:12

LALPA nih mei thawk hen thu a hawng sim le, a thusim nan theih le, amah chu zei hâwi asi nan muh lo thlo mi tla kha simh na u.

KOLOSA 1:15

Anih chu muh kho lo Pathian banghpi thilsiam zawzawng ngâk a sâng hen suak masa chem chu asi;

1 TIMOTHE 1:17

Lalchem, zungzâl hen um mi, râwk kho lo, muh kho lo, Pathian tak cho chu zungzâl chawnglawmh leh rokual hen um seh! Amen.

1 TIMOTHE 6:16

Amah cho nih thih kholonâk a nei, chêu naih kho lo rê ah a um le, amah chu âukhawm nih an muh dahlo, muh khawm an muh kho ber lo, amah sinah zungzâl chawnglawmhnâk leh thiltikhonâk um seh. Amen.

JOSUA 5:13

Josua chu Jeriko khua kiangah a um liauah lâkkhatko ah minung nâmsâu put hen a mâika ah dîr mi a muh. Josua chu a sinah a va kal le, thu a deih, “Kan kawrsen lakah mi ma na si? Asi lo leh mêlma ma na si?” a ti.

1 JOHAN 4:12

Âukhawm nih Pathian an muh dahlo; kanna zângfah tawnh chun, Pathian kanmah lakah a um lai le, a zângfahnâk khawm kanmah lakah a rangtling lai.

1 JOHAN 4:20

Mi nih, “Pathian ka zângfah” ti hen, a unau hua sele, amah chu mi âwkrâwl asi, a unau a muh ko mi men a zângfah lo chun Pathian a muh dahlo mi chu zeitin a zângfah kho lai?

1 JOHAN 4:9

Hi hi Pathian nih zângfahnâk kan rangah a langhtir mi chu asi, a Fapa neihlem laikulh ah a hawng fial mi zârah nungnâk kan nei khonâk ding hen.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.