JOHAN 1:17 - Bawm Common Language Bible Version

¹⁷ Dân Mosi nih a pêk, zângfahnâk leh thudik Jisu Krist ruangah a hawng um.

JOHAN 1:17 ပူးပေါင်းရင်းမြစ်များ

GENESIS 22:18

Phun zawzawng tla nih an thlâk tla mal ka sâwm na mi hâwi hen malsâwmnâk an hawng ka deih lai. Ka thupêk zawzawng na zûl ruangah,” ti hen thu a tiamh.

GENESIS 3:15

Nang leh hi nunau hi kan huatir na lai; na thlâk leh a thlâk anna mêlma kumza lai. A thlâk nih na lû thî a suah lai le, nangnih a thlâk tla kê na chuk lai.

SAM 85:10

Dâwtnâk leh zumhkâinâk anna tawng lai; repnâk leh thlangamnâk anna tlâi.

SAM 98:3

A diknâk leh a dâwtnâk dawnglo hen Israel mi zapi le tla sinah a thutiam chu a kil thlir. Kan Pathian nehnâk chu munkip mi zawng nih an muh.

MIKAH 7:20

A lânah hawng kan thlâktu sinah thu na tiamh mi hâwi hen zumh na kâinâk leh na dâwtnâk dawnglo Abraham leh Jakob thlâk na mi tla sinah na langh lai.

JOHAN 1:14

Thu chu minung ah a hawng a chang le, kan lakah a um rawh. A rokual zia kan muh. Zângfahnâk leh thudik hen a khat. Hi hi rokualnâk chu asi, Pa, Fapa neihlem hâwi a sinâk chu.

JOHAN 14:6

Jisu nih a sinah, “Keimah hi lampi leh thutak leh nungnâk kasi; keimah lakah kal lo mi chu âukhawm Pa sinah an tlung lai loh.

JOHAN 18:37

Chun, Pilat nih a sinah, “Lalchem na si na maw?” a ti. Jisu nih, “Si ta a, Lalchem kasi. Thutak theihtir hi ka suak san leh laikulh ah ka hawng san asi. Âuzawng thutak lakah mi vial nih ka thu a zâwt tâwn,” a ti.

JOHAN 5:45

Kei nih Pa sinah kan phiar na ding hen ruat lah u: an phiar natu chu pakhat a um, nan rinhsan Mosi hi.

JOHAN 7:19

Mosi nih Dân chu an pêk na lo mazei? Sikhawmsele, nan lakah âukhawm nih Dân chu nan zâwt fâwn lo. Nannih nih zei rangah thah nan hawng ka tum?” a ti.

JOHAN 8:32

chun thutak nan theih lai le, thutak nih chun sal an suah na lai,” a ti.

JOHAN 9:29

Pathian nih Mosi a sawnh ti kan theih, hi minung lam hi chu zei thawk hen hawng suak me asi ti kan theih loh,” an ti.

THILTI 28:23

Chun, ni an tiamh le, chu ni chun a tlungnâk in ah mi tam tak an hawng kal le, zîngtê thawk hen zânlei tiang an sinah chu thu chu a simhfiang le, Pathian Ram thu a theihtir na le, Mosi Dân lasuibu thu leh khuavâng tla lasuibu thu hen Jisu leiah anmah tla a lêm tlawtlawt na.

THILTI 7:38

Chu minung chu ramkaro ah mi zapi lakah Sinai Tlângah a sawnhtu vânmifial sinah leh kan thlâktu tla sinah a um mi kha asi; chu minung chu hawng kan pêk singsuan ding hen thu nung tla lâktu kha asi.

ROM 6:14

Sualnâk nih nan tlûnah thu a nei awtlo rawh, Dân lâirêl hen um nan si lo le, zângfahnâk lâirêl hen um nan si dauh.

2 KORIN 1:20

Pathian thutiam tla chu zeizat tal si khawmsele amah lakah chun, “Asi” ti chu a um le; chun amah ruang khawm ah, “Amen” ti chu a um asi, kanmah tla ruangah Pathian rokualnâk ding hen.

GALATIA 3:17

Chun, hi hâwi hen ka ti asi: Thutiam Pathian birhtir rawh mi chu Dân kum zali leh kum sâwmthum nûnah um rawh mi nih khan thutiam chu zeikhawm lo hen a veih loh.

DEUTERONOMY 33:4

Mosi nih dân hawng kan pêk mi tla chu kan zûl, kan phun tla rangah kan roting chem asi.

DEUTERONOMY 4:44

Mosi nih Israel tla chu Pathian dân leh sîntirnâk a pêk na.

DEUTERONOMY 5:1

Mosi nih Israel mi tla a pumh na le, an sinah, “Israel mi tla, tusûn ni ah dân kan pêk na mi zawzawng tla hi ngâi u. A sîn ule, nan zûl ding mi chu theihthiam u.

HEBRAI 9:22

Chun, Dân thu hâwi hen zeizawng thisen hen thenhlimhtir an si; thisen suah lo hen sual ngaihdamnâk rerêng a um loh.