JOEL 3:8 - Bawm Common Language Bible Version

⁸ Nan fapa leh nan fanu tla chu Juda mi tla sinah zuar hen ka umtir na awt; ram lât takah Sabe mi tla sinah an zuar na lai. Kei, LALPA nih ka sim mi asi.

JOEL 3:8 ပူးပေါင်းရင်းမြစ်များ

JOB LASUIBU 1:15

lâkkhatko ah Sabe mi tla an hawng le, an fîr hep. Na to-aw zawzawng keimah cho lo chu an thah hep na. Nangmah sinah kei cho hi thusim ding hen ka âwl asi,” a ti.

SAM 72:10

Spain ram lal tla leh tikulh ah um mi tla nih thilthawt an pêk lai le, Arabia leh Ethiophia ram mi lal tla nih thil ap ding an hawng put lai.

ISAI 60:14

Nangmah a nan nehsawhtu fapa tla an hawng lai le, An zah ti theihnâk ding hen na mâika ah an kûn lai. A nan zauhnawmhtu tla nih na kezaphah bul ah an mâimûk lai. ‘LALPA khuapi’ ‘Zion, Israel Pathian Thenhlimh khuapi’ a nan ti lai.

JEREMIA 30:16

Sikhawmsele, tuah a nan veih natu tla chu veih hen an um lai le, nan mêlma tla zawzawng chu sal ah put hen an um lai. A nan nehsawh natu zawzawng chu nehsawh hen an um lai le, a nan rûn natu chu rûn hen an um lai.

JEREMIA 6:20

Seba ram thawk hen rimthâw mawh ram lât takah mi thing rimthâw ka sinah an hawng put mi hi ka sunhsaknâk zei a um? An thil ap tla chu ka pawm awtlo, anna bâwlnâk ah khawm ka lâwm awtlo.

EZEKIEL 23:42

Zapi minung nuamsabut chenhtu tla, ramkaro thawk hen an hawngpi na mi hâu chu theih kho asi. Nunau tla chu an bân ah zaksiar an bunh na le, an lû ah lallukhuh dawh tak an khuh na.

EZEKIEL 38:13

Seba leh Dedan mi tla leh Spain ram ah khuapi ah mi sawlehtu tla nih, ‘Do hen râwk leh rûn ding hen na kawrsen tla na pumh na rawh ma? Ngûn, tangka, ranrual leh thil tla lâk hen thil-le-rî tla zawzawng kalpi na tum ma? ti hen an deih lai,’ ” a ti.

DEUTERONOMY 32:30

Zei ruangah minung pakhat nih minung sâng khat a neh na hen, Minung panih nih sâng râ an neh na zia? LALPA an Pathian nih a kaltâk na le; an Pathian chak nih anmah rangah a pêk na ruangah asi.

LÂIRÊL 2:14

Churawhchun, LALPA chu Israel tlûnah a thinthawk le, rûntu tla chu a dotir na hen a râwktir na. An kiangkam ah mi an mêlma zawzawng chu anmah ngâk hen thiltikho hen a siam na le, Israel tla chu anmah anna hum kho lo rawh.

LÂIRÊL 4:2

Kanaan lalchem Hazor khuapi ah lâirêltu Jabin chu anmah nehtu ah a siam. A kawrsen hotu chem chu Sisera Jentel tla khua Haroseth ah um mi asi.

LÂIRÊL 4:9

Deborah nih, “Asi ma chu, na sinah ka hawng bâk lai, sikhawmsele nehnâk ruangah thang ṭhat lam chu na lawh lai loh. LALPA nih Sisera chu nunau sinah a pêk awt ruangah,” a ti. Churawhchun, Deborah chu Barak sinah Kades leiah â thawh rawh.