JOEL 3:7 - Bawm Common Language Bible Version

⁷ Tu chun na zuar na mi mun thawk hen ka lâk na awt rawh. An lakah na ti mi hâwitê hen nan lakah ka nan ti na awt.

JOEL 3:7 ပူးပေါင်းရင်းမြစ်များ

ESTHER 7:10

Churawhchun, Haman chu Mordekai thlâinâk a timhtuah mi lakah amah chu an thlâi rawh. Churawhchun, lal thinthawknâk chu a reh rawh.

ISAI 11:12

LALPA nih phun tla theihtirnâk ding puanzâr, Juda leh Israel anna rekrâwi mi tla, tual kil li thawk hen a pumh nawlh na awt ti theihnâk a thlâi awt.

ISAI 49:12

Ka mi tla chu ram lât tak thawk hen an hawng lai le, marlei leh thlanglei thawk hen simlei mi Asuan khuapi thawk hen an hawng lai,” a ti.

ISAI 66:6

Khuapi ah rihâu fâk tak, Biakin ah mi rihâu, LALPA nih a mêlma tla a rêp na mi hâu chu ngâinik u!

JEREMIA 23:8

Chu ngâk chun, Pathian nung, Israel mi tla marlei ram ah mi leh ram dang dangah rekrâwi hen um mi tla suakpitu keimah min hen thu anna tiam lehlam lai rawh. Churawhchun, anmah ram ah an um lai rawh,” a ti.

JEREMIA 30:10

“Ka mi tla, ṭih lah u; Israel mi tla, lâu lah u. Ram lât tak sal ah nan tângnâk ram ah mi chu ruang ka nan suah na awt. In leiah hawng kîr hen thlangam tak hen nan um lai le; him tak hen kan umtir na lai le; âukhawm nih an lâutir na lai lo rawh.

JEREMIA 30:16

Sikhawmsele, tuah a nan veih natu tla chu veih hen an um lai le, nan mêlma tla zawzawng chu sal ah put hen an um lai. A nan nehsawh natu zawzawng chu nehsawh hen an um lai le, a nan rûn natu chu rûn hen an um lai.

JEREMIA 31:8

Marlei thawk hen ka hawngpi na lai le, tual dawnghnâk ah mi chu ka pumh na lai. Mitchâw leh kekhêng tla, nunau a râi mi leh fa a ring awt mi tla anmah tla sinah an hawng bâk lai. Phun rokual tak an hawng si lai.

JEREMIA 32:37

Ka thinthawknâk leh ka thinrunhnâk hen ka rekrâwitir na mi ram zawzawng thawk hen mi tla chu ka pumh na lai le, hi mun ah hin ka kîrpi nawlh na lai le, him tak hen ka umtir na lai.

EZEKIEL 36:24

Phunkip leh ram kip ah mi chu nan ram ah ka nan kîrtir nawlh na lai.

EZEKIEL 38:8

Kum tam tak nûnah phun tam tak lakah mi munkhat hen kîrtir mi ṭihnâk nei lo tla umnâk ram rûn ding hen thu ka pêk awt. Israel tlâng sâng tla sâwt tak a karo hen siah mi leh râwk mi, tuah mi zawzawng him tak hen an umnâk chu a rûn lai.

JOEL 3:4

Tura, Sidon leh Philistia ram kiangkam mi zawzawng tla, ka lakah zei me ti ding na tum? Thil zeimawh ruangah lehrûl sam ding ma na ka awt? Chu hâwi mi na si chun ka nan rulh sawm lai!

ZEKARIA 9:13

Juda chu chanhtiang kûk ah ka siam lai le, Israel chu a thalzum ah ka siam lai. Greek mi tla do ding hen Zion mi tla chu nâmsâu hâwi hen ka mang na lai.

MATHAI 7:2

Nan simsâwi na hâwi ber hen an simsâwi na lai; nan tahnâk tê hen an tah piak nawlh na lai.

2 THESALONIKA 1:6

Lalpa Jisu, Pathian theihlo mi leh kan Lalpa Jisu Thâwngthâng Ṭha lunglo mi tlûnah lehrûl sam hen a vânmifial chak tak tla hen, meialh lakah vân thawk hen â langh tikah a nan hamhtir natu tla chu hamh hen lehrûl sam leh nannih hamhtuartu tla hi kanmah tla hen dinhnâk ah rulh bâk ding chu Pathian rangah thil rep tak asi.

JEM 2:13

Khua a ruat lo mi minung chu Pathian nih lâi a rêl tikah a tlûnah khua a ruat bâk awtlo, sikhawmsele, khuaruatnâk nih chun lâirêlnâk a neh.

THUPHUANG 13:10

Âuzawng tleih tumtu chu tleih hen an um lai le, nâmsâu hen thah tumtu chu nâmsâu hen thah hen a um bâk lai. Chu chu mi thenhlimh tla felfênâk leh zumhkâinâk chu asi.

THUPHUANG 16:6

annih nih chun mi thenhlimh leh khuavâng tla thisen an suah le, an din ding ah thisen na pêk na mi hi anna dêng cho asi,” a ti mi ka theih.

THUPHUANG 19:2

a lâirêlnâk tla chu a dik hen â rep asi, anih nih chun nunau â zuar mi rokual tak, a hurnâk ruangah tual râwktu chu a thu a chek piak rawh, a to-aw tla a thah na mi phû chu a lam piak rawh,” a ti mi ka theih.

LÂIRÊL 1:7

Adonibezek nih, “Lalchem sâwmsarih kutpî leh kepî tan piak hen um mi tla nih ka dawhkân tangah eiphung neknâwi a tlâ mi an sar. Kei khawm an tlûnah ka ti na mi hâwitê hen ka lakah Pathian nih a ti bâk rawh mahi,” a ti. Jerusalem leiah an kalpi le, chunah chun a thi rawh.

1 SAMUEL 15:33

Na nâmsâu nih nu tam tak fa lo hen a siam na mi hâwi hen tuah na nu khawm fa nei lo hen a um lai,” a ti le, Agag chu Gilgal ah mi mâichâm kiangah a tuk dip.