JOEL 3:4 - Bawm Common Language Bible Version

⁴ Tura, Sidon leh Philistia ram kiangkam mi zawzawng tla, ka lakah zei me ti ding na tum? Thil zeimawh ruangah lehrûl sam ding ma na ka awt? Chu hâwi mi na si chun ka nan rulh sawm lai!

JOEL 3:4 ပူးပေါင်းရင်းမြစ်များ

2 CHRONICLES 21:16

Sudan umnâk kiangkam ah Philistia mi leh Arab zeimaw mi tla an um. Jehoram do ding hen LALPA nih an thinlung a thawktir.

ISAI 14:29

Philistia mi tla, an vuak na mi nan vuakfung chu a kiak rawh le, sikhawmsele, lâwm ding asi khawm nan theih loh. Rûl pakhat a thi le, a ruangrûl ah rûl ṭhalo dauh a hawng suak. Rûl tî chu dragon zuang kho mi ah a keuh.

ISAI 34:8

Hi hi LALPA nih Zion ruang a suahnâk leh a mêlma tla phû a lam ding mi tik chu asi.

ISAI 59:18

Ram lât takah um mi tla sin tiang khawm ah a mêlma tla chu an thilti zia hâwi vima hen a rêp na lai.

JEREMIA 47:1

Aigupta lal nih Gaza a do lânah, LALPA nih ka sinah Philistia mi tla thu a sim.

JEREMIA 47:4

Philistia mi tla veih na ding hen, Tura leh Sidon hen anna tlâinâk leh ṭangpi tâwnh hen an umnâk chu sahnâk tik a tlung rawh. Philistia mi tla, Kret va nâ lei hen hawng mi tla chu, Kei, LALPA nih ka veih na awt.

JEREMIA 51:6

Babulon mi tla lakah mi chu tek u! Nan nungnâk hum ding hen tek u! Babulon mi tla sual ruangah a thahtir lah u. Tuah lehrûl ka sam lai le, amah hen dêng cho hen ka rêp awt.

JOEL 2:10

An kal rawh chun tual â nîn le, vân a thir. Nî leh thlâ a mûi le, ârfi tla khawm an chêu lo rawh.

JOEL 2:2

Thimnâk leh mûinâk ni asi lai le, dum kul hen sûm zîng ni asi lai. Khâubawk kawrsen tla nih, mûinâk nih tlâng sâng tla a khuh hâwi hen an khuh lai. Chu hâwi hen thil a dum dahlo, um khawm a um nawlh dah lai lo rawh.

MATHAI 11:21

“Korazin, na tlûn a pit, Betsaida, na tlûn a pit, nan lakah thilchê ti mi tla kha Tura leh Sidon ah ti si sele, salâpuan aih hen valeidip nâwngah to hen an rim ving lai rawh.

MATHAI 11:22

Sikhawmsele, ka nan ti na, lâirêl ni ah chun nannih tuar ngâk hen Tura leh Sidon tuar ding chu a ziachâng a um dauh lai.

LUK 10:13

“Korazin, na tlûn a pit! Betsaida, na tlûn a pit! Nan lakah thilchê tak ti hen a um mi tla kha Tura leh Sidon khua ah ti mi si sele, salâpuan aih hen vachâm lakah to hen an rim ving lai rawh.

LUK 10:14

Sikhawmsele, lâirêlnâk ah chun nannih tuar ding ngâk chun Tura leh Sidon khua tuar ding chu a ziachâng um dauh lai.

LUK 18:7

An lakah a dawnh rih khawmsele a mi thîm, a sûn a zân hen amah auhtu tla phû chu Pathian nih a lam piak lai lo ma?

THILTI 9:4

chun tual ah a tlû le, a sinah, “Sawl, Sawl, nangnih zei rangah na hawng ka nehsawh?” ti hen, hâu a theih.

DEUTERONOMY 32:35

LALPA nih lehrûl sam hen a rêp na lai le; an tlûk ding tik a tlung teh lai. An vânduainâk ni chu a nâi rawh.

2 THESALONIKA 1:6

Lalpa Jisu, Pathian theihlo mi leh kan Lalpa Jisu Thâwngthâng Ṭha lunglo mi tlûnah lehrûl sam hen a vânmifial chak tak tla hen, meialh lakah vân thawk hen â langh tikah a nan hamhtir natu tla chu hamh hen lehrûl sam leh nannih hamhtuartu tla hi kanmah tla hen dinhnâk ah rulh bâk ding chu Pathian rangah thil rep tak asi.

LÂIRÊL 11:12

Jepthah nih chun Amon lalchem sinah, “Zei me na kan huatnâk a um? Zei rangah kan ram na hawng rûn?” ti sim ding hen mi a fial.