JOEL 3:2 - Bawm Common Language Bible Version

² Phun tla zawzawng ka pumh lai. Lâirêlnâk (Jehoshaphat) Vakuam ah ka put na lai. Chun ka mi le tlûnah thil an ti mi ruangah lâi ka rêl lai. Ramdang ah Israel tla chu an rek phin na le, Israel umnâk ka ram chu an semsâi ver.

JOEL 3:2 ပူးပေါင်းရင်းမြစ်များ

2 CHRONICLES 20:26

A ni linâk ah chun Berakah Tivakuam ah anna pûm le, thil a ti piak na mi zawzawng ruangah LALPA chu an sawr. Churuangah asi chu vakuam chu “Berakah” an tinâk chu.

ISAI 66:16

Mei leh nâmsâu hen laikulh ah sual hen a muh na mi zawzawng chu a rêp na lai le, mi tam tak thah hen an um lai.

ISAI 66:18

An thinlung dawn leh an thilti chu ka theih. Phun zawzawng tla lakah mi pumh ding hen ka hawng. An hawng a pûm tikah ka thiltikhonâk nih a ti kho zia an muh lai le,

JEREMIA 12:14

LALPA nih, “Israel zâwlbâwm tla, ka mi Israel rangah ka pêk na mi ram râwktu thu sim ding zeimawh ka nei. Chubang misual tla chu thil phun mi a ram phâwi zek mi hâwi hen an ram lakah mi ka lâk ving na lai le, anmah lakah mi Juda tla chu ka hum na awt.

JEREMIA 25:31

tual dawngh tiang hen a rî hâu a thangkhâwk lai. LALPA nih phun tla lakah thunawk a nei. Mi zawzawng chu a nik na lai le, misual tla chu a thah na lai. LALPA nih a sim asi,’ ” a ti.

JEREMIA 49:1

Hi hi Amon thu LALPA nih a sim mi chu asi: “Israel mi tla zeiah an um? An ram vêngtu ding pakhat khawm an um lo na maw? Zei rangah Milkom sawnhtu tla chu Gad phun ram an lâktir na hen chunah an umnâk ah an umtir na êu?

JEREMIA 50:17

LALPA nih, “Israel mi tla chu chakeibaknei nih dawrâ tla a ṭhâwl na le a rekrâwitir na mi hâwi an si. A masa chem hen Asiria lal nih a do na le, chu nûnah Babulon lalchem Nebukadnezar nih an ruh a khelh.

EZEKIEL 25:8

LALPA Zahkâi nih, “Moab nih Juda chu phun dang tla hâwi ber asi a ti ruangah,

EZEKIEL 34:6

Churuangah ka dawrâ tla chu tlâng sâng leh mual tla ah an vâi rawh. Laikulh zawzawngah anna rekrâwi le, âukhawm nih an zauhkhenh hen hâwl ding an tum lo.

EZEKIEL 35:10

“Juda leh Israel phun nih tla chu an ram hen na tâ ah ting ding hen na ruat le, sikhawmsele kei, LALPA chu an Pathian kasi.

EZEKIEL 36:1

LALPA nih, “Thikho mi minung, Israel tlâng sâng tla sinah thu sim le,

EZEKIEL 36:5

“Kei, LALPA Zahkâi nih, ka thinthawknâk hen a kiangkam mi phun tla leh a bîk hen Edom kalh hen thu ka sim asi. Lâwm leh siarlo tak hen ka ram tla an lâk le, ram ningno tla anna ting.

EZEKIEL 38:22

Râi leh thisen suahnâk hen ka rêp lai. Ruah tukpi leh rial, mei leh kât hen amah leh a kawrsen tla leh amah lei ṭângṭawmtu phun tam tak tlûnah ka sûrtir lai.

EZEKIEL 39:11

LALPA nih, “Hi bang zawzawng tla a hawng tlung tikah Gog chu Israel ram ah vûinâk mun, ‘Khualtlâwng tla Tivakuam’ Tipi Thi saklei ah ka pêk lai. Churawhchun, Gog leh a kawrsen zawzawng an vûi na lai le, chu vakuam chu “Hamon-gog’’ (Gog kawrsen tla Vakuam) ti asi lai.

JOEL 3:12

Phun tla chu timhtuah zet hen an um lai. Lâirêlnâk (Jehoshaphat) Vakuam ah an hawng ding asi. Chunah chun Kei, LALPA nih, a kiangkam ah mi phun tla lâirêl ding hen ka to lai.

JOEL 3:14

A sang sang hen Lâirêlnâk (Jehoshaphat) Vakuam ah an um. Chunah chun LALPA ni a hawng tlung tuannâk ding mi asi rawh.

AMOS 1:11

LALPA nih, “Edom mi tla chu an sual nûnah an sual nawlh ruangah ka rêp nget na awt. An unau Israel tla an thah na le, an lakah khuaruatnâk an nei lo. An thinthawknâk chu a dawng hen a bâng kho lo.

MIKAH 4:12

Sikhawmsele chu phun tla nih LALPA thinlung an theih lo, fâng zâp ding an hawng put mi hâwi hen rêp ding ah pumh hen an um mi an theih lo.

ZEPHANIAH 3:8

LALPA nih, “Ngâk râm rih le, phun tla ka phiar na ding ni chu ngâk ko rih. Ka thinthawknâk theihtir na ding hen phun tla leh lalram tla pumh na ding ka tum. Ka thinrunhnâk mei hen tual pumpi ka veih awt.

THUPHUANG 11:18

Lunglotu tla chu an thinthawk le, nang thinthawknâk khawm a hawng tlung bâk rawh. Mithi tla lâirêl piak tik leh na to-aw khuavâng tla sinah leh, mi thenhlimh tla sinah, na min zahtu mi lian leh mi mê tla sinah lâwmman na pêk ding tik leh tual râwktu tla chu râwk bâk na ding tik chu a hawng tlung rawh,” an ti.

THUPHUANG 16:14

Chun, chu tla chu khuri thlarau thilche titu tla an si. Hi thlarau pathum tla hi Zeizawng tikho Pathian ni rokual ah râltuknâk ah kalpi na ding leh laikulh lal zawzawng tla pumh na ding hen an suak rawh.

THUPHUANG 16:16

Chun, thlarau nih chun mun pakhat Hebrai hawlh hen Armagedon an ti mi ah chun lal tla chu a kalpi na rawh.

THUPHUANG 16:6

annih nih chun mi thenhlimh leh khuavâng tla thisen an suah le, an din ding ah thisen na pêk na mi hi anna dêng cho asi,” a ti mi ka theih.

THUPHUANG 20:8

tual ah phun tla, Gog leh Magog chu perpet ding leh râltuk ding ah pumh na ding hen a suak lai, chubang tla tam zia chu tisumsumriat kapah sep hâwi an si.