JOEL 3:17 - Bawm Common Language Bible Version

¹⁷ Churawhchun, Israel, na Pathian kasi zia na hawng ka theih lai rawh. Ka tlâng thenhlimh ah ka um lai le, Jerusalem chu khuapi thenhlimh asi lai. Ramdang mi tla nih an neh na lai lo rawh.

JOEL 3:17 ပူးပေါင်းရင်းမြစ်များ

JOB LASUIBU 15:19

An ram ah chun, ramdang minung, Pathian lakah mi pialpitu âukhawm an um lo.

SAM 76:2

Jerusalem ah in a nei le, Zion Tlângah a um.

SAM 9:11

Zion ah lâirêltu LALPA chu sawr hen la sak u! A thilti tla chu phun kip sinah sim u!

EXODUS 16:12

“Israel mi tla chipchiarnâk chu ka theih. Mûi rawp ah meh an ei lai le, zînglei ah sang an duh rî hen an tawng lai,” a ti.

ISAI 11:9

Pathian tlâng thenhlimh, Zion tlûnah chun nganfâk pêk leh thilsual zeikhawm a um lai lo. Tipi tla chu tî hen a khat mi hâwi hen, ram chu LALPA theihnâk hen a khat lai.

ISAI 12:6

Zion ah um mi zawzawng chu âu hen la sak na seh! Israel Pathian thenhlimh chu a rokual le, a mi tla sinah a um,” ti hen.

ISAI 35:8

Chunah chun lamlian, “Thenhlimhnâk lampi” an ti mi a um lai. Chu lampi ah chun misual âukhawm an kal lai lo; lampi ah kal mi chu mi â tla khawm an vâi lai lo.

ISAI 4:3

Jerusalem ah a thibang an um mi tla LALPA nih a thîm na mi chu, thenhlimh an ti na lai.

ISAI 46:13

Nehnâk ni ka tlungtir ding mi chu a nâi rawh, a lât rîlmâl lo. Ka neh ding mi chu a sâwt lai lo rawh. Jerusalem chu ka hum lai le, Israel lakah zahnâk ka tlungtir lai,” a ti.

ISAI 52:1

Jerusalem, chak tak leh rokual tak hen um nawlh rawh! Pathian khuapi thenhlimh, rokualnâk hen a thuam rawh! Lunglo tla chu na khua kulh sungah an lût lai lo rawh.

ISAI 56:7

“Ka tlâng thenhlimh Zion ah ka nan kalpi na lai le, ka in ah thlachamnâk ah lâwmnâk ka nan pêk lai le, ka mâichâm ah bâwlnâk nan hawng ap mi chu ka pawm lai. Ka Biakin chu phun zawzawng thlachamnâk in ti asi lai,” a ti.

JEREMIA 31:23

LALPA, Zeizawng tikho, Israel Pathian nih, “Mi zapi tla an ram ah ka umtir nawlh na tikah chun, Juda ram ah leh a khuapi tla ah veikhat chu, ‘LALPA nih a umnâk mun thenhlimh Jerusalem Tlâng thenhlimh chu malsâwm seh,’ an ti nawlh lai.

JEREMIA 31:40

Mithi ruak vûinâk leh nâwmtâm lawnhnâk tivakuam ram zawzawng leh Kidron tiva tlûnlei mi phâisen zawzawng saklei kângah rang kawtkâ tiang hen, ka rangah mun thenhlimh asi lai. Khuapi chu siat leh râwk hen a um lai lo rawh,” a ti.

EZEKIEL 20:40

Chu ram ah mi ka tlâng thenhlimh ah, Israel tlâng sâng ah, nannih Israel mi zawzawng nih nan hawng ka sawnh lai rawh. Nan lakah ka lâwm lai le, bâwlnâk tla, nan thil ap ṭha chem tla, nan thilpêk thenhlimh tla, nan ka pêk ding mi lakah lungumnâk ka nei lai rawh.

EZEKIEL 37:6

Mehtît leh thari ka nan pêk na lai le, vun hen ka nan khuh na lai. Nan sungah thaw ka khumh lai le, ka nan nungtir nawlh na lai. Churawhchun, kei, LALPA kasi ti nan theih lai,” a ti.

EZEKIEL 43:12

Hi hi Biakin dân tla chu asi: Tlâng sâng tlûn kiangkam zawzawng chu mun thenhlimh hep asi,” a ti.

EZEKIEL 44:9

“Ramdang minung fêmtanlo, hawng ka lunglotu tla, Israel lakah ramdang minung um mi tla pakhat khawm ka Biakin ah an lût ding asi lo, ti kei LALPA nih ka phuang asi,” a ti.

EZEKIEL 48:35

Chu khuapi kulh a ektê a sâu lei sîr li fawnh hen feet 30,240 asi. Chu khuapi min chu tu thawk hen “LALPA Hinah A um!” ti asi kumza ding asi.

DANIAL 11:45

A lal puanin tla khawm Biakin tlâng leh tipi karah a zâr lai. Sikhawmsele chunah âukhawm ṭangpitu umlo hen a thi lai,” a ti.

DANIAL 9:16

A lânah chun nangmah vêng mi kan si, churuang chun Jerusalem tlûnah na thinthawk lah rawh. Na khuapi leh na tlâng thenhlimh asi. Kan thlâktu tla nih thilsual an ti ruangah kan kiangkam ram minung zawzawng tla nih Jerusalem leh na mi tla an zauhnawmh.

JOEL 2:27

Churawhchun, Israel, Kei, nan sinah ka um mi leh LALPA nan Pathian kasi zia, keimah lo chu midang âukhawm an um lo ti nan theih lai rawh. Ka mi tla chu zauhnawmh hen an um lai lo rawh.

MIKAH 4:7

Mikhêng in thawk hen lât takah um mi an si le, chubang a thibang tla hen a thartê hen dawmh nawlhnâk ka siam lai le, phun rokual tak ah an um lai. Chu thawk hen chun kumleza hen Zion tlângah an tlûnah lâi ka rêl lai,” a ti.

NAHUM 1:15

Zauhnik, tlâng tlûnah mifial thâwngthâng ṭha tak sim ding hen a hawng! Nehnâk thu sim hen lampi ah a hawng liau asi, Juda mi tla, nan kût ni siam ule, Pathian sinah nan thutiam bir tak hen siam u. Misual nih nan ram an rûn lai lo rawh, neh an si hep rawh!

ZEKARIA 8:3

Ka khuapi thenhlimh Jerusalem ah ka kîr nawlh lai le, chunah chun ka um lai. Khuapi zumhkâi tak ti hen theih asi lai. LALPA Zeizawng tikho tlâng chu tlâng thenhlimh ti asi lai.

THUPHUANG 21:27

Sikhawmsele, nâwmtâm tla leh thil dawh lo titu tla leh âwkrâwl simtu tla chu an lût lai lo; Dawrâ Fa nungnâk lasuibu ah an min â rîn mi cho an lût lai.