JOEL 3:16 - Bawm Common Language Bible Version

¹⁶ LALPA nih Zion thawk hen hâu a suah le, Jerusalem thawk hen khuarît hâwi hen hâu a suah le, tual leh vân a thir. Sikhawmsele a mi tla lam chu a vêng na lai.

JOEL 3:16 ပူးပေါင်းရင်းမြစ်များ

SAM 18:2

LALPA chu hawng ka vêngtu leh ka kulhpi bir na si. Ka Pathian chu ka himnâk asi le, amah lakah ka him. Phaw hâwi hen a ka hum le, a ka vêng le, him tak hen hawng ka kil.

SAM 29:11

LALPA nih a mi tla chu chaknâk a pêk le, thlangamnâk hen mal a sâwm na.

SAM 61:3

Ka mêlma lakah mi hawng ka vêngtu chak tak leh hawng ka humtu na si ruangah himnâk ah hawng ka siah.

THUFING LASUIBU 18:10

LALPA chu kulh bir hâwi asi le, a sinah mirep tla chu an kal hen an him kho.

ISAI 33:16

Churawhchun, na him lai le, kulh bir tak sungah um mi hâwi na si lai. Buh ei ding leh tî din ding khawm na tawng lai.

ISAI 33:21

LALPA nih a rokualnâk hawng kan zauhtir lai. Tivapi tla leh tivatê kapah kan um lai le, sikhawmsele mêlma meilawng nih an zawh lai lo.

ISAI 42:13

LALPA chu râltuk thiam mi hâwi hen tuk ding hen a kal le; râltuk ding hen thinlung thawk tak hen â timhtuah. Râltuk ding phuang hen a âu; a mêlma tla lakah a thiltikhonâk a langh.

ISAI 51:16

Vân tla ka pharh le, tual lungphûm tla ka phûm; Jerusalem sinah, ‘Nang chu ka mi tla na si! Ka sîntirnâk ka nan pêk hen ka kut hen ka nan hum,’ ” a ti.

JEREMIA 16:19

LALPA, nang chu hawng ka humtu leh chaknâk hawng ka pêktu na si; lawksawng liauah na hawng ka ṭangpi. Tual dawnghnâk thawk hen phun tla chu na sinah an hawng kal lai le, “Hawng kan thlâktu tla nih chun pathian diklo tla leh zeikhawm mang tlâklo mi milem cho lo chu zeikhawm an nei lo.

JEREMIA 17:17

Ka rangah ṭihnungkâi hen um lah le; nang chu lawksawngnâk tlung liauah ka himnâk mun na si.

EZEKIEL 38:19

Chu ni ah chun ka thinthawknâk fâk tak hen Israel ram ah lînîn fâk tak a um lai ti ka phuang asi.

HOSEA 11:10

“An mêlma tla lakah chakeibaknei hâwi hen ka hûk tikah chun ka mi tla nih an hawng ka zûl lai rawh. Thlanglei thawk hen khulrang hen ka sinah an hawng lai.

AMOS 1:2

Amos nih, “LALPA nih Zion thawk hen a hâu a suah le, Jerusalem thawk hen a hâu chu khua rît hâwi a suah. Ram ningno chu a châr le, Karmel Tlângah belh tla chu a râu ver,” a ti.

AMOS 3:8

Chakeibaknei a hûk liauah âu ṭih lotu a um? LALPA Zahkâi nih thu a sim mi chu âunih a thuchah khap khotu um?

NAHUM 1:7

LALPA chu a ṭha asi, lawksawng liauah a mi tla chu a hum na le, amah lei hawng a hawitu tla chu a kilkâwi na.

HAGAI LASUIBU 2:6

“Sâwtlotê ah tual leh vân, ram leh tipi ka ninh lai.

HAGAI LASUIBU 2:7

Phun tla chu ka lawnh phin na lai le, an neih tla chu hinah hawng put hen a um lai le, Biakin chu thil-le-rî hen a khat lai.

ZEKARIA 10:12

Ka mi tla chu chak tak hen ka siam lai le; keimah an ka sawnh hen ka thu an ngâi lai rawh,” a ti. LALPA nih a sim mi asi.

ZEKARIA 10:6

“Juda mi tla chu chak tak hen ka siam lai le, Israel mi tla chu ruang ka suah na lai. Anmah ka lungkham na lai le, in leiah ka kîrpi ver nawlh na lai. Ka nawng dah na lo mi hâwi hen an um lai. Kei LALPA an Pathian kasi lai le, an thlachamnâk tla ka sâng na lai.

ZEKARIA 9:12

Nannih saltâng, tuah lungumnâk neitu tla, nan mun ah him tak hen hawng kîr u. Nan tuar mi ruangrûl ah a lehnih ngâk a tam malsâwmnâk kan pêk na ding mi tuah kan simh na lai.

HEBRAI 12:26

Chu liau chun a aw-hâu nih tual hi a ninh, sikhawmsele tu ah hin, “Veikhat chu tual lâwng silo hen vân khawm ka ninh teh lai,” ti hen a tiamh.

THUPHUANG 11:13

Chun, chu liau tak chun, lî thungâi thlâk â nîn le, khua chu munrâ ṭhen hen mun khat a chim rawh, lînîn lak chun mi sâng sarih an thi le, an thibang tla chu thungâi an lâu le, Pathian vân ah a um mi chu an chawnglawmh rawh.

THUPHUANG 11:19

Chun, vân ah Pathian biakin chu â awng le, chun, a biakin sungah Thudântuk Bâwm chu a hawng lang rawh; chun, mîmthlalek tla, aw-hâu tla, khuarît tla, lînîn tla, rial chawp tak tla thungâi a hawng um rawh.

THUPHUANG 16:18

Chun, mîmthlalek tla, aw-hâu tla, khuari tla, lî fâk tak â nîn le, tual ah minung siam tîr thawk hen chu hâwi hen lînîn fâk chu a um dahlo.

1 SAMUEL 15:29

Israel lakah thuneitu Pathian chu a âwkrâwl awtlo le, a thu khawm a lêt lai lo. Minung asi lo ruangah a thinlung a lêt ding asi lo,” a ti.