JOEL 3:11 - Bawm Common Language Bible Version

¹¹ A nam ule, mawhsareh hen hawng u. Nannih a kiangkam a mi phun zawzawng tla, tivakuam ah hawng a pûm u!’ ” a ti. LALPA, anmah tla do ding hen na kawrsen tla hawng fial na.

JOEL 3:11 ပူးပေါင်းရင်းမြစ်များ

SAM 103:20

Nannih vânmifial chak tak leh thiltikho tak tla, a dân thu zûltu leh a thusim ngâitu tla, LALPA chu sawr u.

ISAI 10:34

LALPA nih tumun sungah mi thing reitlung hen an hâu mi hâwi hen a hâu na lai le, Lebanon tlângah thing ṭha chem a tlû mi hâwi hen an tlû lai.

ISAI 13:3

LALPA nih a zumh na mi leh a rinhsanh na mi kawrsen tla chu râltuk thenhlimh do ding leh an lakah a thinthawk mi minung tla rangah rêp na ding hen a kawh na.

ISAI 37:36

LALPA vânmifial chu Asiria kawrsen riakmun ah a va kal le, kawrsen 185,000 a thah na. Thâizing khua a dei rawh chun an ektê hen an thi hep!

JOEL 3:2

Phun tla zawzawng ka pumh lai. Lâirêlnâk (Jehoshaphat) Vakuam ah ka put na lai. Chun ka mi le tlûnah thil an ti mi ruangah lâi ka rêl lai. Ramdang ah Israel tla chu an rek phin na le, Israel umnâk ka ram chu an semsâi ver.

MIKAH 4:12

Sikhawmsele chu phun tla nih LALPA thinlung an theih lo, fâng zâp ding an hawng put mi hâwi hen rêp ding ah pumh hen an um mi an theih lo.

ZEPHANIAH 3:8

LALPA nih, “Ngâk râm rih le, phun tla ka phiar na ding ni chu ngâk ko rih. Ka thinthawknâk theihtir na ding hen phun tla leh lalram tla pumh na ding ka tum. Ka thinrunhnâk mei hen tual pumpi ka veih awt.

THUPHUANG 19:14

Chun, vân ah kawrsen tla nih chun, puan mangṭhia vâr tak aih hen rang ngo tlûnah chuan bû hen an zûl.