JOEL 3:1 - Bawm Common Language Bible Version

¹ LALPA nih, “Chu tikah chun Juda leh Jerusalem sul-le-lam ka tluangtir lai.

JOEL 3:1 ပူးပေါင်းရင်းမြစ်များ

SAM 14:7

Zion thawk hen Israel tla nih nehnâk anna ting ding mi ruangah thla ka cham. Israel mi zapi rangah LALPA nih an sul-le-lam a tluangtir nawlh ding tikah chun an lâwp a tlo awt chiam a!

SAM 85:1

LALPA, na ram rangah chun khua na ruat le, Israel tla sul-le-lam chu na tluangtir nawlh.

THUFING LASUIBU 1:23

Nun ka nan simh liau hin ngâi. Krai ṭha tak ka nan pêk lai le, ka theihnâk ka nan ṭhenh lai.

ISAI 44:3

“Ram châr chu tî ka pêk lai le, tual châr lakah tiva tla ka luangtir lai. Ka thiltikhonâk nan fa le tlûnah ka tawih lai le, ka malsâwmnâk chu nan thlâk tla tlûnah ka tlungtir lai.

JEREMIA 16:15

Chu ngâk hen, Kei, Pathian nung, Israel mi tla marlei kâng ram ah mi suakpitu leh ram dang zawzawngah ka rekrâwitir na nâkah mi suakpitu keimah min hen thutiamnâk an nei lai. An thlâktu tla sinah ka pêk na mi ram, anmah ram ngelchel ah ka kîrtir na lai. Kei, LALPA nih ka sim asi,” a ti.

JEREMIA 29:14

Asi, nan ka tawng lai le, nan ram ah ka nan umtir nawlh na lai. Ka nan rekrâwitir na nâk ram leh munkip thawk hen ka nan pumh na lai le, sal ah kan kal tâktir na mi ram ah kan kîrpi nawlh na lai. Kei, LALPA nih ka sim asi,’ a ti.

JEREMIA 30:18

LALPA nih, “Ka mi le tla chu an ram ah ka umtir nawlh na lai le, dâwngsung khur kip tlûnah khua ka ruat lai le; Jerusalem leh a lal in tla ka dirh nawlh lai.

JEREMIA 30:3

thu ka nan simh mi zawzawng lasuibu ah rîn rawh. An thlâktu tla sinah ka pêk na mi ram ah ka kîrpi nawlh na lai le, chu mun chu anna ting nawlh lai. Kei, LALPA nih ka sim asi,” a ti.

EZEKIEL 16:53

LALPA nih Jerusalem sinah, “Sodom leh a khua tênâu tla leh Samaria leh a khua tênâu tla chu sul-le-lam tluang tak hen ka siam nawlh lai. Asi nang khawm sul-le-lam tluang hen ka nan siam lai.

EZEKIEL 39:25

LALPA Zahkâi nih, “Sikhawmsele, tu lam chun Jakob thlâk Israel mi tla tlûnah khua ka ruat lai le, sul-le-lam tluang tak hen ka siam na lai. Ka min thenhlimh chu ka hum lai rawh.

DANIAL 12:1

Puan nêm aih mi vânmifial nih, “Chu tik chun na mi tla vêngtu vânmifial rokual tak Mikael a hawng lang lai. Churawhchun, lawksawngnâk tik a hawng um lai le, phun tla a hawng um dawmhnâk hen a fâk chem mi asi. Chun hun chu a hawng tlung tik chun na mi tla Pathian lasuibu lakah an min rîn hen a um mi vial an him lai.

JOEL 2:29

Chu tikah chun to-aw tla, mipa leh nunau tla tlûn tiangah ka thlarau ka tawih lai.

AMOS 9:14

Ka mi tla chu an ram ah ka kîrpi nawlh na lai. An khuapi â râwk rawh mi tla chu an sak lai le, chunah chun an um lai; grep dûm tla an siam lai le, a hâng tla an din lai le; dûm tla an tuah lai le, chunah an chîng mi tla chu an ei lai.

NUMBER 11:29

Mosi nih a sâng le, “Ka duh mi hi na duhzia ma? LALPA nih hi mi zapi tla hi khuavâng hâwi hen âu ding hen a thlarau pêk chiau na sele ka duh asi,” a ti.

NUMBER 12:6

churawhchun LALPA nih, “Thu ka sim ding mi hi ngâi u, nan sinah khuavâng an um liauah an sinah Keimah tak ka langh le, mang leiah an sinah thu ka sim.

DEUTERONOMY 30:3

LALPA nan Pathian nih nan lakah khua a ruat lai. A nan rek na nâk phun lakah mi chu an kîrpi nawlh na lai le, sul-le-lam tluang tak hen an siam nawlh na lai.