JOEL 2:6 - Bawm Common Language Bible Version

⁶ An kal rawh chun mikip an lâu le, an mêl a dâng ver.

JOEL 2:6 ပူးပေါင်းရင်းမြစ်များ

SAM 119:83

Uain dûr mang tlâk lo lawnh mi hâwi kasi. Sikhawmsele na dân thu lam chu ka philh lo.

ISAI 13:8

An ektê hen an lâu lai le, nganfâknâk nih a neh na lai le, nunau nganfâk mi hâwi asi lai. Ningṭih hen anmah leh anmah anna zauh lai le, an mêl chu ningzaknâk hen a mûi lai.

JEREMIA 30:6

Tuah dawn le ruat nik! Mipa nih fa a ring kho ma? Chu hâwi asi mi chu zei rangah mipa kip nih nunau nganfâk mi hâwi hen an paw an kut hen an dawmh mi ka muh ne? Zei rangah mikip an dâng rê?

JEREMIA 8:21

Ka mi le tla râwk hen an um ruangah ka thinlung khawm â râwk rawh; ka lung a fâk le, ka thinlung a dawng thlo rawh.

LUNGFÂKNÂK 4:8

Tu lam chun khua lâi ah theih lo hen an mêl dum chik hen an rîl le, an vun tla chu thing hâwi hen a châr le, an ruh lakah â bêk pang.

NAHUM 2:10

Ninevi chu a vei rawh, a karo hen a um, a lâwng keng rawh! Thinlung chu ningṭihnâk hen a khat le, chaknâk a vei le, khûp tla a thir; mêl a dâng rê.

NAHUM 2:11

Tu chun khuapi chakeibaknei pûk hâwi a um mi, chakeibaknei pûk ah mi, chakeibaknei tla nih an ei hen an dinnâk mun, chakeibaknei a mipa leh a nunau an va kalnâk mun leh an fa tla an châwmnâk mun chu zeiah a um rawh?