JOEL 2:32 - Bawm Common Language Bible Version

³² “Jerusalem ah mi zeimaw mi tla, keimah nih ka thîm na mi tla chu an âwl lai,’ ” ti hen LALPA nih a sim mi hâwi hen.

JOEL 2:32 ပူးပေါင်းရင်းမြစ်များ

GENESIS 4:26

Seth nih fapa a nei le, a min ah Enos a sak. Chu thawk chun mi tla nih sawnhnâk ah LALPA min thenhlimh lam anna dawmh rawh.

SAM 50:15

Na lawksawngnâk ni ah hawng ka auh le, ruang ka nan suah lai, nangnih ka thang na ṭhattir lai.”

ISAI 10:22

Israel mi tla chu tuah tipi kapah sep hâwi hen tam khawmsele, tâwmtê cho an hawng kîr lai. Siatnâk chu mi zapi tla rangah khawng asi le, an rangah siah ziar hen a um.

ISAI 11:11

Chu ni a hawng tlung tikah chun Lalpa nih Asiria ram ah leh Aigupta ram ah um rih mi tla, Pathros, Sudan, Elam, Babulon, Hamat ram ah um mi leh tiva kapah um mi leh tikulh lakah um mi tla, kîrpi nawlh na ding hen a thiltikhonâk veikhat a mang nawlh lai.

ISAI 11:16

Asiria ram thawk hen lam lian Israel mi thibang tla rangah a hawng um lai, Aigupta an kaltâk liauah an thlâktu tla rangah a um mi hâwi hen.

ISAI 4:2

LALPA nih thil phun tla ram lakah tam tak a kho hen dawh tak hen a siam ni ding a hawng tlung awt. Israel mi a thibang tla chu ram lakah an chîng mi thlâi an tawng mi lakah anna lâwm lai le, an rinhsan lai.

ISAI 46:13

Nehnâk ni ka tlungtir ding mi chu a nâi rawh, a lât rîlmâl lo. Ka neh ding mi chu a sâwt lai lo rawh. Jerusalem chu ka hum lai le, Israel lakah zahnâk ka tlungtir lai,” a ti.

JEREMIA 31:7

LALPA nih, “Phun zawzawng lakah phun rokual chem Israel rangah lâwm hen la sak u. A vei bang, LALPA nih a mi tla ruang a suah na rawh ruangah sawrnâk la sak u.

JEREMIA 33:3

“Hawng ka auh ule, ka nan sâng na lai, nan theih dahlo mi thilchê tak ka nan simh na lai.

AMOS 9:8

Kei, LALPA Zahkâi nih Israel ram sual tak hi ka vêng le, hi tual tlûnah mi ka veih dep awt, sikhawmsele Jakob thlâk an ektê lam chu ka veih na awtlo.

OBADIAH 1:17

“Zion ah chun mi zeimaw mi an him lai le, tlâng thenhlimh asi lai. Ting dân asi hâwi hen Jakob mi tla nih anna ting lai.

OBADIAH 1:21

Jerusalem ah mi nehtu tla nih Edom ram an do lai le, an tlûnah lâi a rêl lai. LALPA amah tak chu Lal asi lai.”

MIKAH 5:3

Churuangah LALPA nih a mi tla chu fapa ring lânlo chu an mêlma sinah a mi chu a kaltâk awt rih. Churawhchun, ram sungah a hâwi tla sal ah an um mi tla chu anmah minung tla hen anna fawnh nawlh lai.

ZEKARIA 13:9

Churawhchun, a mun thumnâk a thibang chu mei nih tangka a thiangtir mi hâwi hen ka thiangtir lai. Ngûn nik mi hâwi hen ka nik na lai. Churawhchun, ka sinah thla an cham lai le, ka sâng na lai rawh. Ka mi le an si ti ka simh na lai le, annih khawm nih kan Pathian na si an hawng ka ti bâk lai rawh,” a ti.

JOHAN 10:16

Chun, hi dawrâ kulh ah mi lo hi dawrâ dang ka nei; annih khawm ka hawngpi na ding asi, ka aw an ngâ lai; chuvachun rual khat hen an um lai le, vêngtu pakhat hen.

JOHAN 4:22

Nannih nih nan theihlo mi nan sawnh tâwn; kannih nih kan theih mi kan sawnh tâwn. Ruangsuaknâk Juda tla sin thawk hen a hawng suak awt asi.

THILTI 15:17

Midang, Phundang tla zawzawng ka min hawng ka bâwmtu tla nih chun Lalpa an hâwlnâk ding hen, chu basâ chu ka dirh nawlh lai ti hen.

THILTI 2:39

A tiamh mi kha nannih rangah khawm, nan fa tla rangah khawm, lât tak ah mi zawzawng rangah khawm, Lalpa kan Pathian nih a sinah a kawh mi vial tla rangah khawm asi,” a ti.

ROM 11:26

Chun, Israel mi zawzawng ruangsuah hen an um ding zia chu hi hi asi: Pathian lasui thu nih, “Zion thawk hen ruangsuahtu a hawng suak lai le, Jakob thlâk tla thawk hen Pathian sunhsaklonâk a tlâutir lai.

ROM 11:5

Chu hâwi ber hen, tuliau khawm ah, zângfahnâk ruangah Pathian nih a thîm na mi tâwm an um.

ROM 11:7

Zeitin asi lai rawh ne? Israel mi tla nih chun an hâwl mi chu an tawng lo le, thîm mi tla lam nih chun an tawng le, a dang zawzawng tla chu an mawlâwt ver rawh asi.

ROM 9:24

Chu zângfahnâk bêl tla chu Juda tla lak mi cho silo hen, Phundang tla lakah mi khawm kawh an si.

ROM 9:27

Isai khawm nih Israel tla thu a phuang le, “Israel tla chu tisumsumriat ah sep zat hen tam khawmsele, a rêp bang cho chu ruangsuah hen an um lai.

1 KORIN 1:2

Korin khua ah Pathian kawhmi um tla, Krist ah thenhlimhtir hen Pathian mi tla siding hen kawhmi tla sinah, ram kip ah anmah leh kanmah Lalpa Krist min lamtu zawzawng tla hen:

HEBRAI 12:22

Zion Tlâng leh Pathian nung khua, vân Jerusalem, a vânmifial sâng tam tak tla umnâk chu nan hawng tleng rawh.