JOEL 2:3 - Bawm Common Language Bible Version

³ Belh a kho mi tla chu mei nih a khangh mi hâwi hen an ei hep. An mâilei ram chu Eden dûm hâwi asi le, an dunglei ram chu ramkaro a lâwng tlo mi hâwi hen a um. Zei thil khawm an zuah lo.

JOEL 2:3 ပူးပေါင်းရင်းမြစ်များ

GENESIS 13:10

Lot nih a kiangkam Jordan Vakuam zawzawng chu a zauh le, Zoar lei kalnâk tî tamnâk lei tla, LALPA DÛM mawh Aigupta ram ah mi hâwi chu a muh. (chu chu Sodom leh Gomorah khuapi LALPA nih a râwk lânah mi chu asi.)

GENESIS 2:8

Chun, LALPA Pathian nih sak leiah, Eden ah, dûm a siam le, chunah chun minung a siam mi chu a siah.

SAM 50:3

Kan Pathian chu dâisip hen a hawng lo; thinthawknâk mei chu a mâi ah a um, thlipi ṭihnungkâi chu a kiangkam ah a um.

SAM 97:3

A mâilei ah mei a kal le, a kiangah mi mêlma tla a khangh na.

EXODUS 10:15

Tual dum chuk rê hen an khat zit, chu tla nih chun rial nih a relh mi tla thil zeizawng thing rah tla an ei hep. Aigupta ram zawzawngah thing leh thlâi a ring mi pakhat khawm an zuah lo.

EXODUS 10:5

An tam awt tuk ruangah tual an khat zat awt. Rial nih a râwk lo mi tla zawzawng leh thing tla a râwk bang zawzawng an ei hep lai.

ISAI 14:17

Hi minung hi ma khuapi tla râwk hen ramkaro ah siamtu chu? Hi minung hi ma rêngtlâ mi suah duh lo hen in leiah tlungtir na lotu chu?’ an ti lai.

ISAI 15:6

Nimrim Tivatê khawm a kang, a vakap mi bua tla khawm a uai ver le, a ring mi zeikhawm a um lo.

ISAI 33:4

An neih tla chu anna thuam le, an lâk piak na.

ISAI 51:3

“Jerusalem leh â râwk mi lakah um mi zawzawng tla sinah sunhsaknâk ka langh lai. A ram chu a karo hen um menza khawmsele Eden ah dûm ka tuah mi hâwi hen dûm ah ka tuah awt. Lâwmnâk leh lâwptlonâk chunah chun a um lai le sawrnâk la an sak lai le, ka sinah lâwmthu an sim lai.

ISAI 9:18

Mei nih bualingnei leh bua tla a khangh mi hâwi hen mi zapi sualnâk nih a khangh. Ram a kâng mi meikhû a dîr luai mi hâwi hen a kâng.

ISAI 9:19

LALPA Zeizawng tikho chu a thinthawk ruangah, a rêpnâk nih chun ram pumpi mei hâwi hen a khangh le, mi zapi tla a veih na, mikip mah rang chiau asi.

JEREMIA 5:17

Na buh leh na fâng tla an ei hep lai le; na fapa leh fanu tla an thah na lai. Na ranrual leh na ran tla an thah lai le, na grep zûn leh theipi tla an râwk lai. An kawrsen tla nih na sirhsanh mi kulhnei khuapi tla an râwk lai.

EZEKIEL 36:35

Mikip nih, “hi ram hi veikhat chu ramkaro asi rawh mi, Eden dum hâwi asi ving rawh; khuapi tla khawm an siat hen an râwk le, râwk dep hen an siah rawh mi, tu chun an luah nawlh le, kulhnei hen an siam hep rawh,” an ti lai.

AMOS 7:4

LALPA Zahkâi sinah mi langhnâk ka nei fâwn. Chunah chun a mi tla mei hen a rêp na awt mi ka muh. Tual tangah tisumsumriat rokual tak chu mei nih a khangh le, ram tla chu kâng ding hen a dawmh rawh.

HABAKUK 1:6

Mirât leh um ziar kho lo mi thiltikho tak tla Babulon sinah ka put awt. Ramdang tla lâk ding hen laikulh pumpi an ṭawl.

ZEKARIA 7:14

Thlipi hâwi hen ramdang ah um ding hen ka sêm phin na. Hi ram ṭha tak hi a luahtu pakhat khawm umlo hen mâk hen a um.