JOEL 2:28 - Bawm Common Language Bible Version

²⁸ “Chu nûn chun mikip sinah ka thlarau ka tawih na lai le, nan fapa leh nan fanu nih ka thuchah an phuang lai; nan tarpa tla nih mang an manh lai le, nan tlangvâl tla nih langhnâk an muh lai.

JOEL 2:28 ပူးပေါင်းရင်းမြစ်များ

THUFING LASUIBU 1:23

Nun ka nan simh liau hin ngâi. Krai ṭha tak ka nan pêk lai le, ka theihnâk ka nan ṭhenh lai.

ISAI 32:15

Sikhawmsele, veikhat chu Pathian nih kan lakah a thlarau a hawng fial nawlh lai. Ram â râwk rawh mi chu a hawng ningno nawlh lai le, phâisen tla khawm nih thlâi tam tak a hawng suah nawlh lai.

ISAI 40:5

Churawhchun, LALPA rokualnâk a hawng lang lai le, mi zawzawng nih an muh lai. LALPA amah tak nih hi hi a tiamh mi asi,” a ti.

ISAI 44:3

“Ram châr chu tî ka pêk lai le, tual châr lakah tiva tla ka luangtir lai. Ka thiltikhonâk nan fa le tlûnah ka tawih lai le, ka malsâwmnâk chu nan thlâk tla tlûnah ka tlungtir lai.

ISAI 49:26

An nehsawhtu tla chu anmah leh anmah ka thahtir na lai; mi thah duhnâk leh thinthawknâk thinlung an put lai. Churawhchun, minung zawzawng nih Kei LALPA kasi mi leh a nan humtu leh thawsuak tak hen a nan suahtu kasi ti an theih lai. Israel Pathian thiltikho tak kasi zia an theih lai rawh,” ti hen a sâng.

ISAI 49:6

LALPA nih ka sinah, “Ka to-aw na rang ding ah ti ding rokual tak ka nei. Israel thibang tla rangah rokualtir natu cho na si lai lo le, phun tla rang khawm ah chêu ah ka nan siam lai, laikulh zawzawng ruangsuah an si khonâk ding hen,” a ti.

ISAI 54:13

“Keimah tak nih na mi tla chu ka sîntir na lai le sul-le-lam tluangnâk leh thlangamnâk ka pêk na lai.

JEREMIA 23:25

Khuavâng tla nih ka min hen âwkrâwl thu an sim le, an mang leiah thuchah ka pêk na mi ti hen an sim.

JEREMIA 23:28

Khuavâng mang nei mi chu mang rarâu ko asi ti hen a sim ding asi, sikhawmsele ka thu theihtu khuavâng lam chu thuchah zumhkâi tak hen a phuang lai. Fapawn leh fâng tahkhiat hen zei mi a ṭha dauh?

EZEKIEL 36:27

Ka thlarau nan lakah ka siah lai le, ka thupêk kan pêk na mi zawzawng leh ka dân nan zûl mi tla ka nan muh na lai rawh.

EZEKIEL 37:14

An lakah ka thaw ka khumh lai le, ka nungtir nawlh na lai le, an ram ah ka umtir nawlh na lai. Chu tikah LALPA kasi ti an theih lai rawh. Hi hi ti ding hen thu ka tiamh mi hi ka ti awt asi. Kei, LALPA nih ka sim asi,” a ti.

EZEKIEL 39:29

Ka mi Israel tla tlûnah ka thlarau ka tawih lai le, anmah tla ka kaltâk na lai lo rawh. Kei, LALPA Zahkâi nih ka sim asi,” a ti.

DANIAL 7:1

Babulon lalchem Belsazar a lal kum a kum khatnâk ah zân ah langhnâk ka muh,

ZEKARIA 12:10

“David thlâk leh Jerusalem ah midang um mi tla chu khuaruatnâk thlarau leh thlachamnâk thlarau hen ka khattir na lai. Thi thlo an sunh mi chu an zauh lai le, mi nih a fa neihlem tlûnah a lungfâk mi hâwi a lakah an lungfâk lai. An fa tîr thi mi lakah an lungfâk hâwi hen thungâi an lungfâk lai.

NUMBER 11:17

Chunah chun ka hawng lai le, kan sawnh lai, thlarau kan pêk mi kha annih khawm ka pêk na lai, chu tikah zapi lakah na mawhphurhnâk chu, chu tla nih an ṭangpi lai le, nangmah lâwng na si lai lo rawh.

NUMBER 12:6

churawhchun LALPA nih, “Thu ka sim ding mi hi ngâi u, nan sinah khuavâng an um liauah an sinah Keimah tak ka langh le, mang leiah an sinah thu ka sim.

LUK 1:67

Chun, a pa Zekaria chu Thlarau Thenhlimh hen a khat le, a simkanh le:

LUK 3:6

Chun, mi zawzawng nih Pathian ruangsuahnâk chu an tawng lai’ ati,’’ ti hen, rîn hâwi khan.

JOHAN 7:39

Chu thu chu a zumhtu tla nih Thlarau an nei ding thu a sim asi; Thlarau chu pêk asi lo rih, Jisu chu chawnglawmh hen a um lo rih ruangah.

THILTI 2:33

Pathian vawrhlei ah chawnglawmh hen a um le, Thlarau Thenhlimh tiamh mi chu Pa sinah thawk hen a tawng le, nan muh leh nan theih mi hi a hawng tawih asi hi.

THILTI 2:39

A tiamh mi kha nannih rangah khawm, nan fa tla rangah khawm, lât tak ah mi zawzawng rangah khawm, Lalpa kan Pathian nih a sinah a kawh mi vial tla rangah khawm asi,” a ti.

THILTI 21:9

Chu nih chun fanu pali a nei le, nungâk thenhlimh an si le, Pathian thu an sim tâwn.

GALATIA 3:28

Chunah chun Juda mi a um kho lo le, Greek mi khawm a um kho ber lo, chunah chun to-aw a um kho lo le, to-aw lo khawm a um kho ber lo, chunah chun mipa leh nunau khawm a um kho ber lo; Krist Jisu lakah nan ektê hen pakhat nan si ruangah.

HEBRAI 1:1

A lânah Pathian nih kan thlâktu tla sinah vei tam tak leh kâng tam tak hen khuavâng tla mang hen thu a sim le,

1 SAMUEL 19:20

Churawhchun, amah tleih ding hen mi a fial na. Chu mi a fial mi tla nih, khuavâng murui an hotu Samuel sinah lâm hen âu mi an va muh na. Churawhchun, Saul minung tla chu Pathian Thlarau nih a hawng luah na le, annih khawm an lâm le, an âu bâk.

1 SAMUEL 19:21

Saul nih chu chu a theih rawh chun minung tam dauh a fial le, annih khawm chu an va lâm le, an âu bâk fâwn. A veithumnâk ah midang a fial fâwn le, chu tla khawm chu a lânah mi hâwi ber hen an um bâk.

1 SAMUEL 28:6

Churuangah LALPA rangah zei hâwi ti ding asi awt ti hen a deih. Sikhawmsele LALPA nih a sâng lo thlo, mang lei hen khawm, Urim leh Thummim leh khuavâng mang hen khawm a sâng lo.