JOEL 2:26 - Bawm Common Language Bible Version

²⁶ Tu lam chun ei ding tam tak nan nei lai rawh le, nan khim lai rawh; nan rangah thilchê titu LALPA chu nan sawr lai rawh. Ka mi tla chu zauhnawmh hen an um lai lo rawh.

JOEL 2:26 ပူးပေါင်းရင်းမြစ်များ

GENESIS 33:11

Na rangah ka hawng put mi lâwmman hi zângfahtê hen hawng ka lâk piak ko; Pathian ka lakah vêl a nei le, ka herh mi zawzawng a hawng ka pêk,” a ti, lâwmman chu a lâk lânlo a pêk êu.

NEHEMIAH 9:25

Na mi tla nih kulhnei khuapi tla, ram ṭha, neih leh siah hen a khat mi tla, tikhurchawh chia, oliv thing tla, rah nei mi leh grep dûm tla na lâktir na. An duh tâwk an ei le, an hawng bit le, na pêk na mi thil lakah thungâi anna lâwm.

SAM 103:5

Ka nungnâk chu thil ṭha hen a khattir le, mupi hâwi hen ka tlangvâl hen ka chak khonâk ding hen.

SAM 116:7

LALPA chu ka lakah a ṭha ruangah, ka thinlung, amah chu zumh rawh.

SAM 13:6

LALPA, ka lakah na ṭha ruangah na sinah la ka sak lai.

SAM 22:26

Mipâm tla nih an duh tâwk an ei lai le; LALPA sinah hawngtu tla nih chun amah chu an sawr lai. An sul-le-lam tluang kumza seh!

SAM 37:19

Tik ṭhalo khawm ah an tuar lai lo le, Pâm tik khawm ah a tâwk an nei vima lai.

SAM 67:5

Pathian, mi tla leh mi zawzawng nih a nan sawr seh!

SAM 72:18

LALPA, Israel Pathian chu sawr u, hi bang thilchê tla hi amah cho nih a ti.

THUFING LASUIBU 13:25

Mirep nih khawp hen ei ding a nei le, sikhawmsele misual chu a sungvâng kumza.

LA TLA LA 5:1

Ka lungduh, ka nupi, ka dûm ah ka lût. Ka rimthâw leh murrah ka pumh; ka khuaitizû leh a thlâr tla ka ei; uain leh nûk ka din. Nunau tla nih Hawng ka duhtu, din le ei rawh, dâwtnâk hen na khim lânlo din rawh! Nunau nih

ISAI 25:1

LALPA, nang chu ka Pathian na si; ka nan zah hen na min ka sawr lai. Thilchê tla na ti le; a lân thawk hen na thiltum chu zumhkâi tak hen na ti vima.

ISAI 29:22

Churuangah tuah LALPA Israel Pathian, lawksawng liauah Abraham rangah ruangsuahtu nih, “Ka mi tla, nan ningzak kumza lai lo rawh, ningzak ruangah nan mêl â dang kumza lai lo rawh.

ISAI 45:17

Sikhawmsele Israel chu LALPA nih a hum le, zungzâl hen nehtu asi; a mi tla chu zei liau khawm ah an mualpho lai lo!’ ” a ti.

ISAI 49:23

Lalchem tla chu na rangah pa hâwi an si lai le; lalnu tla chu nu hâwi an si lai. Na mâika ah an hawng kûn hen a nan zah lai; thinlung nâu tak hen a nan zah zia an langh lai. Chu tikah kei LALPA kasi mi leh keimah ṭangpinâk ngâktu tla chu pakhat khawm lungdawng hen an um lai lo ti na theih lai,” a ti.

ISAI 54:4

Ṭih lah, ningzak saih hen na um lai lo rawh le nâutir khawm na si lai lo rawh. Nupi seino tê hâwi hen zumh na kâi lonâk leh numei hâwi hen thim pem hen na um mi tla chu na philh lai rawh.

ISAI 55:2

Khawp lo ding mi lakah zei rangah tangka nan veih? Sungvâng nget ṭung ding hen zei rangah ni lawh nan lawnh? Ka thu ngâi ule, ka sim mi chu ti u. Buh zawzawngah a ṭha chem mi lakah nanna lâwm lai.

LEVITICUS 25:19

Ram nih neihnâk a hawng suah lai le, nan duh mi zawzawng ei kho hen him tak hen nan um kho lai.

LEVITICUS 26:26

Nan buh tawngnâk lampi ka sah lai, nunau parâ nih sang zawzawng hût ding hen bêl pakhat cho a herh lai. Chu lakah mi chu an hawng ṭhen lai le, nan ei thluh ver nûn khawm ah nan sungvangh chu a mahmun nget lai.

LEVITICUS 26:5

Mîm-le-fâng cherkhet nan nei lai le, fâng nan ât liauah grep rah kawih a zâ lai, grep rah nan kawih liauah fâng tuh cham a hawng si fâwn lai. Nan duh mi zawzawng nan ei lai le, nan ram ah him tak hen nan um lai.

MIKAH 6:14

Nan ei lai le, sikhawmsele khimlo hen nan sung a vâng kumza lai. Thil tla nan lâk lai le, sikhawmsele nan zuah kho lai lo, thil zeizawng nanna khiar mi chu râltuknâk ah ka veih awt hep.

ZEPHANIAH 3:11

Chu tik chun, ka mi tla, ka lakah nan hel mi kha ningzakkâi tak hen nan um lai lo rawh. Mi â zûm mi leh â khâwng mi tla chu ka veih ver na lai le, ka tlâng thenhlimh ah âukhawm ka lakah nan hel lai lo rawh.

ZEKARIA 9:15

LALPA Zeizawng tikho nih a mi tla chu a hum na lai le, an mêlma tla chu an veih na lai rawh. Zurî hâwi hen râltuknâk ah chun an âu lai le, bâwlnâk thisen mâichâm tlûnah khêng lakah mi an thlêt le, a luang mi hâwi hen an mêlma tla thisen an luangtir lai.

ZEKARIA 9:17

Chu ram chu â dawh hen a ṭha awt chiam e! Seino tla chu an fâng leh an uain tla chenh hen chak tak hen an ṭhang lai.

ROM 10:11

Pathian lasui thu nih, “Âuzawng amah lungtu vial an mualpho lai loh,” a ti asi.

ROM 5:5

Chun, Thlarau Thenhlimh kan sinah hawng kan pêk mi nih khan Pathian dâwtnâk chu kan thinlung ah a khattir rawh ruangah lungumnâk nih chun a mualphotir lo.

ROM 9:33

Pathian lasui thu nih: “Zauhnik, Zion ah chun tlûknâk lung leh khamnâk lungpi ka siah le, âuzawng amah lungtu vial chu an lungdawng lai loh,” ti hen a sim hâwi khan.

DEUTERONOMY 11:15

nan ranrual tla rangah belh tla a hawng um lai. Nan duh tâwk hen fâng tla nan nei lai.

DEUTERONOMY 12:12

Chunah LALPA umnâk ah chun nan fa tla, nan to-aw tla, nan khua lakah Levi um mi tla hen munkhat lâwm tak hen um ule; Levi tla nih anmah rang ê hen mun an nei lo ti theihkumza u.

DEUTERONOMY 12:18

Nanmah leh nan fa tla, nan to-aw leh nan khua lakah Levi um mi tla hen, munkhat dut hen hi bang thil ap tla hi LALPA nan Pathian nih amah sawnhnâk mun ah a thîm mi mun cho ah nan ei dut ding asi. Chunah chun nan thilti zawzawngah nanna lâwm ding asi.

DEUTERONOMY 12:7

Chunah chun LALPA nan Pathian umnâk mal a nan sâwm na mi ram ah chun nan fa le, nan dâwngsung tla hen nan rianṭuan mi thil ṭha chu lâwm tak hen nan ei lai.

DEUTERONOMY 8:10

Ei ding phung nan duh mi zawng nan nei lai, LALPA nan Pathian nih ram ṭha a nan pêk na mi ruangah a sinah lâwmthu nan sim lai rawh.

1 TIMOTHE 6:17

Hi laikulh minei tla hi a zûm lo ding leh neihnâk zumhkâilo ah an lungumnâk ngauh lo hen, thil zawzawng lâwmnâk ding ah hawng kan pêktu Pathian sinah ngauh ding hen nunsimh na rawh.

1 JOHAN 2:28

Fa le tla, amah ah um kumza u, amah a hawng a langh tikah ningzak lo hen râlṭha tak hen kan um kho lai.