JOEL 2:24 - Bawm Common Language Bible Version

²⁴ Fâng chîlnâk mun khawm fâng hen a khat lai le, sûrnâk khur kiang tla khawm uain hâng leh oliv sariak khat hen a liam lai.

JOEL 2:24 ပူးပေါင်းရင်းမြစ်များ

EZEKIEL 36:8

Sikhawmsele, Israel tlâng sâng tla tlûnah thing tla chu a nah a chawrh lai le, ka mi Israel rangah rah an suah lai. Tam sâwtlo hen in leiah nan hawng tlung lai rawh.

JOEL 3:13

An sual tuktarâi; fângzûn liau fâng tla hâwi hen ât phin na le; grep a sûrnâk lakah a uain hâng suak rê hen an sûr mi hâwi hen sûr na.

JOEL 3:18

Chu tikah chun tlâng sâng tla chu grep zûn nih a khuh lai le, tlâng kip ah ranrual tla muh asi lai. Juda ram zawzawngah tî tam tak a um lai. Tiva chu LALPA Biakin thawk hen a hawng luang lai le, Akasia tivakuam tla ah a luang lai.

LEVITICUS 25:19

Ram nih neihnâk a hawng suah lai le, nan duh mi zawzawng ei kho hen him tak hen nan um kho lai.

LEVITICUS 26:10

Nan fâng thungâi a tling lai le, a ât kum khat nanna tâwk lai, falun siahnâk a tlum lai lo, fa thar nih a siahnâk ding a luah hep lai.

AMOS 9:13

“LALPA nih, Fâng tla zûn châwklo rê hen ṭhang ding leh grep khawm uain ah siam châwklo rê hen a ningno lai. Tlâng sâng tla chu uain thlum hen a zut lai le, tlângtê tla khawm uain hâng hen a luang ding ni chu a hawng tlung awt rawh.

MALAKI 3:10

Tî-râwl tam tak um kho ding hen Biakin ah parâ lû pakhat hawng put u. Hawng ka nik ule, vân langawtkawt ka awng lai le, thil ṭha chikip tam tak ka hawng thlêt mi nan muh lai.