JOEL 2:23 - Bawm Common Language Bible Version

²³ “Zion mi tla, a lâwm u, LALPA, nan Pathian nih nan rangah thil a ti mi ruangah a lâwrn u. Fângzûn liauah ruah tam tâwk ual hen an pêk na le, busik liau ruah khawm nan rangah a sûrtir hen tifûr tlâk tîr khawm a lân hâwi asi rawh.

JOEL 2:23 ပူးပေါင်းရင်းမြစ်များ

1 Lal 8:36

Lalchem leh Israel mi tla sualnâk tla chu ngaihdam na, thil dik ti ding hen sîntir na. Churawhchun, LALPA, hi ram, na mi tla tâ si kumza ding hen na pêk mi ah hin ruah sûrtir rawh.

JOB LASUIBU 33:23

Minung zauhkhenhtu Pathian vânmifial sâng tam tak lakah mi pakhat, amah ṭangpi hen a hawng kâi dahmawh.

JOB LASUIBU 37:13

Tual chinhtu ding Pathian nih ruah a sûrtir le, minung fa rêp ding hen mawh, a sunhsak ti theihnâk ding khawm a sûrtir kho.

SAM 104:34

Ka la sak lakah a lâwm sele, amah thawk hen ka lâwm mi asi ruangah.

SAM 147:8

Sûm tla chu chung vân leiah a zâr le, tual rangah ruah a ruat. Churawhchun, tlâng mi belh tla chu a ṭhangtir.

SAM 149:2

Israel, a nan siamtu chu â lâwm ruangah, Zion mi tla nan lal asi ruangah, a lâwm u!

SAM 28:7

LALPA chu hawng ka kiltu leh vêngtu asi ruangah ka zumh asi. Hawng ka ṭangpi le, hawng ka lawmhtir, lawmnâk la hen amah ka sawr.

SAM 32:11

Nannih mirep tla, LALPA thilti ruangah chun Lâwptlo hen a lâwm u. Nannih ê-aw ngâitu tla, lâwm hen âu u!

SAM 84:6

Baka kuam an kal liauah tinungva umnâk asi; ruah tîr tla nih tili tla an khah.

THUFING LASUIBU 16:15

Lal sunhsaknâk chu ruahtîr liauah ruah sûrtirtu vândâwm hâwi asi. Chunah chun nungnâk a um.

ISAI 30:21

Vawrhlei ah mawh kehlei ah mawh vâi khawm ule, nan dunglei ah hi hâwi thu a sim mi nan theih lai, “Hinah lampi a um hi! Hinah kal u,” ti hen.

ISAI 30:23

Zeiliau khawm ah nan thlâi chî tuh lakah LALPA nih kho ding hen ruah a sûrtir lai le, fângzûn liauah neih leh siahnâk an pêk na lai le, nan ranrual tla khawm nih ram nah ningno tam tak an nei lai.

ISAI 41:16

Boruak ah na vawrh phin lai le thli nih a ranh ving lai, thlipi nih a thektham hep lai. Churawhchun, kei na Pathian kasi ruangah na lâwptlo lai rawh; Israel Pathian thenhlimh chu na ka sawr lai rawh.

ISAI 61:10

Jerusalem, LALPA nih thil a ti mi ruangah a lâwm rawh. Anih chu umh liauah â thuam mi hâwi asi. Pathian nih ruangsuahnâk leh nehnâk puan a aihtir.

JEREMIA 3:3

Churuangah asi, ruah sûrlo hen fûr a tla lonâk chu. Nang chu nunau â zuar mi na bangh le; ningzaknâk na nei lo.

JEREMIA 5:24

Fângzûn liau ruah leh fûr tlâk tîr ruah ka sûrtir le, kumsiar hen fângzûn tik ka nan pêk na khawm ah, hawng ka zah ding nan awt dahlo.

LUNGFÂKNÂK 4:2

Zion tlangvâl tla chu kan rangah ngûn hâwi an sung le, sikhawmsele tu lam chun tual hel rarâu hâwi hen an ti na.

EZEKIEL 34:26

“Mal ka sâwm na lai le, ka tlâng thenhlimh kiangkam ah ka umtir na lai. Chunah chun fâng chî tuhtu nih an herh liauah malsâwmnâk ruah ka sûrtir lai.

HOSEA 6:3

LALPA theih kanna tum lai. Ni tla a hawng suak mi hâwi hen, tifûr tla nih tual a chîntir mi hâwi hen kan sinah a hawng lai,” an ti.

LEVITICUS 26:4

a tik takah ruah ka sûrtir lai le, ram nih chun neihnâk a hawng suah lai le, thing khawm nih rah a suah lai.

AMOS 4:7

Nan thlâi chîng tla nih ruah tî an herh thlo liauah ruah sûr ding ka khap. Khuapi pakhat ah ka sûrtir khawmsele khuapi dangah chun ka sûrtir lo. Phâisen pakhat ah ruah ka sûrtir le, sikhawmsele phâisen dang tla chu sûrlo hen a hul hiam.

ZEKARIA 10:1

Ṭhal ah ruah sûr ding hen LALPA rangah deih u. Mikip rangah ruah sûrtir hen phâisen ring dul tirtu chu LALPA asi.

ZEKARIA 10:7

Israel mi tla chu kawrsen hâwi hen an chak lai le, uain dintu tla hâwi hen anna lâwm lai. Hi nehnâk hi an thlâk tla khawm nih an theihkumza lai le, LALPA ti mi asi ruangah anna lâwm lai.

ZEKARIA 9:13

Juda chu chanhtiang kûk ah ka siam lai le, Israel chu a thalzum ah ka siam lai. Greek mi tla do ding hen Zion mi tla chu nâmsâu hâwi hen ka mang na lai.

ZEKARIA 9:9

Zion mi tla, a lâwm u, a lâwm u! Jerusalem mi tla, lâwm hen âu u! Zauhnik! Nan lal chu nan sinah neh hen leh nehtu si hen a hawng kal le, nâu tak hen sanatung fa tlûnah â chuan.

THILTI 14:17

sikhawmsele, Pathian nih amah chu a dik asi ti theihtirnâk umlo hen a siam lo, chu hâwi hen thil ṭha a ti tâwn, vân thawk hen ruah tla leh ei ding a nan pêk na, nan thinlung lâwmnâk hen a nan khattir na tâwn kha,” an ti.

DEUTERONOMY 11:14

Chu hâwi nan ti chun, nan ram ah a herh tik zawng ah ruah a hawng sûrtir lai le, fângzûn liau leh fûr tla khawm ah, churawhchun, fâng tla, uain tla, Oliv sariak tla leh

DEUTERONOMY 28:12

Vân ah a neih-le-siah kilnâk thawk hen ruah a tik takah a hawng sûrtir lai le, nan rianṭuan zawzawng mal a nan sâwm na lai, churawhchun phun tam tak tla rangah nan pûktir na lai le, sikhawmsele nannih tla lam chu âu sin khawm ah nan pûk lai lo.

DEUTERONOMY 32:2

Ka sîntirnâk tla chu ruah hâwi hen a sûr lai le, dâmtî hâwi hen tual tlûnah a um lai. Ka thu tla chu thlâi keuh no leh belh no lakah ruah a sûr mi hâwi asi lai.

PHILIPI 3:1

A dawnghchemnâk ah chun, unau le tla, Lalpa ah chun a lâwm u. Thu a mahmun lîlâ nan sinah rîn nawlh hi kei rangah chun nengtawr a kâi lo, nan rangah a ṭangkâi ruangah.

PHILIPI 3:3

Kannih Pathian Thlarau zârah Pathian sawnh leh Krist Jisu putso leh taksa tlûnah rinhsannâk ngauh lotu tla hi fêmtan tla kan si dauh asi.

PHILIPI 4:4

Lalpa ah chun a lâwm kumza u. Ka ti nawlh lai, a lâwm u.