JOEL 2:22 - Bawm Common Language Bible Version

²² Ran tla, lâu lah u, ram tla ningno hen a ring rawh; Thing tla nih rah an suah le, theipi leh grep khawm tam tak a um rawh.

JOEL 2:22 ပူးပေါင်းရင်းမြစ်များ

GENESIS 4:12

Tual ah thlâi chîng ding tum khawm le, tual nih zeikhawm a nan suah piak lai loh. Tual ah umnâk nei lo hen mi rawkrawl na si lai,” a ti.

SAM 36:6

Na repnâk chu tlâng sâng hâwi hen tlûn leiah a um. Na lâirêlnâk chu tipi thûk tak hâwi asi. Minung leh ramsa tla chu nangmah zauhkhenh an si.

SAM 65:12

Ram ningno chu ranrual hen na khattir; tlâng tla chu lâwm hen an khat.

SAM 65:13

Phâi tla chu dawrâ hen an khat; tiva hum tla chu fâng hen an khat, thil zeizawng anna lâwm le, la an sak.

SAM 67:6

Ram nih fângzûn ding a suah; Pathian, kan Pathian nih mal hawng kan sâwm.

ISAI 51:3

“Jerusalem leh â râwk mi lakah um mi zawzawng tla sinah sunhsaknâk ka langh lai. A ram chu a karo hen um menza khawmsele Eden ah dûm ka tuah mi hâwi hen dûm ah ka tuah awt. Lâwmnâk leh lâwptlonâk chunah chun a um lai le sawrnâk la an sak lai le, ka sinah lâwmthu an sim lai.

EZEKIEL 36:30

Nan thing thei tla ka rahtir lai le, nan phâisen tla fâng ka tlingtir lai le, phun tla lakah an mualphoh na ding hen pâmnâk rêng a um lai lo rawh.

EZEKIEL 36:35

Mikip nih, “hi ram hi veikhat chu ramkaro asi rawh mi, Eden dum hâwi asi ving rawh; khuapi tla khawm an siat hen an râwk le, râwk dep hen an siah rawh mi, tu chun an luah nawlh le, kulhnei hen an siam hep rawh,” an ti lai.

EZEKIEL 36:8

Sikhawmsele, Israel tlâng sâng tla tlûnah thing tla chu a nah a chawrh lai le, ka mi Israel rangah rah an suah lai. Tam sâwtlo hen in leiah nan hawng tlung lai rawh.

JONA 4:11

Ninevi khuapi rokual tak chu chu ngâk hen ka lungkham awt tuktarâi, chulo khawm ah ngâksia sual lo mi nuaikhat leh sîng nih leh ran tam tak hen!” a ti.

HAGAI LASUIBU 2:16

fâng pawng kilogramme zanih tawng ding lungum hen nan kal le, sikhawmsele zâ cho a um; uain siahnâk mun a mi litre zâ va than ding hen nan va kal le, sikhawmsele sâwmli cho nan tawng.

ZEKARIA 8:12

Thlangam tak hen thlâi tla an chîng lai rawh. An grep zûn tla nih rah a suah lai le, tual nih rah tam tak a suah lai le, ruah tam tak a sûr lai. Hi bang phun tla lakah ka mi thibang tla chu hi zawng malsâwmnâk tla ka pêk na lai.

1 KORIN 3:7

Chun, a ṭhangtirtu Pathian cho lo chu a phuntu chu zeikhawm asi lo, tî hen châwmtu khawm chu zeikhawm asi bâk lo.