JOEL 2:21 - Bawm Common Language Bible Version

²¹ Phâisen tla ṭih lah u, LALPA nih nan rangah thil a ti mi zawng ruangah lâwptlo ule, a lâwm u.

JOEL 2:21 ပူးပေါင်းရင်းမြစ်များ

GENESIS 15:1

Chu nûn chun, Abram nih langhnâk a muh le, LALPA nih a sawnh mi a theih, “Abram, ṭih rîlmâl lah, vânduainâk ah mi ka nan hum lai le, lâwmman rokual tak ka nan pêk lai,” a ti.

SAM 71:19

Pathian, na repnâk nih vân a dêng. Thil rokual tak tla na ti le, nangmah hâwi âukhawm an um lo.

SAM 98:8

Nannih tiva tla, nan zâ bengh u; Nannih tlâng tla, lâwm hen LALPA mâika ah la sak u;

ISAI 35:1

Ramkaro chu â lâwm lai le, chawmpâr tla chu Ramkaro ah an ên lai.

ISAI 41:10

Lâu lah u, nan sinah ka um! Nan Pathian kasi, zeikhawm nih an lâutir lah na seh! Chak tak hen kan siam na lai le, kan ṭangpi na lai. Kan nan zauhkhenh na hen kan hum na lai.

ISAI 44:23

Vân tla, lâwm hen âu u! Tual mun thûk takah mi âu u! Tlâng sâng leh tumun ah thing tla lâwm hen âu u! LALPA nih a mi Israel tla ruangsuahnâk hen a rokual zia a langh.

ISAI 54:4

Ṭih lah, ningzak saih hen na um lai lo rawh le nâutir khawm na si lai lo rawh. Nupi seino tê hâwi hen zumh na kâi lonâk leh numei hâwi hen thim pem hen na um mi tla chu na philh lai rawh.

ISAI 55:12

Babulon chu lâwm bû hen nan kaltâk lai le, chu khuapi lakah mi chu thlangam tak hen nan suak lai. Tlâng sâng tla leh tlâng tênâu chu la sak hen hâu an suah lai le thing tla chu lâwm hen an âu lai.

JEREMIA 33:3

“Hawng ka auh ule, ka nan sâng na lai, nan theih dahlo mi thilchê tak ka nan simh na lai.

HOSEA 2:21

Chu tikah ka mi Israel tla thlachamnâk chu ka sâng lai rawh.” Tual tlûnah ruah ka sûrtir lai le, tual nih fâng tla, grep tla leh oliv a suah lai.

JOEL 2:20

Marlei thawk hen khâubawk kawrsen tla an hawng mi chu ka kiangtir na lai le, ramkaro leiah ka khanh na lai. Mâilei mi rnurui tla chu Tipi Thi ah khalh hen an um lai le, dunglei mi tla chu Mediteranian ah khalh hen an um lai. An ruak tla a thû lai, nan lakah thil an ti mi zawng ruangah ka veih na awt.

JOEL 2:26

Tu lam chun ei ding tam tak nan nei lai rawh le, nan khim lai rawh; nan rangah thilchê titu LALPA chu nan sawr lai rawh. Ka mi tla chu zauhnawmh hen an um lai lo rawh.

ZEKARIA 8:15

Sikhawmsele tu lam chun Jerusalem mi tla leh Juda chu malsâwm na ding ka tum. Churuangah lâu lah u.

DEUTERONOMY 4:32

“A lân mi tla, nan suak lânah mi, Pathian nih tual tlûnah minung a siam liau mi zawzawng tla ruat set u. Tual pumpi ruat nik u. Hi hâwi rerêng a lânah thil rokual a um tâwn ma? Zeital hi bang hâwi thil hi âunih theih dah tâwn?

1 SAMUEL 12:16

Churuangah nan dîrmun ah dîr ule, LALPA nih thil rokual a ti ding ni chu zauh ziar u.

1 SAMUEL 12:24

LALPA lakah ê-aw ngâi ule, nan thinlung zawzawng hen a rianṭuan u. Nan rangah thil rokual tak an ti piak na mi chu theihkumza u.